Cəbrayıl rayonu üzrə Gənclər və İdman sektoru

26/05/2026

✨️“Şahin” hərbi-idman oyununun Şərqi Zəngəzur regionu üzrə zona birinciliyinə yekun vurulub.

🖇Azərbaycan Respublikasının Gənclər və İdman Nazirliyi, Müdafiə Nazirliyi, Elm və Təhsil Nazirliyi, Fövqəladə Hallar Nazirliyi və Səfərbərlik və Hərbi Xidmətə Çağırış üzrə Dövlət Xidmətinin birgə təsdiqlədiyi Əsasnaməyə uyğun olaraq, mayın 26-da Sumqayıt Olimpiya İdman Kompleksində "Şahin" hərbi-idman oyunu üzrə zona mərhələsi təşkil olunub.

Açılış mərasimində Şərqi Zəngəzur Regional Gənclər və İdman İdarəsinin rəisi Natiq Abbasov, Şərqi Zəngəzur Regional Təhsil İdarəsinin müdiri Fuad Bədəlov, Fövqəladə Hallar Nazirliyinin Sumqayıt Regional Mərkəzinin əməkdaşı Şahin Məmmədov iştirakçıları salamlayıb və uğurlar arzu ediblər.

🔹️Yarışdan öncə Dövlət in əziz xatirəsi bir dəqiqəlik sükutla yad edilib.

Yarışın yekununa əsasən:

🥇I yer - Qubadlı rayon komandası (Aşağı Mollu kənd tam orta məktəb)
🥈II yer - Laçın rayon komandası (Çıraqlı kənd tam orta məktəb)
🥉III yer - Cəbrayıl rayon komandası (V.İsmayılov adına Çərəkən kənd tam orta məktəb)

👏I yeri qazanan komanda final mərhələsinə vəsiqəni təmin edib.

22/05/2026

22/05/2026

"Narkomaniyaya yox deyək" başlıqlı tədbir təşkil olunub.

Tədbir Biləsuvar rayonu 11 saylı Cəbrayıl məcburi köçkün qəsəbəsində yerləşən Çərəkən kənd V. İsmayılov adına tam orta ümumtəhsil məktəbin akt zalında Cəbrayıl Rayon İcra Hakimiyyəti, rayon Polis Şöbəsi,Cəbrayıl rayonu üzrə gənclər və idman, təhsil sektorlarının birgə təşkilatçılığı ilə keçirilib.

Cəbrayıl Rayon İcra Hakimiyyəti başçısı aparatının İctimai-siyasi və humanitar məsələlər sektorunun müdiri Mayıl Əliyev, Cəbrayıl rayonu üzrə gənclər və idman sektorunun baş məsləhətçisi Hüseyn Fətullayev rayon Polis Şöbəsinin əməkdaşları polis polkovnik-leytenantı Fariz Misirov və polis kiçik-leytenantı Elçin Əzizov, Məktəbin direktoru Arifə Əhmədova narkotik maddələrin və digər zərərli vərdişlərin insan həyat və sağlamlığına ciddi zərər vurduğunu qeyd edərək gənclərin sağlam gələcək naminə zərərli vərdişlərdən uzaq durmalarını və gündəlik olaraq idmanla məşğul olmalarını tövsiyə ediblər.

21/05/2026

✨️“Bacarıqlı əllər” başlıqlı sərgi təşkil olunub.

🖇Tədbir mayın 21-də Biləsuvar rayon 8 saylı Cəbrayıl qəsəbəsi, 14 nömrəli tam orta məktəbdə Cəbrayıl Rayon İcra Hakimiyyəti, Cəbrayıl rayonu üzrə gənclər və idman, təhsil sektorlarının birgə təşkilatçılığı ilə keçirilib.

✅️Tədbirdə Cəbrayıl Rayon İcra Hakimiyyəti başçısı aparatının İctimai-siyasi və humanitar məsələlər sektorunun müdiri Mayıl Əliyev, Cəbrayıl rayonu üzrə gənclər və idman sektorunun müdiri Emil Məstəliyev çıxış edərək iştirakçılara gələcək fəaliyyətlərində uğurlar arzulayıblar.

😍Yaradıcı və istedadlı gənclərin hazırladığı əl işləri sərgidə nümayiş olunub.

16/05/2026

🇦🇿Cəbrayıl şəhərində “Səhər İdmanı” layihəsi çərçivəsində səhər gimnastikası təşkil olunub.

🖇Tədbir mayın 15-də Şərqi Zəngəzur Regional Gənclər və İdman İdarəsinin Cəbrayıl rayonu üzrə gənclər və idman sektorunun təşkilatçılığı ilə Akademik Mehdi Mehdizadə adına tam orta məktəbin stadionunda keçirilib.

15/05/2026

🇦🇿Cəbrayıl şəhərində "Şəhərsalma və Memarlıq İli"nə həsr olunan voleybol üzrə rayon turniri təşkil olunub.

🖇Turnir mayın 15-də Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyi, Şərqi Zəngəzur Regional Gənclər və İdman, Şərqi Zəngəzur Regional Təhsil İdarələrinin birgə təşkilatçılığı ilə Akademik Mehdi Mehdizadə adına tam orta məktəbdə keçirilib.

🔹️İlk öncə Azərbaycan Respublikasının dövlət himni səsləndirilib, Ümumilli Lider Heydər Əliyevin və vətən uğrunda canından keçmiş şəhidlərimizin xatirəsi 1 dəqiqəlik sükutla yad edildikdən sonra,
Cəbrayıl rayonu üzrə gənclər və idman sektorunun müdiri Emil Məstəliyev iştirakçıları salamlayaraq uğurlar arzu edib.

Turnirin yekununa əsasən:

🥇1-ci yer: Cəbrayıl şəhər M.Mehdizadə adına tam orta ümumtəhsil məktəbin "Xudafərin" komandası

🥈2-ci yer: N. Aslanov adına Cocuq Mərcanlı kənd tam orta ümumtəhsil məktəbin "Lələtəpə" komandası

🥉3-cü yer: Cəbrayıl şəhər M.Mehdizadə adına tam orta ümumtəhsil məktəbin "Zəfər" komandası

👏Qaliblər Regional İdarənin diplom və medalları ilə təltif olunub.

14/05/2026

🇦🇿Cəbrayıl şəhərində "Şəhərsalma və Memarlıq İli"nə həsr olunan basketbol üzrə rayon turniri təşkil olunub.

🖇Turnir mayın 14-də Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyi, Şərqi Zəngəzur Regional Gənclər və İdman, Şərqi Zəngəzur Regional Təhsil İdarələrinin Cəbrayıl rayon sektorlarının birgə təşkilatçılığı ilə Akademik Mehdi Mehdizadə adına tam orta məktəbdə keçirilib.

🔹️İlk öncə Azərbaycan Respublikasının dövlət himni səsləndirilib, Ümumilli Lider Heydər Əliyevin və vətən uğrunda canından keçmiş şəhidlərimizin xatirəsi 1 dəqiqəlik sükutla yad edildikdən sonra,
Cəbrayıl rayonu üzrə gənclər və idman sektorunun müdiri Emil Məstəliyev iştirakçıları salamlayaraq uğurlar arzu edib.

Turnirin yekununa əsasən:

🥇1-ci yer: N. Aslanov adına Cocuq Mərcanlı kənd tam orta ümumtəhsil məktəbin "Lələtəpə" komandası
🥈2-ci yer: Cəbrayıl şəhər M.Mehdizadə adına tam orta ümumtəhsil məktəbin "Xudafərin" komandası🥉3-cü yer: Horovlu kənd tam orta ümumtəhsil məktəbin "Çinar" komandası

👏Qaliblər Regional İdarənin diplom və medalları ilə təltif olunub.

07/05/2026

“Heydər Əliyev irsi və Azərbaycan gəncliyi” başlıqlı tədbir təşkil olunub.

Tədbir mayın 6-da Biləsuvar rayon 11 saylı Cəbrayıl qəsəbəsi, Çərəkən kənd V. İsmayılov adına tam orta ümumtəhsil məktəbində Cəbrayıl rayonu üzrə gənclər və idman, təhsil sektorlarının birgə təşkilatçılığı ilə keçirilib.

İlk öncə Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Cəbrayıl rayonu üzrə gənclər və idman sektorunun müdiri Emil Məstəliyev Ümummilli Lider Heydər Əliyevin Azərbaycan xalqının ictimai-siyasi, sosial-iqtisadi və mədəni həyatının bütün sahələrində dirçəlişin onun adı ilə bağlı olduğunu qeyd edib.

Məktəbin müəllimləri Köçəri Tumasov və Fizzə Qurbanova Ümummilli Liderimizin hakimiyyətə gəlməsindən, Azərbaycanın məsuliyyətini öz çiyinlərində daşıdığından, onu bir dövlət və xalqımızı bir millət kimi tarixin ən ağır sınaqlarından çıxarmış və müasir Azərbaycan adlandırdığımız müstəqil məmləkəti, onun bu günkü həqiqətlərini, işıqlı sabahının etibarlı bünövrəsini yaratdığını qeyd ediblər.

Sonda məktəbin şagirdlərinin mövzu ilə bağlı çıxışları dinlənilib və Ulu Öndərin həyatından bəhs edən videoçarx nümayiş etdirilib.

01/05/2026

“Şahin” hərbi idman oyunu üzrə Cəbrayıl rayon birinciliyi keçirilib.

Azərbaycan Respublikasının Gənclər və İdman Nazirliyi, Müdafiə Nazirliyi, Elm və Təhsil Nazirliyi, Fövqalədə Hallar Nazirliyi və Səfərbərlik və Hərbi Xidmətə Çağrış üzrə Dövlət Xidmətinin birgə təsdiqlədiyi Əsasnaməyə uyğun olaraq Şərqi Zəngəzur Regional Gənclər və İdman idarəsinin Cəbrayıl rayonu üzrə gənclər və idman sektorunun təşkilatçılığı ilə Biləsuvar rayon 4 saylı Cəbrayıl qəsəbəsidə yerləşən İ. Quliyev adına Böyük Mərcanlı kənd tam orta ümumtəhsil məktəbində keçirilib.

Yarışdan öncə Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Yarışı Cəbrayıl rayonu üzrə gənclər və idman sektorunun müdiri Emil Məstəliyev açıq elan edib və yarış iştirakçılarına ümumi məlumat verərək uğurlar arzulayıb.

Birincilik uğrunda Biləsuvar rayonu ərazisində salınmış Cəbrayıl rayon məcburi köçkün qəsəbələrində faəliyyət göstərən Cəbrayıl rayon məktəblərinin 11 komandası olmaqla ümumilikdə 154 nəfər şagird mübarizə aparıblar.

Yarışın nəticələrinə əsasən Cəbrayıl rayon Çərəkən kənd V. İsmayılov adına tam orta ümumtəhsil məktəbin komandası 1-ci yer, rayon X. Rüstəmov adına Y. Mərcanlı kənd tam orta ümumtəhsil məktəbin komandası 2-ci yer, rayon 10 nömrəli tam orta ümumtəhsil məktəbin komandası 3-cü yerin qalibi oldular.

Şahin hərbi idman oyununun yekununa əsasən birinci yerin qalibi olan Cəbrayıl rayon Çərəkən kənd V. İsmayılov adına tam orta ümumtəhsil məktəbin komandası zona mərhələsinə vəsiqə qazanıb.

Sonda qaliblər Şərqi Zəngəzur Regional Gənclər və İdman İdarəsinin diplomları ilə təltif olundular.

25/04/2026

⚽️️“İdmanla zərərli vərdişlərə yox deyək” devizi altında ümumtəhsil məktəblərinin 7-8-ci sinif şagirdləri (oğlanlar) arasında minifutbol üzrə Cəbrayıl rayon turniri təşkil edilib.

🖇Turnir 23-24 Aprel 2026-cı il tarixində Biləsuvar rayon 4 saylı Cəbrayıl qəsəbəsi, Heydər Əliyev adına istirahət parkında yerləşən futbol meydançasında Cəbrayıl rayonu üzrə gənclər və idman, təhsil sektorların birgə təşkilatçılığı ilə keçirilib.

✅️Turnirin açılış mərasimində Regional İdarənin Cəbrayıl rayonu üzrə gənclər və idman sektorunun müdiri Emil Məstəliyev çıxış edərək iştirakçıları salamlayıb və uğurlar arzu edib.

📌Yekun nəticəyə əsasən;
🥇1-ci yer: İ.Quliyev adına Böyük Mərcanlı kənd tam orta ümumtəhsil məktəbi
🥈2-ci yer: X.Rüstəmov adına Yuxarı Mərcanlı kənd tam orta ümumtəhsil məktəbi
🥉3-cü yer: R.Xudiyev adına Minbaşılı kənd tam orta ümumtəhsil məktəbi

👏Qaliblər Regional İdarənin diplom və medalları ilə təltif olunublar. Yarışda sponsor qismində iştirak edən “A-Sport” MMC-nin rəhbərliyi tərəfindən qaliblərə hədiyyələr təqdim edilib.

17/04/2026

Cəbrayıl rayonu, Cocuq Mərcanlı kəndində “Tarix yazanlar Tarixi danışır” başlıqlı tədbir təşkil olunub.

Tədbir aprelin 17-də Cəbrayıl, Qubadlı və Zəngilan rayonlarında Azərbaycan Respublikasının Prezidentinin xüsusi nümayəndəliyi, Şərqi Zəngəzur Regional Gənclər və İdman, Şərqi Zəngəzur Regional Təhsil İdarələrinin birgə təşkilatçılığı ilə Cocuq Mərcanlı kənd tam orta məktəbində keçirilib.

Ümumilli Lider Heydər Əliyevin və vətən uğrunda canından keçmiş şəhidlərimizin əziz xatirəsi 1 dəqiqəlik sükutla yad edildikdən sonra, Cəbrayıl rayonu üzrə gənclər və idman sektorunun müdiri Emil Məstəliyev 44 günlük Vətən Müharibəsindən söz açaraq tədbiri açıq elan edib.

Vətən Müharibəsində iştirak etmiş və xüsusi şücaət göstərərkən yaralanmış qazilərimiz Məhərrəm Məhərrəmov, Şirin Abbasov, Elnur Yusifov və Sahil Muradov çıxış edərək keçdikləri döyüş yolundan bəhs edib və məktəbliləri maraqlandıran sualları cavablandırıblar.

Məktəbin direktoru Zamin Həziyev və məktəbin müəllimi Orxan Əlibəyov Vətən Müharibəsinin qığılcımı olmuş aprel döyüşlərində Azərbaycan Silahlı Qüvvələrinin Ali Baş Komandanı cənab İlham Əliyevin rəhbərliyi ilə Lələtəpə yüksəkliyinin azad olunması ilə düşmən öz layiqli cavabını aldığını və Cocuq Mərcanlı kəndində yaşayışın təmin olunduğunu qeyd ediblər.

Sonda Vətən müharibəsinə həsr olunan videoçarx nümayiş etdirilib.