17/03/2026
Məktəbdə Azərbaycan xalqının milli-mənəvi dəyərlərini özündə əks etdirən Novruz bayramı münasibətilə silsilə tədbirlər çərçivəsində bayram şənliyi təşkil olunmuşdur. Tədbirdə qazilər, şəhid ailələrinin üzvləri, müəllim və şagird kollektivi, həmçinin valideynlər iştirak etmişdir. Bayram proqramı çərçivəsində şagirdlərin ifasında vətənpərvərlik mövzusunda şeirlər, milli rəqslər, musiqi nömrələri və səhnəciklər təqdim olunmuş, Novruz atributları ilə hazırlanmış xonçalar nümayiş etdirilmişdir. Tədbir iştirakçıları üçün səmimi görüş mühiti yaradılmış, qazilərə və şəhid ailələrinə xüsusi diqqət və qayğı göstərilmişdir.Tədbirin rəsmi hissəsində çıxış edənlər Novruz bayramının xalqımızın tarixində və mədəni həyatında xüsusi yer tutduğunu vurğulamış, milli adət-ənənələrin qorunması və gələcək nəsillərə aşılanmasının əhəmiyyətini qeyd etmişlər.
Eyni zamanda Vətənimizin ərazi bütövlüyü uğrunda canlarını fəda etmiş şəhidlərimizin əziz xatirəsi ehtiramla yad edilmiş, qazilərimizin göstərdiyi şücaət yüksək qiymətləndirilmişdir.
Keçirilən bayram şənliyi milli ruhun, həmrəyliyin və vətənpərvərlik dəyərlərinin təbliği baxımından mühüm əhəmiyyət kəsb etmişdir.
