01/06/2026
Azərbaycan Respublikasının Gənclər Fondu və Azərbaycan Respublikası Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının birgə əməkdaşlığı ilə Lənkəran, Mingəçevir və Gəncə Dövlət Universitetlərində tələbələr üçün narkotik və psixotrop maddələrin istifadəsinin zərərlərinə dair maarifləndirici tədbirlər təşkil olunub.
Həyata keçirilən tədbirlər zamanı tərəfdaş dövlət qurumlarının nümayəndələri çıxış edərək narkotik vasitələrin cəmiyyət üçün yaratdığı təhlükələr, onların insan orqanizminə, xüsusilə psixoloji sağlamlığa mənfi təsirləri, eləcə də asılılığın formalaşma mərhələləri barədə ətraflı məlumat veriblər. Çıxışlar zamanı narkomanlığa qarşı mübarizə istiqamətində həyata keçirilən tədbirlər, profilaktik yanaşmalar və bu sahədə maarifləndirmənin əhəmiyyəti xüsusi vurğulanıb.