Kürdəmir Rayon İcra Hakimiyyəti

02/06/2026

2 İyun – Mülki Aviasiya İşçilərinin Peşə Bayramı Günüdür. ✈️

Bu münasibətlə bütün aviasiya işçilərini təbrik edirik, fəaliyyətlərində uğurlar arzulayırıq!

01/06/2026

Kürdəmirdə “Şəhərsalma və Memarlıq İli” çərçivəsində “1 iyun - Uşaqların Beynəlxalq Müdafiəsi Günü” qeyd olunub. Tədbirdə iştirak edən rayon İcra Hakimiyyətinin başçısı Elşən Həsənli məktəblilərin əl işlərindən ibarət sərgiyə baxış keçirib. Daha sonra başçı təhsil, idman və mədəniyyət sahəsində uğur qazanan uşaqlarla görüş keçirib. Görüş zamanı Elşən Həsənli dövlətimizin uşaqlara göstərdiyi diqqət və qayğıdan söhbət açıb. Görüşün sonunda icra başçısı Elşən Həsənli bilik və bacarıqları ilə seçilən uşaqları fəxri fərman və hədiyyələrlə mükafatlandırıb.

01/06/2026

Kürdəmir Rayon İcra Hakimiyyətinin təşkilatçılığı ilə 1 İyun Uşaqların Beynəlxalq Müdafiəsi Günü münasibətilə şəhid və qazi uşaqları üçün şənlik təşkil edilib.

Tədbirdə çıxış edən icra başçısı Elşən Həsənli uşaqları təbrik edib, ölkəmizdə uşaqların dövlət tərəfindən daim diqqət mərkəzində olduğunu bildirib. İcra başçısı şəhid və qazilərimizin ölkəmizin suverenliyi, torpaqlarımızın azadlığı uğrunda göstərdiyi şücaət barədə bəhs edib.
Tədbirdə uşaqlar üçün əyləncə təşkil edilib, animatorlar köpük şou nümayiş etdiriblər.

01/06/2026

Kürdəmir Rayon İcra Hakimiyyətinin başçısı Elşən Həsənlinin 2026-cı ilin iyun ayında səyyar qəbul qrafiki

01/06/2026

28/05/2026

28 May - Azərbaycanın Müstəqillik Günü

27/05/2026

Hörmətli həmvətənlər!

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

26/05/2026

“Şəhərsalma və Memarlıq İli” çərçivəsində “28 may – Müstəqillik Günü”nə həsr olunmuş tədbir keçirilib.

Tədbirdə Kürdəmir rayonun icra başçısının müavini Ağali Kərimli, şəhid ailələri, qazilər, idarə, müəssisə və təşkilat rəhbərləri, eləcə də rayon ictimaiyyətinin fəal üzvləri iştirak ediblər. Çıxışlarda Azərbaycan Xalq Cümhuriyyətinin cəmi 23 ay mövcud olmasına baxmayaraq, xalqımızın dövlətçilik tarixində silinməz iz qoyması, şərqdə ilk demokratik və hüquqi dövlət nümunəsi kimi tanınması qeyd olunub. Bildirilib ki, məhz bu irs müasir Azərbaycan dövlətçiliyinin əsasını təşkil edir.