Bakı Şəhər Mədəniyyət Baş İdarəsi

01/06/2026

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.

01/06/2026

01/06/2026

1 İyun - Uşaqların Beynəlxalq Müdafiəsi Günüdür

31/05/2026

🎭Regionlarda mədəni qastrol proqramı – iyun 2026

Azərbaycan Respublikası Mədəniyyət Nazirliyinin təşəbbüsü və təşkilatçılığı ilə ölkənin aparıcı bədii kollektivlərinin Bakı və regionları əhatə edən genişmiqyaslı mədəni qastrol proqramı həyata keçirilir.

Layihə paytaxt və bölgələri vahid proqram çərçivəsində birləşdirən, ölkə üzrə geniş coğrafiyanı əhatə edən ilk sistemli mədəni qastrol təşəbbüslərindən biridir.
“Azərbaycan Mədəniyyəti – 2040” Konsepsiyası çərçivəsində müəyyən olunmuş prioritet istiqamətlərdən biri – mədəniyyətin regionlarda əlçatanlığının artırılması və ölkə üzrə vahid mədəni ekosistemin formalaşdırılması məqsədlərinə uyğun olaraq həyata keçirilir.

📍İyun ayında qastrol proqramı Xızı, Balakən, Ağdam, Ağcabədi, Qəbələ və Şəki rayonlarını əhatə edir.

🎶İyun ayı üzrə konsertlərin proqramı:

📍10 iyun – Xızı rayonu
📌Heydər Əliyev Mərkəzi | 🕑14:00
🎼M.Maqomayev adına Azərbaycan Dövlət Akademik Filarmoniyasının Q.Qarayev adına Azərbaycan Dövlət Kamera Orkestri

📍12 iyun – Balakən rayonu
📌Mədəniyyət Mərkəzi | 🕕18:00
🎼M.Maqomayev adına Azərbaycan Dövlət Akademik Filarmoniyasının F.Əmirov adına Əməkdar kollektiv Azərbaycan Dövlət Mahnı və Rəqs Ansamblı

📍20 iyun – Ağdam şəhəri
📌Ağdam Muğam Mərkəzi | 🕕18:00
🎼Heydər Əliyev Sarayının Niyazi adına Dövlət Simfonik Orkestri

📍21 iyun – Ağcabədi rayonu
📌 Yaqub Məmmədov adına Ağcabədi rayon Mədəniyyət Mərkəzi | 🕒15:00
🎼Heydər Əliyev Sarayının Niyazi adına Dövlət Simfonik Orkestri

📍22 iyun – Qəbələ rayonu
📌Mədəniyyət Mərkəzi | 🕕18:00
🎼M.Maqomayev adına Azərbaycan Dövlət Akademik Filarmoniyasının Ü.Hacıbəyli adına Azərbaycan Dövlət Simfonik Orkestri

📍24 iyun – Şəki şəhəri
📌Heydər Əliyev Mərkəzi | 🕔 17:00
🎼M.Maqomayev adına Azərbaycan Dövlət Akademik Filarmoniyasının Azərbaycan Dövlət Xalq Çalğı Alətləri Orkestri

28/05/2026

Bakı şəhər Hüseynqulu Sarabski adına 7 nömrəli Uşaq Musiqi Məktəbinin Rəşid Behbudov adına Azərbaycan Dövlət Mahnı Teatrında 1 İyun- Uşaqların Beynəlxalq Müdafiəsi gününə həsr olunmuş “Balaca ürəklərin musiqisi” adlı hesabat konserti keçirilib.

Tədbirdə mədəniyyət işçiləri, rəsmilər, musiqi və incəsənət məktəblərinin direktorları və digər qonaqlar iştirak ediblər.

Aparıcı tədbiri açıq elan edərək qonaqları salamlayıb və bayram münasibətilə bütün uşaqları təbrik edib. Qeyd edib ki, bu gün Azərbaycanda uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Daha sonra məktəbin şagirdləri, beynəlxalq müsabiqələr laureatları konsert proqramı ilə çıxış ediblər. Konsertdə Azərbaycan və xarici ölkə bəstəkarlarının əsərləri ifa olunub.

28/05/2026

Bakı Șəhər Mədəniyyət Baş İdarəsinin və Nizami Rayon İcra Hakimiyyətinin birgə təşkilatçılığı ilə Daun Sindromlu Şəxslərin Reabilitasiya Mərkəzində 1 İyun – Uşaqların Beynəlxalq Müdafiəsi Günü ərəfəsində tədbir keçirilib.

Tədbirdə uşaqların, xüsusilə də Daun sindromluların hüquqlarının müdafiəsi və reabilitasiyası ilə bağlı məsələlərin dövlət tərəfindən xüsusi diqqətdə saxlanıldığı onların hüquqlarının təmini istiqamətində zəruri tədbirlərin görüldüyü bildirilib.

Daha sonra H.Abbasov adına Mədəniyyət Mərkəzinin “Klimarası” kukla teatrının təqdimatında “Qırmızı papaq” tamaşası nümayiş olunub, nağıl qəhrəmanları uşaqlarla birlikdə oyunlar keçirib, tanınmış müğənnilər Günel Zeynalova, Tərlan Xəlilov musiqi nömrələri ilə çıxış ediblər.

28/05/2026

Bakı şəhəri 33 nömrəli Uşaq Musiqi Məktəbinin Beynəlxalq Muğam Mərkəzində "Müstəqillik sədaları" adlı hesabat konserti keçirilib.

Tədbirin əsas məqsədi şagirdlərin il ərzində əldə etdikləri nailiyyətləri nümayiş etdirmək, onların yaradıcılıq potensialını üzə çıxarmaq və gələcək nəsillərin vətənpərvərlik ruhunda formalaşmasına tövhə verməkdir

Konsert proqramında məktəbin şagirdləri Azərbaycan və dünya bəstəkarlarının əsərlərini məharətlə ifa ediblər.

Sonda məktəbin direktoru Nəzifə Əliyeva çıxış edərək konsertin ərsəyə gəlməsində əməyi olan müəllimlərə, şagirdlərə və layihənin gerçəkləşməsinə tövhə verən hər kəsə öz minnətdarlığını bildirib.

28/05/2026

Bakı şəhər Fikrət Əmirov adına 6 nömrəli Onbirillik İncəsənət Məktəbi və Xəzər Universitetinin birgə layihəsi olan 1 İyun-Uşaqların Beynəlxalq Müdafiəsi Gününə həsr olunmuş “Uşaqlar və gənclər bizim gələcəyimiz , ümidimizdir” adlı hesabat konserti keçirilib.

Xəzər universitetində keçirilən tədbirdə əvvəlcə məktəbin rəsm şöbəsinin şagirdlərinin əl işlərinə baxış keçirilib.

Daha sonra məktəbin şagirdləri Azərbaycan və xarici ölkə bəstəkarlarının əsərlərini məharətlə ifa ediblər.

28/05/2026

Bakı şəhər Rəşid Behbudov adına 2 nömrəli Musiqi Məktəbinin şagirdləri Maqsud İbrahimbəyov Yaradıcılıq Mərkəzində ustad dərsində çıxış ediblər.

Maqsud İbrahimbəyov Yaradıcılıq Mərkəzində bəstəkar və pianoçu Sevda Rəhimovanın iştirakı ilə uşaqlar üçün xeyriyyə musiqi ustad dərsi keçirilib. Tədbir “Qüsursuz Nitq” Nitq və Psixologiya İnkişafı Mərkəzi tərəfindən təşkil olunub. Tədbirdə qonaq qismində Alona Əliyeva iştirak edib.

Ustad dərsi çərçivəsində gənc iştirakçılar valehedici musiqi, səs və ritm dünyası ilə tanış olublar, müxtəlif musiqi alətlərinin xüsusiyyətləri haqqında məlumat əldə ediblər və yaradıcı və interaktiv məşğələlərə qatılıblar.

Tədbirdə çıxış edən “Ümidlə gəl” xeyriyyə layihəsinin rəhbəri Hacı Quliyev deyib ki, Heydər Əliyev Fondu, xüsusən də Leyla Əliyeva tərəfindən sağlamlıq imkanları məhdud olan uşaqlara dəstəyin göstərilməsi həmişə xüsusi əhəmiyyət kəsb edir.

Onun sözlərinə görə, həyata keçirilən layihələr bu vacib ənənəni davam etdirməyə, uşaqların inkişafı və yaradıcı potensiallarının üzə çıxarılması üçün əlverişli mühit yaratmağa yönəlib.

Sevda Rəhimovanın rəhbərliyi ilə keçirilən tədbirdə uşaqlar yeni biliklərin əldə edilməsi ilə yanaşı, həm də yaradıcı və ilhamverici bir atmosferdə vaxt keçirdiblər.

Proqramda, həmçinin Rəşid Behbudov adına 2 nömrəli Bakı Musiqi Məktəbinin şagirdlərinin ifasında musiqi nömrələri də səsləndirilib.

28/05/2026

Bakı Şəhər Mədəniyyət Baş İdarəsinin təşkilatçılığı ilə Müqəddəs Qurban bayramı münasibətilə Azərbaycan Respublikası Müdafiə Nazirliyinin Hərbi Dəniz Qüvvələrinin qərargahında bayram tədbiri keçirilib.

Tədbirdə Müdafiə Nazirliyinin nümayəndələri, Hərbi Dəniz Qüvvələrinin komandanlığı, müxtəlif mədəniyyət mərkəzlərinin əməkdaşları və digər rəsmilər iştirak ediblər.

Tədbirdə çıxış edənlər xalqımızın milli-mənəvi dəyərlərini, birliyini və fədakarlığını təcəssüm etdirən Qurban bayramının əhəmiyyətindən danışıblar və bayram münasibətilə iştirakçıları təbrik ediblər.

Bədii hissədə tanınmış incəsənət xadimlərinin iştirakı ilə konsert proqramı təqdim edilib. Konsertdə vətənpərvərlik ruhunda mahnılar, milli rəqslər və şən musiqi nömrələri nümayiş olunub.