Agjencia Kombëtare e Financimit të Arsimit të Lartë

02/09/2026

📢 HAPET THIRRJA PËR BANKAT E NIVELIT TË DYTË

Agjencia Kombëtare e Financimit të Arsimit të Lartë (AKFAL) fton Bankat e Nivelit të Dytë të interesuara të paraqesin ofertat e tyre për normën e interesit të kredisë studentore, në kuadër të zbatimit të skemës së kreditimit studentor.

🎓 Skema e kreditimit studentor synon të mbështesë studentët në financimin e kostove të studimeve, ndërsa një pjesë e normës së interesit të kredisë, deri në 5 pikë përqindje, financohet nga buxheti i shtetit.

🏦 Bankat e interesuara ftohen të bëhen pjesë e kësaj skeme, duke paraqitur ofertën e tyre sipas kushteve, kritereve dhe dokumentacionit të përcaktuar në thirrjen publike. Renditja e ofertave do të realizohet sipas normës më të ulët të interesit.

📅 Afati i fundit për paraqitjen e ofertave:
17 SHTATOR 2026

📍 Ofertat paraqiten dorazi ose me postë, pranë Agjencisë Kombëtare të Financimit të Arsimit të Lartë, në adresën:
Rruga “Naim Frashëri”, Nr. 37, Tiranë.

🔎 Për informacionin e plotë mbi thirrjen, kriteret e kualifikimit, formularët dhe dokumentacionin e nevojshëm për aplikim, vizitoni faqen zyrtare të AKFAL.

🌐 www.akfal.gov.al

20/03/2026

Me rastin e festës së Fitër Bajramit, Agjencia Kombëtare e Financimit të Arsimit të Lartë (AKFAL) ju uron shëndet, paqe dhe mbarësi.
Kjo ditë e shenjtë le të sjellë më shumë mirësi, solidaritet dhe shpresë në çdo familje shqiptare.
Gëzuar Fitër Bajramin! 🌙

08/03/2026

8 Marsi🌺📖Dita Ndërkombëtare kushtuar Gruas

👩‍🏫👩👱‍♀️👩‍🔬👩‍🎓👩‍💻Në sistemin tonë arsimor, roli i grave është i pazëvendësueshëm. Mësuese, drejtuese institucionesh arsimore, pedagoge dhe profesioniste të fushave të ndryshme të arsimit janë çdo ditë duke formuar qytetarë të ditur, të përgjegjshëm dhe me vlera.
Ministria e Arsimit vlerëson kontributin e çmuar të grave në arsim dhe mbështet mundësitë e barabarta për çdo vajzë dhe grua në arsim dhe në shoqëri📖💐

03/03/2026

18/02/2026

Me Ministren e Arsimit për forcimin e mbështetjes financiare të studentëve ekselentë dhe studentëve në programe me rëndësi kombëtare 🤝📚

12/02/2026

Bashkëpunim institucional me Drejtorët Ekonomikë të Universiteteve Publike 🎓🏫

AKFAL zhvilloi një takim teknik me drejtuesit ekonomikë të institucioneve publike të arsimit të lartë, në kuadër të forcimit të bashkëpunimit institucional dhe përmirësimit të menaxhimit financiar 🤝📊

Diskutimet u zhvilluan në vijim të nënshkrimit të kontratave të llogaridhënies me IAL-të publike, me fokus udhëzuesin e raportimit financiar vjetor të hartuar nga AKFAL, dixhitalizimin e proceseve, vendosjen e indikatorëve të performancës dhe planifikimin buxhetor afatmesëm 2026–2028. Universitetet patën gjithashtu mundësinë të adresojnë problematikat konkrete të hasura në zbatim, duke kontribuar aktivisht në ndërtimin e një qasjeje të unifikuar dhe më efektive financiare 🌱

Takimi shërbeu si një hap i rëndësishëm drejt konsolidimit të koordinimit teknik dhe forcimit të bashkëpunimit mes AKFAL dhe universiteteve publike, në funksion të transparencës dhe eficiencës në përdorimin e fondeve publike.

11/02/2026

✨ Një vit kontribut dhe bashkëpunim profesional në AKFAL ✨

Në përfundim të eksperiencës njëvjeçare pranë AKFAL, në kuadër të procedurës së shprehjes së interesit për studentë të ekselencës të shpallur nga Departamenti i Administratës Publike, përshëndesim kolegen tonë dhe e falenderojmë për angazhimin, seriozitetin dhe kontributin e dhënë gjatë kësaj periudhe 🤝

Gjatë këtij viti bashkëpunimi, profesionalizmi dhe përkushtimi i treguar kanë qenë një vlerë e shtuar për institucionin tonë, duke reflektuar rëndësinë e promovimit të talenteve të reja dhe forcimit të kapaciteteve në administratën publike 🌱📊

I urojmë shumë suksese në vijim të rrugëtimit profesional! 🌟

02/02/2026

✍️ Ka nisur procesi i nënshkrimit të marrëveshjeve trepalëshe me studentët përfitues të Mbështetjes Financiare për vitin akademik 2025–2026.

Marrëveshja trepalëshe lidhet ndërmjet studentit përfitues, institucionit publik të arsimit të lartë dhe Agjencisë Kombëtare të Financimit të Arsimit të Lartë (AKFAL), duke formalizuar përfitimin e bursës dhe përjashtimin nga tarifa vjetore e shkollimit, sipas legjislacionit në fuqi.

📩 Çdo student përfitues do të kontaktohet nga AKFAL për vijimin e procedurave dhe nënshkrimin e marrëveshjes.

AKFAL mbetet e angazhuar në mbështetje të ekselencës akademike dhe zhvillimit të arsimit të lartë.