Vətən Müharibəsi Əlillərinə Kömək İctimai Birliyi

Vətən Müharibəsi Əlillərinə Kömək İctimai Birliyi Contact information, map and directions, contact form, opening hours, services, ratings, photos, videos and announcements from Vətən Müharibəsi Əlillərinə Kömək İctimai Birliyi, Social service, Sülh küç. , 2/20, Baku.

Vətənimizin bütövlüyü və suverinliyi uğrunda döyüşlərdə Milli Qəhrəman olmuş, Əlil, Veteran və Şəhid olmuş döyüşçülərin ailələrinə maddi, mənəvi, hüquqi və sosial sahədə köməklik edirik.

Bu gün Lerik rayonundan olan Vətən müharibəsi şəhidi Elnur Əsədullayevin doğum günüdür.🇦🇿🇦🇿🇦🇿🇦🇿🥀🥀🥀🥀Elnur Əsədullayev 13 ...
13/06/2026

Bu gün Lerik rayonundan olan Vətən müharibəsi şəhidi Elnur Əsədullayevin doğum günüdür.🇦🇿🇦🇿🇦🇿🇦🇿🥀🥀🥀🥀

Elnur Əsədullayev 13 iyun 1998-ci ildə Lerik şəhərində anadan olub.

O, Vətən müharibəsi zamanı Füzuli rayonunun azadlığı uğrunda gedən döyüşlərdə iştirak edib. 14 oktyabr 2020-ci ildə Füzuli istiqamətində gedən döyüşlər zamanı şəhid olub. Lerik şəhərində dəfn edilib.

Ölümündən sonra "Vətən uğrunda", "İgidliyə görə", "Füzulinin azad olunmasına görə", "Xocavəndin azad olunmasına görə" medalları, həmçinin "Vətənə xidmətə görə" ordeni ilə təltif edilib.

Bu gün pilot, Azərbaycan Silahlı Qüvvələrinin polkovniki, İkinci Qarabağ müharibəsinin iştirakçısı, Vətən Müharibəsi Qəh...
13/06/2026

Bu gün pilot, Azərbaycan Silahlı Qüvvələrinin polkovniki, İkinci Qarabağ müharibəsinin iştirakçısı, Vətən Müharibəsi Qəhrəmanı Rəşad Soltanağa oğlu Nadirovun doğum günüdür.

Rəşad Nadirov 13 iyun 1982-ci ildə Bakı şəhərində doğulub. Əslən Masallı rayonunun Əhmədli kəndindəndir. Atası mühəndis, anası evdar qadın olub. Ailədə 4 qardaş 1 bacı olmaqla Rəşad ailənin kiçik övladıdır.

Ailəlidir, iki qızı var.

Vətən Müharibəsi zamanı Füzuli-Cəbrayıl istiqamətində düşmən həmlələrinin qarşısını almaq məqsədilə uçuşlar edib. Hədəfin seçilib dəqiq məhv edilməsində peşəkarlıq nümayiş etdirib. Ordumuzun Cəbrayıl istiqamətindəki Arazboyu hücumları zamanı qoşunlara hava dəstəyi verilməsində yaxından iştirak edib Düşmənin hücuma keçən tank kalonu və avtomobil texnikasının məhvində, geridən ön xəttə gətirilən silah-sursat və eləcə də ərzaq təminatının qarşısının alınmasında da uğurlu əməliyyatlar keçirib. Qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Vətən Müharibəsi Qəhrəmanı adı verilib.

Doğum gününüz mübarək!

Lənkəran şəhər sakini, Vətən müharibəsi və Aprel döyüşlərinin iştirakçısı Vüqar Quliyev vəfat edib.🥀🥀🥀🥀Cenublu.az xəbər ...
13/06/2026

Lənkəran şəhər sakini, Vətən müharibəsi və Aprel döyüşlərinin iştirakçısı Vüqar Quliyev vəfat edib.🥀🥀🥀🥀

Cenublu.az xəbər verir ki, 1981-ci il təvəllüdlü Quliyev Vüqar Mərzəxan oğlu uzun sürən xəstəlikdən sonra 12 iyun tarixində dünyasını dəyişib.

Vüqar Quliyev ömrünün 23 ilini hərbi xidmətə həsr edib. O, uzun illər Qarabağ bölgəsində xidmət göstərib, həmçinin Aprel döyüşləri və Vətən müharibəsində iştirak edib.

Xidmətləri dövlət tərəfindən yüksək qiymətləndirilən Vüqar Quliyev Prezident tərəfindən "Füzulinin azad olunmasına görə", "Cəbrayılın azad olunmasına görə", "Qubadlının azad olunmasına görə" və "Xocavəndin azad olunmasına görə" medalları ilə təltif olunub.

Ailəli olan Vüqar Quliyevin bir övladı var.

Mərhum bu gün, 13 iyun tarixində böyüyüb boya-başa çatdığı Lənkəran şəhərində torpağa tapşırılacaq.

Allah rəhmət eləsin.

Bu gün Vətən müharibəsində qəhrəmancasına şəhid olan üç sumqayıtlı igidin – Həci Hüseynov, Nurlan Abdalov və Kərim Əhməd...
13/06/2026

Bu gün Vətən müharibəsində qəhrəmancasına şəhid olan üç sumqayıtlı igidin – Həci Hüseynov, Nurlan Abdalov və Kərim Əhmədəliyevin doğum günüdür.🇦🇿🇦🇿🇦🇿🇦🇿🥀🥀🥀🥀

1996-cı il iyunun 12-də anadan olan Həci Hüseynov Vətən müharibəsində həm sürücülük edib, həm döyüşlərə qatılıb. Döyüş yoldaşlarının həyatını xilas etməyə çalışarkən Füzulidə qəhrəmancasına şəhid olub.

2000-ci il iyunun 12-də Sumqayıtda dünyaya gələn Nurlan Abdalov müharibə zamanı Füzuli, Cəbrayıl, Zəngilan və Xocavənd istiqamətlərində gedən döyüşlərdə iştirak edib. O, 3 noyabr 2020-ci ildə Xocavənd uğrunda döyüşlərdə şəhidlik zirvəsinə ucalıb.

1998-ci il iyunun 12-də anadan olan Kərim Əhmədəliyev isə Vətən müharibəsinin ilk günlərindən döyüşlərə qatılıb. Suqovuşan uğrunda gedən döyüşlərdə qəhrəmancasına vuruşan Kərim Əhmədəliyev oktyabrın 4-də şəhid olub.

Hər üç qəhrəman ölümündən sonra bir sıra medallarla təltif edilib.

Sumqayıtın igid oğulları doğum günlərində ehtiramla yad edilir, əziz xatirələri daim qəlblərdə yaşayır.

🇦🇿 Bu gün Azərbaycanın Milli Qəhrəmanı, əziz və dəyərli dostumuz, Vətənimizin igid oğlu Zabit Adil oğlu Quliyevin 51-ci ...
12/06/2026

🇦🇿 Bu gün Azərbaycanın Milli Qəhrəmanı, əziz və dəyərli dostumuz, Vətənimizin igid oğlu Zabit Adil oğlu Quliyevin 51-ci doğum günüdür.
Həyatda elə insanlar var ki, onların adı yalnız bir insanın adı deyil, bütöv bir qəhrəmanlıq salnaməsidir. Zabit Quliyev də öz cəsarəti, vətənpərvərliyi və dövlətinə sonsuz sədaqəti ilə xalqımızın qürur mənbəyinə çevrilmiş belə şəxsiyyətlərdəndir.
Torpağın ən böyük sərvəti onun qəhrəman övladlarıdır. Məhz belə insanlar öz həyatları ilə Vətən sevgisinin nə qədər müqəddəs olduğunu göstərir, gələcək nəsillərə şərəf, ləyaqət və fədakarlıq dərsi verirlər. Zabit Quliyevin keçdiyi şərəfli ömür yolu bu gün də minlərlə gəncin qəlbində vətən sevgisi, milli ruh və dövlətçilik düşüncəsi formalaşdıran canlı nümunədir.
Hörmətli Zabit müəllim!
Siz ömrünüzün ən dəyərli illərini Azərbaycan dövlətinə, xalqına və Vətəninə xidmətə həsr etmisiniz. Göstərdiyiniz qəhrəmanlıq və fədakarlıq təkcə bir dövrün deyil, gələcək nəsillərin də yaddaşında daim yaşayacaq mənəvi sərvətdir.
51 illik ömür yolunuzun hər günü şərəf, ləyaqət və Vətən sevgisi ilə yazılmış bir həyat kitabıdır.
Qoy həyatınız boyunca qazandığınız xalq sevgisi, hörmət və ehtiram daim Sizinlə olsun. Qoy Vətənə xidmətlə keçən şərəfli ömrünüz gənc nəsillərə örnək olmaqda davam etsin.
Doğum gününüz mübarək olsun, Azərbaycanın Milli Qəhrəmanı, dəyərli qardaşımız Zabit Quliyev!

Zərifə Quliyevanın “Qəhrəmanlıq zirvəsi” kitabının təqdimatı keçirilib10 iyun 2026-cı ildə Müharibə, Əmək və Silahlı Qüv...
11/06/2026

Zərifə Quliyevanın “Qəhrəmanlıq zirvəsi” kitabının təqdimatı keçirilib

10 iyun 2026-cı ildə Müharibə, Əmək və Silahlı Qüvvələr Veteranları Təşkilatında “Modern İnkişaf və Ailə” İctimai Birliyinin sədri, YAP Veteranlar Şurasının üzvü Zərifə Quliyevanın müəllifi olduğu “Qəhrəmanlıq zirvəsi” kitabının təqdimatı keçirilib.

Tədbir Dövlət Himninin səsləndirilməsi və Ümummilli Lider Heydər Əliyevin, eləcə də Vətən uğrunda şəhid olmuş qəhrəmanların xatirəsinin bir dəqiqəlik sükutla yad edilməsi ilə başlayıb. Daha sonra Heydər Əliyevin həyat və fəaliyyətinə həsr olunmuş videoçarx nümayiş etdirilib, Zərifə ( Zarife Zarifa ) Quliyevanın şeiri əsasında hazırlanan “Azərbaycan bayrağı” musiqi kompozisiyası təqdim olunub.

Çıxış edən millət vəkili Vüqar İsgəndərov kitabın Azərbaycanın hərb tarixinin təbliği və qəhrəmanlarımızın tanıdılması baxımından mühüm əhəmiyyət daşıdığını bildirib. Vətən Müharibəsi Qəhrəmanı Zaur Hüseynov isə 44 günlük Vətən müharibəsində göstərilən igidliklərin gələcək nəsillərə çatdırılmasının vacibliyini vurğulayıb.

Professor Rəna Mirzəzadə, Azərbaycan Deflimpiya Komitəsinin baş katibi Namiq Novruzov, yazıçı-publisist Şərəf Cəlilli və akademik Sudeyf İmamverdiyev çıxışlarında kitabın qəhrəmanlıq tariximizin təbliğinə mühüm töhfə olduğunu qeyd edərək müəllifi təbrik ediblər. Sudeyf İmamverdiyev Zərifə Quliyevanı Türk Ağsaqqalları Birliyinin diplomu ilə təltif edib.

Şəhid ailələrinin nümayəndələri və qazilər də çıxış edərək Vətən müharibəsinin əhəmiyyətindən və müəllifin yaradıcılığından bəhs ediblər.

Müharibə, Əmək və Silahlı Qüvvələr Veteranları Təşkilatının sədri, polkovnik Cəlil Xəlilov qəhrəmanlarımızın tanıdılmasının gənclərin vətənpərvərlik ruhunda tərbiyəsində mühüm rol oynadığını bildirib və Zərifə Quliyevanı təşkilatın “Fəxri Fərmanı” ilə təltif edib.

Tanınmış vəkil Şəfiqə Nağıyeva müəllifin ictimai fəaliyyəti və şəhid ailələri ilə həmrəyliyini yüksək qiymətləndirib.

Sonda çıxış edən Zərifə Quliyeva Heydər Əliyevin Azərbaycan xalqı qarşısındakı xidmətlərindən danışıb, tarixi qələbənin Prezident İlham Əliyevin rəhbərliyi altında əldə olunduğunu vurğulayıb. O, şəhidlərin xatirəsinin daim yaşadılmasının vacibliyini qeyd edib.

Tədbirin sonunda şəhid ailələri və qazilərə “Qəhrəmanlıq zirvəsi” kitabı hədiyyə olunub, xatirə şəkli çəkdirilib.

Şabran rayonunun Gəndov kəndindən olan şəhid Füzuli Salahovun anası Sevda Salahova vəfat edib.🇦🇿🇦🇿🇦🇿🇦🇿🥀🥀🥀🥀Hadisə mərhumu...
08/06/2026

Şabran rayonunun Gəndov kəndindən olan şəhid Füzuli Salahovun anası Sevda Salahova vəfat edib.🇦🇿🇦🇿🇦🇿🇦🇿🥀🥀🥀🥀

Hadisə mərhumun ailə üzvləri, yaxınları və kənd sakinləri tərəfindən böyük kədərlə qarşılanıb.

Sevda xanım illər boyu şəhid övladının xatirəsini yaşadıb, onun qəhrəmanlıq yolunu qürurla anıb. Şəhid ailəsi kimi daim böyük hörmət və ehtiramla qarşılanıb.

Qeyd edək ki, Füzuli Salahov Vətən uğrunda döyüşlərdə qəhrəmancasına şəhid olaraq ən uca zirvəyə yüksəlib. Onun adı doğulduğu Gəndov kəndində və rayon ictimaiyyətində ehtiramla yad edilir.

Allah rəhmət eləsin.

Bu gün şəhid Mirrəhim İsmayılovun doğum günüdürBu gün Vətən müharibəsinin qəhrəman şəhidlərindən olan Mirrəhim Mirmehdi ...
08/06/2026

Bu gün şəhid Mirrəhim İsmayılovun doğum günüdür
Bu gün Vətən müharibəsinin qəhrəman şəhidlərindən olan Mirrəhim Mirmehdi oğlu İsmayılovun doğum günüdür. 🇦🇿🇦🇿🇦🇿🇦🇿🥀🥀🥀🥀
1996-cı il iyunun 8-də Ağdam rayonunun Çəmənli kəndində dünyaya göz açan Mirrəhim İsmayılov 44 günlük Vətən müharibəsində iştirak edərək Suqovuşan və Madagiz istiqamətində gedən döyüşlərdə igidliklə vuruşub.
O, 2 oktyabr 2020-ci ildə Madagizin azadlığı uğrunda gedən döyüşlərdə şəhidlik zirvəsinə ucalıb.
Bu gün doğum günündə qəhrəman şəhidimizi dərin ehtiramla anır, əziz xatirəsini hörmətlə yad edirik. Ruhun şad olsun, Vətən oğlu!
Doğum günün mübarək, şəhidim...

Gəncə şəhərinə növbəti səfərimiz çərçivəsində Benilüks Azərbaycanlıları Konqresi/Benelux Azerbaijanis Congress nin sədri...
07/06/2026

Gəncə şəhərinə növbəti səfərimiz çərçivəsində Benilüks Azərbaycanlıları Konqresi/Benelux Azerbaijanis Congress nin sədri Elsevar Mammadov un dəstəyi ilə bir sıra şəhid ailələrini və qazimizi ziyarət etdik.

Ziyarət zamanı Ermənistan silahlı qüvvələrinin Gəncə şəhərinə raket hücumları nəticəsində ata və anasını itirmiş Nilay balamızla görüşdük, onun qayğıları və gələcək planları ilə maraqlandıq. Nilayın timsalında müharibənin günahsız insanlara, xüsusilə də uşaqlara vurduğu ağır zərbənin bir daha şahidi olduq. Onun göstərdiyi dözüm, həyata bağlılığı və gələcəyə olan ümidləri hər birimiz üçün böyük təsir və qürur mənbəyidir.

Səfər çərçivəsində digər şəhid Arazov Səyyar Güloğlan oğlunun bizlərə əmanət qoyduğu ailəsini ( həyat yoldaşı və 2 qız övladı) ziyarət edərək onların qayğılarını dinlədik, göstərdikləri səbir və vətənpərvərlik nümunəsinə görə minnətdarlığımızı bildirdik. Şəhidlərimizin əziz xatirəsi hər zaman xalqımızın qəlbində yaşayacaq, onların ailələri isə daim dövlətimizin və cəmiyyətimizin diqqət mərkəzində olacaqdır.

Eyni zamanda qəhrəman qazimiz Elçin bəylə görüşərək onun səhhəti və sosial vəziyyəti ilə maraqlandıq. Vətən uğrunda canından və sağlamlığından keçən qazilərimiz xalqımızın qürur mənbəyidir. Onların göstərdikləri şücaət və fədakarlıq heç zaman unudulmayacaq.

Bu görüşlər bir daha göstərdi ki, şəhid ailələrinə və qazilərimizə maddi və mənəvi dəstək göstərmək hər birimizin vətəndaşlıq borcudur. Benilüks Azərbaycanlıları Konqresinin sədri Elsevər Məmmədovun dəstəyi ilə həyata keçirilən bu ziyarətlər gələcəkdə də davam etdiriləcək, qəhrəmanlarımızın ailələrinin yanında olmaq əsas fəaliyyət istiqamətlərimizdən biri olaraq qalacaqdır.

Allah bütün şəhidlərimizə rəhmət eləsin, qazilərimizə can sağlığı versin. Şəhid ailələrinə səbir, övladlarımıza isə firavan və işıqlı gələcək arzulayırıq.

Benilüks Azərbaycanlıları Konqresi/Benelux Azerbaijanis Congress

Dayaq Vətən Müharibəsi Əlillərinə və Şəhid Ailələrinə Dəstək Təşkilatı

Qarabag Idman Klubu Hollandiya



https://newscenter.az/index.php?newsid=111513

Bu gün Sumqayıt Dövlət Universitetində (SDU) təhsil almış şəhidimizin doğum günüdür.🇦🇿🇦🇿🇦🇿🇦🇿🥀🥀🥀🥀Tural Aslanov 1992-ci il...
06/06/2026

Bu gün Sumqayıt Dövlət Universitetində (SDU) təhsil almış şəhidimizin doğum günüdür.🇦🇿🇦🇿🇦🇿🇦🇿🥀🥀🥀🥀

Tural Aslanov 1992-ci il iyunun 5-də Yardımlı rayonunda anadan olub. N. Cəbiyev adına tam orta məktəbdə orta təhsil, Sumqayıt Dövlət Universitetinin (SDU) coğrafiya fakültəsində isə ali təhsil alıb. Subay idi.

Azərbaycan Ordusunun leytenantı olan Tural Aslanov 2020-ci il sentyabrın 27-də başlanan Vətən müharibəsi zamanı Hadrutun, Cəbrayılın, Füzulinin və Şuşanın azadlığı uğrunda gedən döyüşlərdə könüllü olaraq savaşıb. Tural Aslanov noyabrın 7-də Şuşa döyüşləri zamanı şəhid olub. Yardımlı rayonunda dəfn olunub.

Prezident İlham Əliyevin Sərəncamlarına əsasən, Tural Aslanov ölümündən sonra "Vətən uğrunda", "Şuşanın azad olunmasına görə", "İgidliyə görə" medalları və 3-cü dərəcəli “Vətənə xidmətə görə” ordeni ilə təltif edilib.

Address

Sülh Küç. , 2/20
Baku
AZ1132

Telephone

+994774286405

Website

Alerts

Be the first to know and let us send you an email when Vətən Müharibəsi Əlillərinə Kömək İctimai Birliyi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category