Mərkəzi Aran Regional Mədəniyyət İdarəsi

03/06/2026

Mədəniyyət naziri Adil Kərimli Şuşada vətəndaşları qəbul edəcək.

Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət naziri Adil Kərimli tərəfindən 2026-cı il iyunun 19-da Şuşa şəhərindən olan vətəndaşların qəbulu keçiriləcəkdir. Qəbulun keçirilmə saatı və məkan barədə əlavə məlumat veriləcəkdir.

📍Vətəndaşlar 2026-cı il iyunun 15-dək Nazirliyin [email protected] elektron poçt ünvanı, (012) 493-43-98 telefon nömrəsi vasitəsilə müraciət etməklə qəbula yazıla bilərlər.

03/06/2026

Mədəniyyət Nazirliyi “Mədəni və yaradıcı sənayelər üzrə xüsusi Təqaüd Proqramı” çərçivəsində bakalavriat və magistratura səviyyələri üzrə xaricdə təhsilin maliyyələşdirilməsi ilə bağlı sənəd qəbulunu elan edir.

Təqaüd Proqramı “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın Tədbirlər Planında nəzərdə tutulan “Mədəni və Yaradıcı Sənayelərin (MYS) dinamik inkişafının təmin edilməsi və bu sahədə ixrac potensialının gücləndirilməsi” fəaliyyət istiqaməti üzrə həyata keçirilir.

Eyni zamanda, “Azərbaycan Mədəniyyəti – 2040” Azərbaycan Respublikasının Mədəniyyət Konsepsiyasının 2026–2030-cu illər üçün Konsepsiyanın həyata keçirilməsi üzrə Tədbirlər Planında xaricdə təhsil proqramları çərçivəsində mədəniyyət sahələri üzrə peşəkar kadrların hazırlanması, mədəniyyət sahəsində əmək bazarının tələblərinə cavab verən, yaradıcı və innovativ düşüncəyə malik kadr ehtiyatının formalaşdırılması nəzərdə tutulmuşdur.

Yaşı 15-dən yuxarı olan, yaradıcı potensialını inkişaf etdirmək və MYS sahələrinin müxtəlif istiqamətləri üzrə fəaliyyət göstərmək istəyən, xarici ali təhsil müəssisələrinə qəbul olmuş və ya öz vəsaiti hesabına təhsil alan Azərbaycan Respublikası vətəndaşları Təqaüd Proqramına müraciət edə bilərlər.

Ətraflı: https://culture.gov.az/az/news/news-detail/medeni-ve-yaradici-senayeler-uzre-xususi-teqaud-proqramina-sened-qebulu-elan-edilir/3065

02/06/2026

01/06/2026

Yaradıcılıq evində Uşaqların Beynəlxalq Müdafiəsi Gününə həsr olunmuş əyləncəli proqram təqdim olunub

Yevlax Şəhər İcra Hakimiyyəti, YAP Yevlax rayon təşkilatı və Yevlax şəhər Mədəniyyət Mərkəzinin birgə təşkilatçılığı ilə şəhər Yaradıcılıq evində 1 İyun – Uşaqların Beynəlxalq Müdafiəsi Gününə həsr olunmuş şənlik keçirilib.
Bayram şənliyində məktəblilər, uşaq bağçası-körpələr evi müəssisələrinin balaca fidanları tərəfindən nağıl-tamaşa, musiqili çıxışlar, rəngarəng səhnəciklər və əyləncəli oyunlar nümayiş olunub. Proqram böyük maraq və sevgi ilə qarşılanıb.
Şən personajların iştirakı, maraqlı müsabiqələr və möhtəşəm şou proqramları uşaqların bayram şənliyinə əlavə sevinc qatıb.
Tədbir zamanı uşaqlar üçün müxtəlif əyləncəli proqramlar təqdim olunub, onların istedad və bacarıqlarını nümayiş etdirmələri üçün şərait yaradılıb. Balacaların sevinc dolu anları tədbirə xüsusi rəng qatıb.

01/06/2026

Regional İdarənin təşkilatçılığı ilə Uşaqların Beynəlxalq Müdafiəsi Gününə həsr edilmiş “Uşaqlar gülərsə, dünya gülər” adlı tədbirdən maraqlı anları təqdim edirik

01/06/2026

Yevlaxda 1 İyun – Uşaqların Beynəlxalq Müdafiəsi Günü münasibətilə bayram tədbiri keçirilib

İyunun 1-də Uşaqların Beynəlxalq Müdafiəsi Günü münasibətilə Yevlax Şəhər İcra Hakimiyyəti, YAP Yevlax rayon təşkilatı və Yevlax şəhər Mədəniyyət Mərkəzinin birgə təşkilatçılığı ilə şəhid və qazi övladları üçün bayram tədbiri keçirilib.
Tədbirdə çıxış edənlər uşaqları bayram münasibətilə təbrik edərək, onlara sağlam, xoşbəxt və firavan gələcək arzulayıblar. Bildirilib ki, uşaqların hərtərəfli inkişafı, təhsili və rifahının təmin olunması dövlətimizin daim diqqət mərkəzində saxladığı əsas məsələlərdəndir.
Tədbirin bədii hissəsində bir-birindən maraqlı rəqs nömrələri nümayiş olunub, musiqilər səsləndirilib, uşaqların iştirakı ilə əyləncəli proqramlar təşkil edilib. Bayram tədbirinə xüsusi rəng qatan klounlar uşaqlarla müxtəlif oyunlar keçirib, şən müsabiqələr təşkil edib və onlara unudulmaz anlar yaşadıblar. Rəngarəng və maraqlı proqram iştirakçılar tərəfindən böyük sevinclə qarşılanıb.
Uşaqların sevincinə səbəb olan tədbir xoş təəssüratlarla başa çatıb.

01/06/2026

Ağdaşda Uşaqların Beynəlxalq Müdafiəsi Günü qeyd olunub

İyunun 1-də Ağdaş rayon Heydər Əliyev Mərkəzində Uşaqların Beynəlxalq Müdafiəsi Günü münasibətilə “Uşaqlar gülərsə, dünya gülər” adlı tədbir keçirilib.

Mərkəzi Aran Regional Mədəniyyət İdarəsinin təşkilatçılığı ilə keçirilən tədbirdə bir-birindən zəngin və rəngarəng sərgilər, interaktiv proqramlar təqdim olunub.

Tədbir iştirakçıları ilk olaraq açıq havada uşaq oyunlarının təqdimatına baxdıqdan sonra mərkəzin foyesində təşkil edilmiş sərgilərlə tanış olublar. Sərgi zonalarında yaradıcı uşaqların və gənclərin rəsmləri, dekorativ-tətbiqi sənət nümunələri, rəngarəng kitablardan ibarət “Nağıl” guşəsi nümayiş olunub.

Konsert proqramı ilə davam edən tədbirdə Ağdaş şəhər 1 nömrəli Uşaq Musiqi Məktəbinin xor kollektivinin təqdimatında Azərbaycan Respublikasının Dövlət Himni səsləndirilib. Ümummilli Lider Heydər Əliyevin və vətənin suverenliyi uğrunda şəhid olanların əziz xatirəsi yad edilib. Daha sonra 1 İyun - Uşaqların Beynəlxalq Müdafiəsi Gününün tarixindən və bu günün təsis edilməsinin məqsədlərindən bəhs edən videoçarx təqdim olunub.

Proqramda məktəblilərin ifasında şeirlər səsləndirilib, musiqi məktəbinin şagirdlərinin solo və ansambl ifaları, bağça uşaqlarının təqdimatında “Uşaqlar gülərsə, dünya gülər” kompozisiyası, “Ağıllı kukla” kompozisiyası və rəqs nömrəsi nümayiş olunub.

01/06/2026

1 İyun - Uşaqların Beynəlxalq Müdafiəsi Günüdür

01/06/2026

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.