02/06/2026
ππππππππ π ππ πππππππ, ππ
ππππ ππβπππππππππππππππ πππππππ ππππππππππ π
πππ πππππππ ππππππ
πππππ ππ ππ ππ πππππππ π ππ ππππ ππππβπππππ
Le paia maualuga o Samoa i ona tulaga faalupe.
O paia e afua mai i Malaetele ma le Malaeolevavau seia paia Fili ma P**etuβu na maape ai tofiga a le Tupu Tafaifa. O paia lava ia aua Aiga ma Tama, o Tama ma Aiga, Tumua ma P**e, Ituau ma le Alataua, Aiga i le Tai ma le Vaa o Fonoti.
Ae matau lava i le Atua ma lona finagalo, aua le paia i Taitai o Ekalesia Kerisiano, ma auauna totofi a le Atua, o loo punouaβi ma tuitui le lagi, auΔ le ipu ma le vaa o le Talalelei. O le asΕ, o lea ua piβioa ma faalepa le fua a tautai, ina ua faailo le atu mua. Ua aβe foi i le ti ma ifo i le nonu le folauga nai matagi lΔ moe, ina ua ite malama o manΕ«, ma toβa i faga le folauga nai le vasa, e pei o upu i le malae o le faautugatagi a Tumua.
Ua taufai pueia ai nei le matila ma le ofe loa, ua soβo tai ao o le maliβolagi... Viia le Atua, i lona faamaoni ma lona matagofie, ua goga ai i atuloloa ma afu-to ni afΔ foβepapa ma le laulaβi e tua i le faavauvau, ae ua agiagia le ta'afi sinasina, ina ua aulia le faamanatuina o le 64 tausaga o le Malo Tutoatasi o Samoa.
O Samoa ua tasi, mo se amataga fou, o le auau lea o lenei faamanatuga. E mafua i se a? e mafua ona o sootaga e soβo toto, e soo gafa e afua mai tumutumu e oo lava i le taele. O Samoa lena, o lo tatou faasinomaga, o lo tatou tofi. O le aiga.
Tatou te naunau ia soβosoβo ma mapo lo tatou faiva i soβo se matΔtΔ ma taleni ua o tatou galulue ai, mo le manuia o Samoa ma ona tagata, aemaise lo tatou sao i le aigΔ Pasefika ma le lalolagi. Ua 64 tausaga o la tatou folauga, ma e faaauau pea. Tatou te tiu ai ma ΔfΔ«fΔ«, e suati le ola, ma soa faatasi lo tatou faiva. Peitai, e na ona tatou fuafua ma faatatau, a o le Atua, e topule ma faataunuβu.
O le mea lea, o a tatou fuafuaga uma mo le lumanai o Samoa, ma le soβosoβo tauau ma o tatou uso Δ Malo tuaoi ma le lalolagi, e faaauau pea. A o le fua taualuga o ia fuafuaga, o lo tatou maopopoga ma le soβosoβo tauau i le galuega. O lo outou sao ma so matou foi sao, tatou malolosi ai e alo i luma le sΔ o Samoa.
Tatou te talitonu, e le tutusa itua*o, o a*o o le taugalemu ma a*o o le sousou, auΔ e feagai pea tatou ma luβitau o le soifuaga aemaise aafiaga ogaoga o suiga o le tau ua feagai nei ma le lalolagi, o taua ma fevesiaiga, o faamai, o le luitau o le tamaoaiga, e faapea foi i lo tatou lotoifale. Ui i lea, tatou te molimau pea, o loo soifua le Atua, o lo tatou faavae papa. O ia na te faapalepale mai.
Ia manuia tele le paia o tatou Malo faaaloalogia, le maualuga o le tatou Malo i ona tulaga faalupe. E faapea foi Taitai o Ekalesia ma Samoa ua potopoto.
Ia manuia le 64 tausaga o le Malo Tutoatasi o Samoa.
π»'oto'otoga o le saunoaga a le Afioga i le Palemia
πΈasiasiga i teams i Toowoomba, Kingaroy, Biggenden, Mundubbera, faapea Bundaberg Me 2026
