01/09/2026
ISHSH NË TERREN - SHTATOR 2026
🏫 Shkolla dhe institucione arsimore
☀️ Sezoni turistik
🏥 Institucione shëndetësore
💊 Subjekte të tregtimit të barnave
1. Institucione arsimore
Me fillimin e vitit të ri arsimor, një nga prioritetet e inspektimeve të muajit shtator do të jetë inspektimi higjieno-sanitar i institucioneve arsimore.
Inspektimet do të përfshijnë:
• institucionet e arsimit parashkollor dhe 9-vjeçar;
• institucionet e arsimit të mesëm;
• institucionet e arsimit universitar;
• konviktet në funksion të këtyre institucioneve.
2. Vijojnë inspektimet gjatë sezonit turistik
Edhe gjatë muajit shtator, ISHSH do të vijojë inspektimin dhe monitorimin shëndetësor dhe higjieno-sanitar gjatë sezonit turistik veror, veçanërisht në zonat me fluks të lartë të vizitorëve.
Kontrollet do të synojnë verifikimin e respektimit të kërkesave higjieno-sanitare dhe shëndetësore në subjektet dhe aktivitetet që lidhen me sezonin turistik, duke kontribuar në garantimin e një turizmi të sigurt për të gjithë.
3. Inspektime për akreditimin e institucioneve shëndetësore
Nëpërmjet këtyre inspektimeve synohet të kontribuohet në rritjen e cilësisë, sigurisë dhe standardeve të ofrimit të shërbimeve shëndetësore.
4. Inspektime higjieno-sanitare dhe shëndetësore të subjekteve të tregtimit të barnave
Inspektime higjieno-sanitare dhe shëndetësore me fokus edhe në zbatimin e kërkesave që burojnë nga:
Ligji nr. 8528, datë 23.09.1999, “Për nxitjen dhe mbrojtjen e të ushqyerit me gji”, i ndryshuar, dhe
Ligji nr. 26/2017, “Për produktet kozmetike”.
- Mbrojmë shëndetin publik
