MQF Diaspora Mərkəzi Beynəlxalq Diaspor Mərkəzi (BDM) İctimai Birliyi olaraq 2008-ci ildə təsis edilmiş və 30 oktyabr 2008-ci il tarixində Azərbaycan Respublikası Ədliyyə Nazirliyi tərəfindən qeydiyyata alınmışdır. Beynəlxalq Diaspor Mərkəzi (BDM) fəaliyyət göstərdiyi müddət ərzində azərbaycanlıların deportasiya və soyqırıma məruz qalması faktlarını, Ermənistan tərəfindən işğal olunmuş Azərbaycan
ərazilərinin boşaldılması və Azərbaycanın haqq səsinin dünya ictimaiyyətinə çatdırılması istiqamətində bir çox tədbirlər həyata keçirmişdir. Tarixi Azərbaycan torpaqlarından (indiki Ermənistan) etnik təmizləməyə məruz qalaraq deportasiya edilmiş soydaşlarımızın hüquqlarının Avropa İnsan Hüquqları Məhkəməsində müdafiəsilə bağlı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə layihə həyata keçirilmişdir. BDM tərəfindən hazırlanmış qırxa yaxın ərizə AİHM-yə göndərilmişdir. Qeyd etməyi lazım bilirik ki, soydaşlarımıza dəymiş maddi və mənəvi ziyanın ödənilməsi ilə bağlı ilk, həm də geniş kampaniyanı BDM həyata keçirməkdədir.
