12/12/2019
12 dekabr Umumilli Lider Heydər Əliyevin anım günüdür
Azərbaycanın görkəmli siyasi və dövlət xadimi, xalqımızın Ümummilli Lideri Heydər Əliyevin vəfatından 16 il ötür. Dahi şəxsiyyət Heydər Əliyev Azərbaycana rəhbərliyi və siyasi fəaliyyəti dövründə olkəmizin hərtərəfli inkişafı və qüdrətli dövlətə çevrilməsi istiqamətində əvəzsiz xidmətlər göstərmiş və Azərbaycanın dünyaya inteqrasiyası sahəsində daima səylə çalışmışdır. Bütün sahələri diqqətdə saxlayan Ümummilli Lider Respublikada gənclər siyasətinə də böyük önəm verərək, bu siyasəti ölkə siyasətinin ən vacib sahələrindən biri hesab edirdi.
Ulu öndərimiz Heydər Əliyevin bu sahədə həyata keçirdiyi siyasət gənc nəslin mənəvi-əxlaqi tərbiyyəsinin gücləndirilməsinə, sosial rifahının yaxşılaşdırılmasına və zəngin elmi potensialın yaradılmasına xidmət edirdi. Heç də təsadüfü deyildir ki, Heydər Əliyev hər zaman gənclərə qayğı ilə yanaşır, onların problemlərini həll etməyə çalışırdı. Gənclərin ictimai-siyasi həyatda fəallığını artırmaq üçün həyata keçirilən müvafiq Dövlət Proqramılarının tətbiqi, idarəetmə orqanlarında gənc mütəxəssislərə üstünlük verilməsi bu gün də ümummilli lider Heydər Əliyev tərəfindən müəyyənləşdirilmiş gənclər siyasətinin uğurlu nəticəsi hesab olunur.
Ümummilli liderimizin 1997-ci il 2 fevral tarixində imzaladığı fərmana əsasən 2 Fevral tarixinin “Azərbaycan gəncləri günü” kimi elan edilməsi ölkə gənclərinə qayğının yüksək təzahürü və gənclərimizə olan əvəzsiz töhvə kimi qiymətləndirilir. Gəncləri bir araya gətirən bu bayram hər il bütün Azərbaycanda sevə-sevə qeyd edilir.
Gənclər siyasətində idmanın inkişaf etdirilməsi və onun kütləviliyinin artırılması mühüm yer tutur. Ümummilli Liderimizin fəaliyyəti dövründə onun ardıcıl səyləri nəticəsində Azərbaycan dünyanın qabaqcıl idman ölkələrindən birinə çevrildi və bu gün də bu istiqamətdə uğurlu siyasət davam etdirilir. Azərbaycanın müxtəlif bölgələrində olimpiya komplekslərinin açılması, ölkəmizin nüfuzlu beynəlxalq idman yarışlarına ev sahibliyi etməsi buna əyani sübutdur.
Beləliklə, hər birimiz Azərbaycanın, o cümlədən gənclərin hərtərəfli inkişafı, yüksək biliyə, bacarığa malik, sağlam,vətənpərvər gənc nəslin yetişdirilməsi istiqamətində gördüyü işlərə, apardığı peşəkar fəaliyyətə görə Ulu Öndərə borcluyuq. Və bu gün hər bir Azərbaycan gənci ümummilli lider Heydər Əliyevin ideyalarını öz fəaliyyətində daim rəhbər tutmalı, Azərbaycan gəncliyinin lideri olan möhtərəm prezidentimiz İlham Əliyevin rəhbərliyi altında Azərbaycanın müstəqilliyinin əbədi yaşaması üçün yumruğunu bir hədəfə vurmalıdır. Heydər Əliyev öz baxışlarını, ideyalarını, öz yolunu davam etdirməyə qadir bir Prezident yetişdirdi. O, uzunömürlü bir dövlətçilik məktəbi və bu məktəbi ondan sonra davam etdirə biləcək bir şəxsiyyət qoyub getdi...Allah Rəhmət eləsin.
