Urdhri i Infermierit të Shqipërisë

17/09/2026

Aty ku koha matet me rrahje zemre dhe çdo përpjekje ka vetëm një qëllim: të fitojë jeta. 🙏

☀️Mirëmëngjes nga Reanimacioni Qendror,
Aty ku çdo sekondë ka vlerë, çdo rrahje zemre ka rëndësi dhe përkushtimi nuk ndalet asnjëherë.

QSUT: Në çdo moment, në çdo frymëmarrje, në shërbim të jetës🙏

14/09/2026

📚 Një fillim i ri. Një rrugëtim i ri drejt dijes.
Sot, mijëra fëmijë dhe të rinj hapin sërish dyert e shkollës, duke nisur një tjetër kapitull të rëndësishëm në rrugëtimin e tyre.

Pas çdo banke shkolle qëndron një ëndërr.
Pas çdo libri, një mundësi për të mësuar.
Pas çdo mësuesi dhe prindi, përkushtimi për të ndërtuar një të ardhme më të mirë.

Urojmë që ky vit i ri shkollor të sjellë dije, frymëzim, miqësi dhe suksese; të jetë një vit ku çdo nxënës të ndihet i mbështetur, i vlerësuar dhe i inkurajuar, të besojë tek vetja dhe tek e ardhmja.

Një urim i veçantë për vogëlushët që ulen për herë të parë në bankat e shkollës dhe për të gjithë nxënësit që sot nisin një tjetër hap drejt ëndrrave të tyre.

Shëndet, mbarësi dhe një vit shkollor të suksesshëm për të gjithë!💐💐

10/09/2026

Të gjithë praktikantët që kanë vazhduar praktikën profesionale duhet të kenë parasysh sa më poshtë:
📄 Dokumenti i praktikës profesionale.
Nga platforma juaj, në rubrikën “Kartela e Anëtarësimit”, duhet të shkarkoni dokumentin përkatës, ta printoni dhe ta keni me vete si dëshmi për zhvillimin e praktikës profesionale në institucionin ku jeni caktuar.
📝 Regjistrimi i aktiviteteve
Për çdo ditë të praktikës profesionale, duhet të regjistroni aktivitetet e kryera në platformë.
Aktivitetet regjistrohen në rubrikën “Aktivitete” → “Krijo të re”.
Ju urojmë suksese në zhvillimin e praktikës profesionale dhe një përvojë sa më të vlefshme!

08/09/2026

8 SHTATOR – DITA BOTËRORE E FIZIOTERAPISË

Sot vlerësojmë dhe falënderojmë të gjithë fizioterapistët për kontributin e tyre të pazëvendësueshëm në parandalimin e sëmundjeve, rikthimin e aftësive funksionale, rehabilitimin dhe përmirësimin e cilësisë së jetës së qytetarëve.

Tema e Ditës Botërore të Fizioterapisë për vitin 2026 "Roli i fizioterapisë dhe aktivitetit fizik në parandalimin, menaxhimin dhe rehabilitimin e sëmundjeve kardiovaskulare dhe goditjes në tru", vendos në qendër rolin e fizioterapisë dhe aktivitetit fizik në parandalimin, menaxhimin dhe rehabilitimin e sëmundjeve kardiovaskulare dhe goditjes në tru.

Fizioterapistët janë pjesë e rëndësishme e ekipit multidisiplinar të kujdesit shëndetësor. Përmes profesionalizmit të tyre, ata kontribuojnë në identifikimin e faktorëve të rrezikut, hartimin e programeve të sigurta dhe të individualizuara të aktivitetit fizik, si dhe në mbështetjen e pacientëve për rikthimin e lëvizshmërisë, pavarësisë dhe pjesëmarrjes aktive në jetën e përditshme.

Në këtë ditë të veçantë, Urdhri i Infermierit të Shqipërisë shpreh mirënjohjen dhe vlerësimin për të gjithë fizioterapistët për profesionalizmin, përkushtimin dhe kujdesin që ofrojnë çdo ditë në shërbim të shëndetit dhe mirëqenies së qytetarëve.
Gëzuar Ditën Botërore të Fizioterapisë! 💙

05/09/2026

🙏🙏

05/09/2026

🤍 Sot nderojmë Nënë Terezën, simbolin e dashurisë, përkushtimit dhe humanizmit.

Le të përcjellim çdo ditë vlerat e saj përmes kujdesit, profesionalizmit dhe zemrës që vendosim në shërbim të pacientit.

04/09/2026

🕊️ LAMTUMIRË, KOLEGE E DASHUR…
Me hidhërim mësuam për ndarjen nga jeta të koleges sonë të dashur, Meriban Kryemadhi Methasani, në moshën 52-vjeçare, infermiere pranë Ambulancës Grevë, Qendra Shëndetësore Melan.

Për vite me radhë, Meribani i shërbeu profesionit të infermierisë me përkushtim, humanizëm dhe dashuri për njerëzit.
Pranë pacientëve, ajo përcolli jo vetëm kujdesin dhe profesionalizmin e saj, por edhe ngrohtësinë, mirëkuptimin dhe fjalën njerëzore që e karakterizonte.

Ndarja e saj është një humbje e dhimbshme për familjen, kolegët, pacientët dhe komunitetin shëndetësor. Kujtimi i saj, përkushtimi ndaj profesionit dhe gjurmët që la në jetën e atyre që e njohën do të mbeten gjithmonë të paharruara.

Shprehim ngushëllimet tona më të sinqerta për familjen, të afërmit, miqtë dhe kolegët e Meribanit.
🕯️ U prehtë në paqe dhe kujtimi i saj qoftë i përjetshëm!

01/09/2026

📢 NJOFTIM PËR STUDENTËT QË ENDE NUK KANË MARRË PËRGJIGJE PËR PRAKTIKËN PROFESIONALE

Të gjithë studentët që ende nuk kanë marrë përgjigje për aplikimin e tyre, ju lutemi të mirëkuptoni vijimin e procesit të shqyrtimit.
Për shkak të fluksit të lartë të aplikimeve, puna për shqyrtimin dhe verifikimin e tyre vijon në mënyrë të vazhdueshme.
🔹 Aplikimet po shqyrtohen në vazhdimësi.
🔹 Sapo të përfundojë shqyrtimi i aplikimit tuaj, do të merrni njoftimin përkatës në platformë.
🔹 Ju lutemi, kontrolloni rregullisht platformën dhe ndiqni me kujdes njoftimet e publikuara.
Ju falënderojmë për mirëkuptimin dhe durimin tuaj gjatë këtij procesi.
Ju urojmë suksese në zhvillimin e Praktikës Profesionale!

26/08/2026

🚨 Udhëzues për aplikimin në Praktikën Profesionale për studentët JO FITUES!
Për të gjithë studentët që kanë rezultuar jo fitues në sezonet e kaluara, është e nevojshme të kryeni hapat e mëposhtëm në platformë, në mënyrë që të keni mundësi të aplikoni për Praktikën Profesionale 2-mujore.
Hapat që duhet të ndiqni:
1️⃣ Hyni në platformë
Hyni në profilin tuaj dhe, nga faqja kryesore, klikoni te “Shkollimet”.
2️⃣ Krijoni një shkollim të ri
Klikoni butonin “Krijo të re”.
3️⃣ Plotësoni të dhënat e shkollimit
Do t’ju hapet formulari ku duhet të plotësoni të gjitha të dhënat e kërkuara.
⚠️ SHUMË E RËNDËSISHME:
Te fusha “Nr. i diplomës” duhet të vendosni 0000 (katër zero).
Nëse nuk vendosni 0000, sistemi nuk e merr në konsideratë shkollimin.
4️⃣ Ngarkoni dokumentet
Plotësoni të gjitha fushat e tjera dhe ngarkoni dokumentet e kërkuara.
5️⃣ Ruani të dhënat
Pasi të keni plotësuar formularin, klikoni “Ruaj”.
6️⃣ Aplikoni për Praktikën Profesionale
Pas përfundimit të këtyre veprimeve, do të keni mundësi të aplikoni për Praktikën Profesionale 2-mujore.
7️⃣ Prisni njoftimin në platformë
Pasi aplikimi juaj të shqyrtohet, do të merrni një njoftim në platformë ku do të përcaktohen:
📅 Datat e zhvillimit të praktikës
🏥 Institucioni ku do të zhvillohet praktika
👩‍⚕️ Drejtuesi i praktikës
📌 KUJDES!
Për studentët që kanë rezultuar jo fitues në sezonet e kaluara, praktika profesionale do të jetë 2 muaj, dhe jo 3 muaj siç është zhvilluar herën e parë.

26/08/2026

Procedura për Regjistrim në Praktikën Profesionale
🚨 KUJDES! AFATI I APLIKIMIT: 25–31 GUSHT 2026 🚨
📌 Aplikimet janë të hapura dhe përfundojnë më 31 gusht 2026.
Pasi të keni krijuar profilin tuaj dhe të jeni anëtarësuar në Platformën Digjitale ndiqni këto hapa:
1. Hyni në Platformën Digjitale dhe klikoni te rubrika “Praktika”.
2. Plotësoni profesionin për të cilin do të regjistroheni për ndjekjen e Praktikës Profesionale 3-mujore.
3. Plotësoni të dhënat për shkollimin tuaj, të cilat merren automatikisht nga sistemi.
4. Në adresën tuaj të email-it do të merrni faturën e aplikimit për Praktikën Profesionale. Fatura duhet të printohet dhe të paraqitet në bankë për kryerjen e pagesës.
5. Pas kryerjes së pagesës, do të pajiseni nga banka me mandatin e pagesës, të cilin duhet ta ngarkoni në Platformë, te rubrika “Ngarko pagesën”.
6. Pas ngarkimit të mandatit, në Platformë do të merrni një njoftim që konfirmon se pagesa është ngarkuar me sukses.
7. Më pas, aplikimi juaj do të qëndrojë në pritje të shqyrtimit dhe miratimit.
8. Pas shqyrtimit të aplikimit, do të njoftoheni nëpërmjet Platformës Digjitale për:
- datën e fillimit dhe përfundimit të praktikës profesionale;
- institucionin ku do të zhvilloni praktikën;
- drejtuesin e praktikës.

Suksese në Praktikën Profesionale! 🍀