Canlı Sistemlərin Tədqiqi İnstitutu

Canlı Sistemlərin Tədqiqi İnstitutu Azərbaycan Respublikası Elm və Təhsil Nazirliyi Canlı Sistemlərin Tədqiqi İnstitutu Publik Hüquqi Şəxs

Canlı Sistemlərin Tədqiqi İnstitutu beynəlxalq konqresin dəstəkcisi qismində çıxış edəcək11–14 noyabr 2026-cı il tarixlə...
15/09/2026

Canlı Sistemlərin Tədqiqi İnstitutu beynəlxalq konqresin dəstəkcisi qismində çıxış edəcək

11–14 noyabr 2026-cı il tarixlərində, Fırat Universitetinin təşkilatçılığı, ETN Canlı Sistemlərin Tədqiqi İnstitutu və digər qurumların dəstəyi ilə Elazığ şəhərində (Türkiyə) “Uluslararası Sürdürülebilir Su Yönetimi ve İklim Değişikliği Kongresi” keçiriləcək. Konqres Türkiyənin ev sahibliyi ilə 9–20 noyabr 2026-cı il tarixlərində Antalyada keçiriləcək Birləşmiş Millətlər Təşkilatının İqlim Dəyişikliyi Konfransı (COP31) çərçivəsində təşkil olunur.

Konqresin əsas tədqiqat istiqamətlərini davamlı su idarəçiliyi, iqlim dəyişmələri, su təhlükəsizliyi, quraqlıq və səhralaşma, hidrologiya, suyun keyfiyyəti, kənd təsərrüfatında su idarəçiliyi və suvarma, hövzələrin idarə olunması, yeraltı və yerüstü su ehtiyatları, tullantı suların idarə edilməsi, suyun təkrar istifadəsi, iqlim dəyişmələrinə uyğunlaşma və dayanıqlılıq, ətraf mühit siyasəti, davamlı kənd təsərrüfatı, ərzaq təhlükəsizliyi, biomüxtəliflik, ekosistemlərin mühafizəsi, bərpa olunan enerji, fəlakət risklərinin idarə edilməsi, şəhərləşmə və iqlimə davamlı şəhərlər təşkil edir.

Tədbirdə alim və tədqiqatçıların magistratura və doktorantura tələbələrinin, habelə müvafiq sahə üzrə tədqiqat aparan müxtəlif ixtisaslardan olan mütəxəssislərin iştirakı nəzərdə tutulur.

Ətraflı məlumat üçün linkə keçid edin: https://akapkongre.com/23

İnstitutumuzun əməkdaşları Şərqi Zəngəzur ərazilərində ekspedisiyada olub20-29 avqust 2026-cı il tarixlərində institutum...
14/09/2026

İnstitutumuzun əməkdaşları Şərqi Zəngəzur ərazilərində ekspedisiyada olub

20-29 avqust 2026-cı il tarixlərində institutumuzun əməkdaşları - b.ü.f.d. Təvəkkül İsgəndərov, b.e.d. Tahir Kərimov, b.ü.f.d. Gülbəniz Qasımova, elmi işçi Elşad Əsgərov və b.ü.f.d. Səbinə Bünyatova Şərqi Zəngəzur ərazilərində (Laçın, Zəngilan) ekspedisiyada olublar.

Ekspedisiyanın məqsədi Şərqi Zəngəzurda ayrı-ayrı landşaftların fauna müxtəlifliyinə, postkonflikt dövrdə ekoloji vəziyyətinə, mövcud antropogen təsirlərə və qorunmasına dair çöl-tədqiqat materialları toplamaq olub. Tədqiqat zamanı məlum terioloji, ornitoloji və herpetoloji metodlarla tədqiqatlar aparılıb, landşaftlar üzrə fauna müxtəlifliyi (məməlilər, quşlar, reptililər və amfibilər), postkonflikt dövrdə “Böyük Qayıdış” dövlət proqramının icrası, yerli əhalinin qayıdışı, insan iştirakı və fəaliyyəti ilə bağlı meydana çıxan antropogen amillər, eləcə də bu amillərin fauna müxtəlifliyinə təsiri qiymətləndirilib və qorunma strategiyası müəyyənləşdirilib.



Canlı Sistemlərin Tədqiqi İnstitutunda doktoranturaya qəbul imtahanları keçirilibAzərbaycan Respublikası Nazirlər Kabine...
11/09/2026

Canlı Sistemlərin Tədqiqi İnstitutunda doktoranturaya qəbul imtahanları keçirilib
Azərbaycan Respublikası Nazirlər Kabinetinin 14 may 2026-cı il tarixli 320s nömrəli Sərəncamı ilə təsdiq edilmiş “2026-cı il üçün doktorant hazırlığı üzrə Azərbaycan Respublikasının ali təhsil müəssisələrinə, elmi müəssisə və təşkilatlarına qəbul” planına uyğun olaraq, Canlı Sistemlərin Tədqiqi İnstitutunda doktoranturaya qəbul imtahanları keçirilib.
İnstitutun doktorantura hazırlığı üzrə qəbul planında nəzərdə tutulan yerlərə sənədlərini təqdim edən, xarici dil və fəlsəfə fənlərindən qəbul imtahanlarında məqbul qiymət alan iddiaçılar 8–9 sentyabr 2026-cı il tarixlərində ixtisas fənləri üzrə qəbul imtahanında iştirak ediblər.
İmtahanlar “Zoologiya”, “Entomologiya” və “Biokimya” ixtisasları üzrə təşkil olunub. İddiaçılar imtahan biletlərində təqdim olunan sualları yazılı və şifahi formada cavablandırıblar.
Namizədlərin bilik və hazırlıq səviyyələri müvafiq ixtisaslar üzrə yaradılmış imtahan komissiyasının üzvləri tərəfindən qiymətləndirilib.



İnstitutumuzun alimləri Quba və Xaçmaz rayonlarında ekspedisiyada iştirak ediblərETN Canlı Sistemlərin Tədqiqi İnstitutu...
02/09/2026

İnstitutumuzun alimləri Quba və Xaçmaz rayonlarında ekspedisiyada iştirak ediblər

ETN Canlı Sistemlərin Tədqiqi İnstitutunun əməkdaşları – “Müasir Mikroskopiya və Görüntüləmə” laboratoriyasının müdiri, biologiya üzrə fəlsəfə doktoru, dosent Elyanə Tahirova və “Molekulyar Analiz” laboratoriyasının müdiri, biologiya üzrə fəlsəfə doktoru, dosent Türkan Qurbanova 25-31 avqust 2026-cı il tarixlərində Quba və Xaçmaz rayonlarında ekspedisiyada iştirak ediblər.

Ekspedisiyanın əsas məqsədi tədqiq olunan ərazilərin biomüxtəlifliyinin genetik strukturunun və səviyyəsinin müəyyənləşdirilməsi, məlumat bazasının yaradılması üçün müxtəlif taksonomik qruplara aid bəzi onurğasız və onurğalı heyvan növlərinin yayılma areallarının öyrənilməsi və onların dəqiq identifikasiyasının aparılması olub.

Tədqiqatlar Quba və Xaçmaz rayonlarının müxtəlif kəndlərini əhatə edib. Ekspedisiya çərçivəsində həm quru ekosistemlərində, həm də müxtəlif su hövzələrində - göllər, çaylar, axmazlar, kanallar və digər su obyektlərində bioloji materialların toplanması həyata keçirilib.

Toplanmış materiallar müvafiq metodiki tələblərə uyğun şəkildə fiksə edilərək sonrakı molekulyar və mikroskopik analizlərin aparılması məqsədilə institutun aidiyyəti laboratoriyalarına çatdırılıb.



İnstitumuzun mütəxəssisləri Qarabağ iqtisadi rayonunda ekspedisiyada olublar25 – 31 avqust 2026-ci il tarixlərində, ETN ...
02/09/2026

İnstitumuzun mütəxəssisləri Qarabağ iqtisadi rayonunda ekspedisiyada olublar

25 – 31 avqust 2026-ci il tarixlərində, ETN Canlı Sistemlərin Tədqiqi İnstitutu PHŞ-nin “Müasir mikroskopiya və götüntüləmə laboratoriyası”nın elmi işçisi Rəfiqə Qazi, “Eksperimental zoologiya laboratoriyası”nın elmi işçisi Ləman Dadaşova və “Onurğasızların biomüxtəlifliyi və ekologiyası laboratoriyası”nın kiçik elmi işçisi Aynurə Abbasova Qarabağ iqtisadi rayonuna daxil olan Xankəndi və Xocalı rayonlarında yerləşən arıxanalarda ekspedisiyada olublar. Ekspedisiya çərçivəsində arıxanalarda monitorinq və vizual müayinə işləri aparılıb, arı ailələrinin və arıxanaların ümumi vəziyyəti qiymətləndirilib. Müayinə zamanı bal arılarının sağlamlığına və məhsuldarlıq göstəricilərinə mənfi təsir göstərə bilən müxtəlif zərərvericilər aşkar edilib, onların identifikasiyası və laborator şəraitdə ətraflı tədqiqi məqsədilə müvafiq nümunələr toplanaraq laboratoriyaya çatdırılıb.



Canlı Sistemlərin Tədqiqi İnstitutunun alimi elm üçün iki yeni otbiçən növü təsvir edibARETN Canlı Sistemlərin Tədqiqi İ...
24/08/2026

Canlı Sistemlərin Tədqiqi İnstitutunun alimi elm üçün iki yeni otbiçən növü təsvir edib

ARETN Canlı Sistemlərin Tədqiqi İnstitutunun “Onurğasızların Biomüxtəlifliyi və Ekologiyası” laboratoriyasının baş elmi işçisi, biologiya elmləri doktoru Natalya Sneqovaya Moskva Dövlət Universiteti muzeyində Kəlbəcər və Lerik rayonu ərazilərindən topladığı materiallar əsasında elm üçün iki yeni otbiçən (Opiliones) növü təsvir edib.

Tədqiqatın nəticələri taksonomiya sahəsində dünyanın nüfuzlu beynəlxalq jurnallarından olan "Zootaxa" jurnalında dərc olunub (Zootaxa 5757 (6): 577–582).

Bu növlər Phalangiidae fəsiləsinə aiddir: Opilio zuvandicus Snegovaya, 2026 və Opilio zangezuricus Snegovaya, 2026

https://www.mapress.com/zt/article/view/zootaxa.5757.6.6



“Biomüxtəlifliyin aktual problemləri: müasir baxışlar və tədqiqatlar” mövzusunda II Respublika Elmi-Praktiki Konfrans ke...
24/08/2026

“Biomüxtəlifliyin aktual problemləri: müasir baxışlar və tədqiqatlar” mövzusunda II Respublika Elmi-Praktiki Konfrans keçiriləcək

2-3 dekabr 2026-cı il tarixlərində Azərbaycan Respublikası Elm və Təhsil Nazirliyi Canlı Sistemlərin Tədqiqi İnstitutu və Azərbaycan Qida Təhlükəsizliyi İnstitutunun birgə təşkilatçılığı ilə “Biomüxtəlifliyin aktual problemləri: müasir baxışlar və tədqiqatlar” mövzusunda II Respublika Elmi-Praktiki Konfransı keçiriləcək.

Konfransın keçirilməsinin əsas məqsədi biomüxtəlifliyin qorunması, bərpası və davamlı idarə olunması sahəsində aparılan fundamental və tətbiqi tədqiqatların nəticələrinin müzakirəsi, iqlim dəyişiklikləri və antropogen amillərin ekosistemlərə, heyvanlara və insan sağlamlığına təsirinin qiymətləndirilməsi, eləcə də biomüxtəlifliyin öyrənilməsində müasir molekulyar, parazitoloji və riyazi modelləşdirmə yanaşmalarının tətbiqini təşviq etməklə elmi əməkdaşlığın genişləndirilməsidir.

Ətraflı məlumat üçün LİNKƏ keçid edə bilərsiniz.
https://zoologiya.az/az/news/2919

Bioherontologiya və İnkişaf laboratoriyasının əməkdaşları İsmayıllı rayonunda ekspedisiyada olub27-31 iyul, 2026-cı il t...
21/08/2026

Bioherontologiya və İnkişaf laboratoriyasının əməkdaşları İsmayıllı rayonunda ekspedisiyada olub

27-31 iyul, 2026-cı il tarixlərində AR ETN Canlı Sistemlərin Tədqiqi İnstitutunun “Bioherontologiya və inkişaf” laboratoriyasının əməkdaşları - b.ü.f.d. Kərəmova Natavan, elmi işçi Abdullayeva Gülsüm və kiçik elmi işçi Qaflanova Aynur İsmayıllı rayonunda ekspedisiyada olublar.

Ekspedisiyanın əsas məqsədi populyativ uzunömürlülük və qocalma proseslərinin tədqiqi, uzunömürlülyə təsir edən faktorların araşdırılması və uzunömürlülük indeksinin təyini olub. Nəzərdə tutulan elmi tədqiqatları həyata keçirmək üçün İsmayıllı rayonunda yaşayan uzunömürlülərin sayı, yaşadıqları ünvanlar təyin edildikdən sonra uzunömürlü populyasiyalar seçilib və müayinə xarakterli tədqiqatlar aparılıb.

Tədqiqatlar zamanı ilk öncə fizioloji yaş verifikasiya edilib, sonra həmin şəxslərə psixoloji və koqnitiv testlər tətbiq edilərək əsas vegetativ göstəricilər ölçülüb və EKQ yazılıb.

Belə ki, ekspedisiya müddətində İvanovka, Diyallı, Sədyan, Molla İsaqlı,Vəng, Təzəkənd, Tircan, Mican, Culiyan, Talıstan və s. kəndlərdə, eləcə də İsmayıllı şəhərində yaşayan hər iki cinsdən 42 nəfər uzunömürlü (fizioloji yaşı 90 və daha çox olan) könüllülük prinsipi əsasında tədqiqatlarda iştirak ediblər.

Tədqiqatlar zamanı ən yaşlı uzunömürlünün 105 yaşlı olduğu məlum olub və uzunömürlülər içərisində qadınların sayı üstünlük təşkil edib. Hazırda elmi tədqiqatların nəticələrinin statistik təhlili davam edir.



AR ETN Canlı Sistemlərin Tədqiqi İnstitutu PHŞ və Polşa Respublikası Yuxarı Sileziya Muzeyi, Bitom arasında memorandum i...
21/08/2026

AR ETN Canlı Sistemlərin Tədqiqi İnstitutu PHŞ və Polşa Respublikası Yuxarı Sileziya Muzeyi, Bitom arasında memorandum imzalanıb

4 avqust 2026-cı il tarixində, AR ETN Canlı Sistemlərin Tədqiqi İnstitutu PHŞ və Polşa Respublikası Yuxarı Sileziya Muzeyi, Bitom arasında qarşılıqlı anlaşma memorandumu imzalanıb. Anlaşma memorandumunu Canlı Sistemlərin Tədqiqi İnstitutu PHŞ-nin direktoru v.i.e., direktor müavini, b.ü.f.d., dosent İradə Xəlilova və Yuxarı Sileziya Muzeyinin direktoru İvona Mohl imzalayıb.

Memorandum akademik heyətin tədqiqat fəaliyyətlərinə cəlb olunması, qurumlar arasında mübadilənin təşviq edilməsi, tədqiqat üçün tərəfdaş qurumdan doktorantların qəbulu, elmi tədqiqat məsələlərinə dair simpozium, konfrans, kursların təşkili, birgə nəşrlərin mübadiləsi kimi əməkdaşlıq sahələri məsələlərini əhatə edir. Mövcud elmi əməkdaşlıq çərçivəsində 06.08.-19.08.2026-cı il tarixlərində, Yuxarı Sileziya Muzeyi Təbiət Tarixi şöbəsinin rəhbəri Dr. Roland Doboş, muzeyin əməkdaşları - Dr. Voyjek Şepanski və Lukas Matuşevski Azərbaycanda elmi ezamiyyədə olub. Onlar Canlı Sistemlərin Tədqiqi İnstitutu PHŞ-nin Onurğasızların Biomüxtəlifliyi və Ekologiyası laboratoriyasının əməkdaşları - laboratoriya müdiri, b.ü.f.d. Gülər Hüseynzadə və b.e.d. Natalya Sneqovaya ilə birgə beynəlxalq ekspedisiyada iştirak ediblər.

Qeyd edək ki, Azərbaycanın müxtəlif regionlarında aparılan tədqiqatların əsas məqsədi yerli alimlərlə birgə əməkdaşlıq çərçivəsində ölkənin entomofaunasını, xüsusilə də Neyropterida (Megaloptera, Raphidioptera, Neuroptera), Diptera (Asilidae daxil olmaqla) və Lepidoptera (Noctuidae, Geometridae və s. dəstələri üzrə fauna növlərinin tədqiqi, yeni növlərin təsvir edilməsi və filogenetik analizlərin həyata keçirilməsidir. Görüş zamanı alimlər Qafqazın, xüsusilə də Azərbaycan entomofaunasının olduqca zəngin olduğunu vurğulayaraq, gələcəkdə bu ərazilərdə elm üçün yeni fauna növlərinin aşkarlanması ehtimalının yüksək olduğunu bildiriblər. Əldə edilən nəticələr Azərbaycanın biomüxtəlifliyinin zənginləşdirilməsinə, birgə elmi məqalələrin yazılmasına xidmət edəcəkdir.



AR ETN Canlı Sistemlərin Tədqiqi İnstitutu PHŞ ilə Özbəkistan Respublikası Elmlər Akademiyasının Xarəzm Məmun Akademiyas...
20/08/2026

AR ETN Canlı Sistemlərin Tədqiqi İnstitutu PHŞ ilə Özbəkistan Respublikası Elmlər Akademiyasının Xarəzm Məmun Akademiyası arasında Qarşılıqlı Anlaşma Memorandumu imzalanıb
31 iyul 2026-cı il tarixində Azərbaycan Respublikası Elm və Təhsil Nazirliyinin Canlı Sistemlərin Tədqiqi İnstitutunun direktor vəzifəsini icra edən, biologiya üzrə fəlsəfə doktoru, dosent İradə Xəlilova və Özbəkistan Respublikası Elmlər Akademiyasının Xarəzm Məmun Akademiyasının direktoru, professor Abdullayev İkram İskəndəroviç tərəfindən Qarşılıqlı Anlaşma Memorandumu imzalanıb.
Sənəd iki elmi müəssisə arasında qarşılıqlı maraq doğuran sahələrdə elmi əməkdaşlığın genişləndirilməsi, birgə tədqiqatların həyata keçirilməsi və elmi-tədqiqat fəaliyyətinə marağın artırılması məqsədi daşıyır.
Memorandum çərçivəsində tərəflər akademik heyət, tədqiqatçılar və doktorantlar arasında mübadilənin təşviq edilməsi, birgə elmi tədqiqat layihələrinin hazırlanması və həyata keçirilməsi, simpozium, konfrans, kurs və görüşlərin təşkili, eləcə də birgə elmi nəşrlərin hazırlanması istiqamətlərində əməkdaşlıq etməyi nəzərdə tuturlar.
İmzalanmış Memorandum Azərbaycan və Özbəkistanın elmi müəssisələri arasında elmi əlaqələrin daha da inkişaf etdirilməsi, təcrübə və bilik mübadiləsinin genişləndirilməsi baxımından mühüm əhəmiyyət daşıyır.



Address

Bakı ş. , Səbail Rayonu, A. Abbaszadə Küç. , 115
Baku
AZ1004

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+994125397353

Website

Alerts

Be the first to know and let us send you an email when Canlı Sistemlərin Tədqiqi İnstitutu posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Canlı Sistemlərin Tədqiqi İnstitutu:

Shortcuts

Share

Category