23/12/2025
Ankara, 19 dekabr
Ankara Universitetində Azərbaycan Prezidenti, Silahlı Qüvvələrin Ali Baş Komandanı İlham Əliyevin siyasətinə həsr olunmuş iki kitabın təqdimat mərasimində "Dayaq"Vətən Müharibəsi Əlillərinə və Şəhid Ailələrinə Dəstək Təşkilatının sədri Qalib Əliyev iştirak etdi.
Tədbir Azərbaycanın Ankaradakı səfirliyi, Türkiyə–Azərbaycan Dostluq, Əməkdaşlıq və Həmrəylik Fondu (TADİV) və Ankara Universitetinin rektorluğunun təşkilati dəstəyi ilə keçirilib.
Azərbaycanın “Modern İnkişaf və Ailə” İctimai Birliyinin sədri Zərifə Quliyevanın “Xarüqələr Yaradan Qətiyyətli Lider” və Aygül Bağırovanın “Qalib sərkərdənin Böyük Qayıdışı” adlı kitablarının təqdimatında Türkiyə parlamentinin və Xarici İşlər Nazirliyinin nümayəndələri, azərbaycanlı diplomatlar, alimlər, tələbələr, eləcə də hər iki qardaş ölkənin ictimaiyyət nümayəndələri iştirak ediblər.
TADİV-in sədri, professor Aygün Attar çıxış edərək Azərbaycan reallıqlarının təbliğinin əhəmiyyətini vurğulayıb, gəncləri türk dövlətlərinin döyüş və qəhrəmanlıq tarixini unutmamağa çağırıb.
“Qalib sərkərdənin Böyük Qayıdışı” kitabının müəllifi Aygül Bağırova isə çıxışında kitabını Vətən müharibəsinin ilk günlərindən yazmağa başladığını və oxuculara qəhrəmanlıq salnaməsini dolğun şəkildə çatdırmağı qarşısına məqsəd qoyduğunu bildirib.
