Azərbaycan Qida Təhlükəsizliyi İnstitutu

Azərbaycan Qida Təhlükəsizliyi İnstitutu Azərbaycan Qida Təhlükəsizliyi İnstitutu - publik hüquqi şəxs

03/06/2026

⭐ Reytinq ulduzu almaq vacibdir. Onu qorumaq isə davamlı məsuliyyət tələb edir.

Ulduz aşağıdakı hallarda ləğv oluna bilər:
❗ Ciddi qida təhlükəsizliyi pozuntuları aşkar edildikdə;
❗ Sertifikatın müddəti bitdikdə və yenidən müraciət edilmədikdə;
❗ Qida Təhlükəsizliyi Reyestrindən çıxarış ləğv edildikdə.

Ulduzu qorumaq üçün:
✔️ Tələblərə davamlı riayət edin.
✔️ Daxili nəzarəti zəiflətməyin.
✔️ Sertifikat müddətini nəzarətdə saxlayın.

02/06/2026

Gecələr yata bilməməyin səbəbi çox vaxt stres olur. 🌙 Stres yuxunu pozur, yuxusuzluq da stresi artırır.

Bunu azaltmaq üçün:
🍵 Axşam çobanyastığı və ya melisa çayı için.
🌰 2-3 ədəd badam və ya qoz yeyin.
☕ Axşam kofeindən uzaq durun.
🥝 1 ədəd kivi yeyin.

Bu sadə vərdişlər daha rahat yatmağınıza kömək edə bilər.

01/06/2026

Ən çox allergiya yaradan qidalar hansılardır?

⚠️ Qida allergiyası immun sisteminin müəyyən qidalara qarşı verdiyi həddindən artıq reaksiyadır və bəzi hallarda həyati təhlükə yarada bilər.

Allergiyanın əlamətləri adətən qısa müddətdə meydana çıxır: dəridə səpgi və qaşınma, şişkinlik, qarın ağrısı, nəfəs darlığı və başgicəllənmə. ❗ Ən təhlükəli forma isə anafilaksiyadır.

🥜 Allergiyaya ən çox səbəb olan qidalar arasında süd, yumurta, yerfındığı, dəniz məhsulları, buğda (qlüten), soya və küncüt yer alır.

👶 Uşaqlara yeni qidalar təqdim edilərkən xüsusilə diqqətli olmaq vacibdir.

💡 Məhsul etiketlərini diqqətlə oxuyun, tərkib və xəbərdarlıq qeydlərinə xüsusi diqqət yetirin.

1 İyun – Uşaqların Beynəlxalq Müdafiəsi GünüUşaqlar cəmiyyətin gələcəyi, sabahımızın ən böyük dəyəridir. Onların sağlam ...
01/06/2026

1 İyun – Uşaqların Beynəlxalq Müdafiəsi Günü

Uşaqlar cəmiyyətin gələcəyi, sabahımızın ən böyük dəyəridir. Onların sağlam böyüməsi, təhlükəsiz mühitdə inkişafı və düzgün qidalanması hər birimizin ortaq məsuliyyətidir. 👶

1 İyun – Uşaqların Beynəlxalq Müdafiəsi Günü dünyada uşaqların hüquqlarına diqqətin artırılması, onların rifahının və təhlükəsizliyinin təmin olunması məqsədilə qeyd edilir. ✨ Bu gün bizə bir daha xatırladır ki, hər bir uşaq sevgi, qayğı və qorunma ilə əhatə olunmalıdır.

Uşaqların sağlam gələcəyi üçün düzgün qidalanma vərdişlərinin formalaşdırılması, sağlam həyat tərzinin təşviqi xüsusi əhəmiyyət daşıyır. 💫 Bu istiqamətdə atılan addımlar onların daha güclü, daha sağlam və daha xoşbəxt böyüməsinə xidmət edir.

Gəlin, hər bir uşağın gülüşünün qorunduğu, arzularının sərhəd tanımadığı və gələcəyinin inamla qurulduğu bir dünya üçün birlikdə çalışaq. 💙

🚭 31 May - Ümumdünya Tütünlə Mübarizə GünüdürBu günün məqsədi sağlam həyat tərzini təşviq etmək və tütünün zərərləri bar...
31/05/2026

🚭 31 May - Ümumdünya Tütünlə Mübarizə Günüdür

Bu günün məqsədi sağlam həyat tərzini təşviq etmək və tütünün zərərləri barədə maarifləndirməni artırmaqdır.

Tütün istifadəsi insan sağlamlığı üçün ən ciddi risk faktorlarından biridir. Hər il milyonlarla insan bu səbəbdən həyatını itirir. 🕯️

💨 Elektron siqaretlər də təhlükəsiz alternativ deyil. Onların tərkibində nikotin və digər zərərli kimyəvi maddələr mövcuddur.

🔬 Bu maddələr:
• güclü asılılıq yaradır,
• ürək-damar və tənəffüs sisteminə zərər verir,
• xüsusilə gənclərin inkişaf edən beyni üçün ciddi risk daşıyır.

Qeyd edək ki, tütünün bütün formaları – siqaret, qəlyan və elektron siqaretlər sağlamlıq üçün təhlükəlidir. 💔

🚫 Nəfəsinizi qoruyun! Sağlam gələcək üçün bu gündən düzgün seçim etməyə başlayın!

29 May – Ümumdünya Sağlam Qidalanma GünüdürBu gün sağlam qidalanmanın əhəmiyyətini vurğulamaq, düzgün qida seçimlərinin ...
29/05/2026

29 May – Ümumdünya Sağlam Qidalanma Günüdür

Bu gün sağlam qidalanmanın əhəmiyyətini vurğulamaq, düzgün qida seçimlərinin təşviqi və əhalinin bu sahədə məlumatlılığının artırılması məqsədi daşıyır. 🥗

Sağlam və balanslı qidalanma insan sağlamlığının qorunmasında, xəstəliklərin qarşısının alınması və həyat keyfiyyətinin yüksəldilməsində mühüm rol oynayır. 🌿

Qida təhlükəsizliyinin təmin edilməsi və sağlam qidalanma vərdişlərinin təşviqi istiqamətində həyata keçirilən tədbirlər cəmiyyətin rifahına xidmət edir. 💡 Bu istiqamətdə maarifləndirmə təşəbbüsləri sağlam həyat tərzinin formalaşmasına mühüm töhfə verir.

Qidanızı sağlam seçin, sağlam yaşayın! 💚

AQTİ-nin səyyar laboratoriyaları Cəbrayıl və Füzulidə operativ xidmət göstəribQurban bayramı günlərində Azərbaycan Qida ...
28/05/2026

AQTİ-nin səyyar laboratoriyaları Cəbrayıl və Füzulidə operativ xidmət göstərib

Qurban bayramı günlərində Azərbaycan Qida Təhlükəsizliyi İnstitutunun (AQTİ) stasionar və səyyar laboratoriyaları gücləndirilmiş iş rejimində fəaliyyət göstərib.

Cəbrayıl və Füzuli rayonlarında, eləcə də Bakı şəhərində təşkil olunan heyvan kəsimi çadırlarında AQTİ-nin səyyar laboratoriyaları operativ xidmət göstərib.

Qurbanlıq heyvanlarda hər hansı xəstəlik şübhəsi yarandığı hallarda nümunələr götürülərək laborator müayinələrin operativ şəkildə aparılması üçün bütün zəruri şərait təmin olunub.

AQTİ-nin laboratoriyaları qida təhlükəsizliyi sahəsində müxtəlif növ müayinələrin həyata keçirilməsi üçün müasir avadanlıqlarla tam təchiz edilib.

28 May - Müstəqillik Günüdür!🇦🇿 1918-ci ilin 28 mayı Azərbaycan xalqının dövlətçilik tarixində yeni bir mərhələnin başla...
27/05/2026

28 May - Müstəqillik Günüdür!

🇦🇿 1918-ci ilin 28 mayı Azərbaycan xalqının dövlətçilik tarixində yeni bir mərhələnin başlanğıcı oldu. Xalqımız öz taleyini özü müəyyən edərək Şərqdə ilk parlamentli, demokratik respublikanın əsasını qoydu.

✨ Tarixi addım azadlıq iradəsinin, milli kimliyin və dövlətçilik ənənələrinin parlaq təcəssümünə çevrildi.

Bu gün həmin zəngin irsi qoruyur, müstəqilliyimizi daha da gücləndirərək ölkəmizin inkişafı və rifahı naminə irəliləyirik. 🌟

Müstəqillik Günümüz mübarək! 🎉

İşğaldan azad olunmuş rayonlarda qurbanlıq heyvanların satışı və kəsimi xidmətləri göstərilirQurban bayramı ilə əlaqədar...
27/05/2026

İşğaldan azad olunmuş rayonlarda qurbanlıq heyvanların satışı və kəsimi xidmətləri göstərilir

Qurban bayramı ilə əlaqədar işğaldan azad olunmuş Ağdam, Cəbrayıl, Füzuli və Laçın rayonlarında qurbanlıq heyvanların satışı və kəsimi xidmətləri təşkil olunub. Əhalinin tələbatı nəzərə alınaraq həmin rayonlarda xüsusi kəsim-satış məntəqələri və ya çadırları quraşdırılıb.

Həm məntəqələrdə, həm də səyyar çadırlarda baytarlıq-sanitariya qaydalarına uyğun şərait yaradılıb, fasiləsiz su təminatı təşkil edilib. Baytarlıq nəzarətindən keçmiş, sanitar-gigiyenik tələblərə uyğun şəkildə kəsilmiş qurbanlıq heyvanların əhaliyə təqdim olunması üçün bütün zəruri tədbirlər görülüb.

Müasir standartlara cavab verən səyyar heyvan kəsimi çadırlarında Azərbaycan Qida Təhlükəsizliyi İnstitutunun səyyar laboratoriyaları da fəaliyyət göstərir. Qurbanlıq heyvanlarda hər hansı xəstəlik şübhəsi yarandığı halda, daxili orqanlardan nümunələr götürülərək laboratoriyalarda operativ şəkildə müayinə aparılacaq.

Qeyd edək ki, Qurban bayramı günlərində Azərbaycan Respublikasının Qida Təhlükəsizliyi Agentliyinin Mərkəzi Aparatının regional bölmələri və Azərbaycan Qida Təhlükəsizliyi İnstitutunun əməkdaşları gücləndirilmiş iş rejimində fəaliyyətlərini davam etdirirlər.

Qurban bayramı günlərində ölkə üzrə 134 ünvanda satış və kəsim xidmətləri göstərilirQurban bayramı günlərində əhalinin t...
27/05/2026

Qurban bayramı günlərində ölkə üzrə 134 ünvanda satış və kəsim xidmətləri göstərilir

Qurban bayramı günlərində əhalinin təhlükəsiz ət və ət məhsulları ilə təmin olunması, həmçinin qurbanlıq heyvanların satışı və kəsiminin müvafiq norma və qaydalara uyğun şəkildə təşkili məqsədilə Qida Təhlükəsizliyi Agentliyi və aidiyyəti dövlət qurumları tərəfindən bütün zəruri tədbirlər görülüb.

Naxçıvan Muxtar Respublikası daxil olmaqla, ölkə üzrə ümumilikdə 134 ünvanda qurbanlıq heyvanların satışı və kəsimi xidmətləri təşkil olunub. Bu məntəqələrin 75-də satış-kəsim, 27-də yalnız satış, 32-də isə yalnız kəsim xidmətləri vətəndaşlara təqdim edilir. Bununla yanaşı, bir sıra regionlarda səyyar heyvan kəsimi çadırları quraşdırılıb. Həmçinin işğaldan azad edilmiş Ağdam, Cəbrayıl, Füzuli və Laçın rayonlarında da qurbanlıq heyvanların satışı və kəsimi xidmətləri təşkil edilib.

Eyni zamanda ölkə ərazisində fəaliyyət göstərən soyuducu infrastruktura malik ticarət şəbəkələri tərəfindən qurbanlıq heyvan ətinin satışı xidməti də həyata keçirilir.

Qurbanlıq heyvanlarda hər hansı xəstəliyə şübhə yarandığı halda baytar həkim tərəfindən daxili orqanlardan nümunələr götürülərək həm yerində fəaliyyət göstərən laboratoriyalarda, həm də Mərkəzi Baytarlıq Laboratoriyasında müayinələr aparılır. Qida Təhlükəsizliyi İnstitutunun stasionar və səyyar laboratoriyaları gücləndirilmiş iş rejimində çalışır.

Vətəndaşlardan bayram günlərində heyvan satışı və kəsimi ilə bağlı hər hansı xoşagəlməz hallarla qarşılaşdıqları təqdirdə aidiyyəti dövlət qurumlarına və ya Agentliyin “1003 - Çağrı Mərkəzi”nə məlumat vermələri xahiş olunur.

Address

Suleyman Sani Axundov 73C
Baku

Opening Hours

Monday 09:30 - 18:30
Tuesday 09:30 - 18:30
Wednesday 09:30 - 18:30
Thursday 09:30 - 18:30
Friday 09:30 - 18:30

Telephone

+994123770020

Website

Alerts

Be the first to know and let us send you an email when Azərbaycan Qida Təhlükəsizliyi İnstitutu posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Azərbaycan Qida Təhlükəsizliyi İnstitutu:

Shortcuts

Share

Category