Prefekti i Qarkut Vlorë

04/09/2026

Prefektja e Qarkut Vlorë pati kënaqësinë të ishte pjesë e çeljes së Panairit XIV Kombëtar të Suvenireve Turistike Miqësore me Mjedisin, një hapësirë ku puna, talenti dhe tradita shqiptare marrin vëmendjen që meritojnë.

Ajo vlerësoi rëndësinë e turizmit të qëndrueshëm, që nis edhe nga ruajtja dhe promovimi i vlerave lokale, duke krijuar njëkohësisht më shumë mundësi për komunitetet dhe njerëzit tanë.

Prefektja shprehu mirënjohjen për organizatorët, artizanët dhe të gjithë pjesëmarrësit që e kthejnë këtë panair në një festë të bukur të identitetit dhe krijimtarisë shqiptare.

Ta ruajmë traditën, ta promovojmë dhe ta kthejmë atë në mundësi për të ardhmen!

03/09/2026

Senica, në Bashkinë Delvinë, nuk kërkon shumë.
Kërkon atë që çdo familje meriton: ujë në çezmë, pronën e dokumentuar dhe institucione që e dëgjojnë.

Në këtë vend që historia e njeh si “Kuvendi i Besës”, sot u zhvillua një tjetër kuvend, për hallet, nevojat dhe pritshmëritë e banorëve.

Me ftesë të Kryetarit të fshatit, Llambi Nika, pasditen e së enjtes, Prefektja e Qarkut Vlorë, Evis Allushi, së bashku me Nënprefektët e Sarandës dhe Delvinës, ishte në Senicë për të dëgjuar, bashkëbiseduar dhe mbajtur shënim shqetësimet e banorëve.

Seniciotët folën hapur për atë që u mungon dhe për zgjidhjet që presin.

Lajmi i mirë është se fondi për ujësjellësin e Senicës është çelur dhe projekti është miratuar. Punimet pritet të nisin së shpejti, me synimin që në shtator 2027 uji të jetë në çezmat e seniciotëve.

Edhe Çuka dhe Bërdeneshi janë në fazën finale: projektet e ujësjellësve janë miratuar dhe punimet pritet të nisin së shpejti.

Një tjetër kërkesë e rëndësishme ishte pajisja me certifikatat e pronësisë, një proces i vonuar që kërkon zgjidhje.

Prefektja Allushi garantoi banorët se çdo shqetësim i ngritur do të përcillet pranë Qeverisë dhe institucioneve përgjegjëse dhe do të ndiqet deri në gjetjen e zgjidhjeve konkrete.

Sepse banorët nuk presin vetëm të dëgjohen. Presin rezultate.

Dhe në vendin e Kuvendit të Besës, mesazhi është i qartë: fjala e dhënë duhet të pasohet nga puna e bërë.

03/09/2026

Sot, në mjediset e Prefekturës së Qarkut Vlorë, Prefektja e Qarkut Vlorë, së bashku me familjarë të udhëheqësve, luftëtarëve dhe dëshmorëve të Luftës Kombëtare të Vlorës, përkujtoi 106-vjetorin e kësaj ngjarjeje madhore të historisë sonë kombëtare.

Lufta e Vlorës ishte një luftë për qytetin, por mbi të gjitha, një betejë për Shqipërinë, sovranitetin dhe tërësinë territoriale të saj.

Në këtë histori, një vend të veçantë zë Prefektura e Vlorës. Gjatë tre muajve të luftës, administrata shqiptare u vendos në Drashovicë, pranë frontit, duke dëshmuar se shteti ishte i pranishëm aty ku po përcaktohej fati i Vlorës.

Në krye të saj qëndroi Qazim Kokoshi, firmëtar i Aktit të Pavarësisë, patriot dhe veprimtar i shquar, i zgjedhur Prefekt i Vlorës nga forcat kryengritëse dhe i njohur si “Prefekti i Luftës së Vlorës”.

Në shenjë mirënjohjeje, Prefektja i akordoi Qazim Kokosh*t Certifikatën e Mirënjohjes së Prefekturës së Qarkut Vlorë, duke nderuar përmes tij një figurë që bashkoi patriotizmin me detyrën shtetërore.

Lavdi dëshmorëve dhe nderim për të gjithë ata që bënë historinë e Vlorës dhe të Shqipërisë!

03/09/2026

Ditën e enjte, më 3 shtator, ora 17:00, e ftuar nga Kryetari i fshatit Llambi Nika, do të jetë për një dëgjesë publike në Kodrën e fshatit Senicë, Prefektja e Vlorës, Evis Allushi.

Kjo është për herë të parë që ndodh dhe për herë të parë seniciotët kanë mundësinë të shprehen e të dëgjohen për çfarë i shqetëson e për çfarë u mungon.

03/09/2026

02/09/2026

Në kuadër të përkujtimit të Luftës Kombëtare të Vlorës të vitit 1920, Institucioni i Prefektit të Qarkut Vlorë organizon një aktivitet kushtuar rolit dhe kontributit të Prefekturës gjatë kësaj ngjarjeje të rëndësishme të historisë kombëtare.

E enjte, 3 shtator 2026
Ora 11:00
Institucioni i Prefektit të Qarkut Vlorë

Ju ftojmë të bëheni pjesë e këtij aktiviteti përkujtimor, në nderim të historisë, sakrificës dhe kujtesës kombëtare.

02/09/2026

02/09/2026