25/06/2023
Nərimanov rayonunda Qurban Bayramı münasibətilə humanitar yardım aksiyası davam edib.
Yeni Azərbaycan Partiyası Nərimanov rayon təşkilatının təşəbbüsü ilə Qurban Bayramı münasibətilə Nərimanov rayonunda yaşayan şəhid, qazi və aztəminatlı ailələrə humanitar yardım aksiyasına başlanılıb.
Aksiya çərçivəsində Nərimanov rayonu ərazisində yaşayan 40-dan çox şəhid, qazi və aztəminatlı ailələrə gündəlik ərzaq məhsullarından ibarət bayram sovqatı təqdim olunub.
YAP Nərimanov rayon təşkilatının sədri Samir Vəliyev təşkilatın inzibatı binasında şəhid, qazi və aztəminatlı ailələrlə görüşərək onları qarşıdan gələn Qurban Bayramı münasibəti ilə təbrik edib, Vətən müharibəsində torpaqlarımızın işğaldan azad olunması uğrunda gedən döyüşlərdə qəhrəmancasına şəhid olmuş əsgər və zabitlərimizin, əziz xatirəsinin xalqımızın yaddaşında əbədi yaşadığını bildirib, həmçinin, onların ailə üzvlərinin hər zaman dövlətimizin və partiyanın diqqətində olduğunu vurğulayıb.
Aksiyada Yeni Azərbaycan Partiyası Nərimanov rayon təşkilatı ilə yanaşı Nərimanov rayonunda fəaliyyət göstərən Azərbaycan Respublikası Elm və Təhsil Nazirliyi, Baku Steel Company, AVRORA MMC və GESCO ASC iştirak edərək öz bayram sovqatlarını ailələrə çatdırıblar.
Şəhid, qazi və aztəminatlı ailələr onlara göstərilən diqqət və qayğıya görə ölkə Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını ifadə ediblər.
Qeyd edək ki, Qurban Bayramı münasibətilə humanitar yardım aksiyası 23-24 iyun tarixlərini əhatə edib.