03/12/2018
3 Dekabr Beynəlxalq Əlillər Günü münasibətilə YAP Xəzər rayon təşkilatı, Xəzər rayon İcra Hakimiyyəti, YAP Xəzər rayon təşkilatı Qadınlar Şurasının birgə təşkilatçılığı ilə Sağan Mədəniyyət Mərkəzində “Həyata Gülümsə” adlı tədbir keçirildi. Tədbirdə YAP Xəzər rayon təşkilatının sədri Namiq Əhmədov, Milli Məclisin deputatı Rauf Əliyev, Rayon İcra Hakimiyyətinin Başçısının müavini Lalə Əhmədova və YAP Xəzər rayon təşkilatının Qadınlar Şurasının sədri Pərvanə Hacıyevanın iştirakı ilə əlil və fiziki qüsurlu iştirakçıların əl işlərindən ibarət sərgiyə baxıldı. Tədbirdə Şağan Müharibə Əlilləri üçün Pansionatında müalicə alan əlillərin , sağlamlıq imkanları məhdud valideyin himayəsindən məhrum olmuş uşaqlar üçün 4 saylı Respublika xüsusi internatın şagirdlərinin, 1 saylı xüsusi nevroloji xidmət müəssisəsinin şagirdlərinin əl işlərindən ibarət sərgisi, Şağan Mədəniyyət Mərkəzinin rəssamlıq dərnəyinin fiziki qüsurlu üzvləri tərəfindən çəkilmiş rəsm əsərləri və sağlamlıq imkanları məhdud uşaqlar üçün 2 saylı xüsusi internat məktəbin şagirdlərinin rəqs nömrələri və tamaşaları nümayiş etdirildi. Tədbir iştirakçıları tərəfindən bir neçə rəsm əsəri və əl işlərinin xeyriyyə məqsədi ilə satışı keçirildi.
