Drejtoria e Ndihmës Juridike Falas

17/09/2026

📢 Njoftim

⚖️ Drejtoria e Ndihmës Juridike Falas njofton qytetarët se ditën e Premte, ora 10:00, do të zhvillojë një dëgjesë publike me qytetarët e Njësisë Admimistrative Vaqarr, Tiranë.

✅

15/09/2026

💬 Mendimi juaj ka rëndësi!

Shërbimi i ndihmës juridike falas është për ju dhe zëri juaj na ndihmon ta bëjmë atë çdo ditë më të mirë. ⚖️

📲 Keni marrë shërbim pranë një Qendre të Shërbimit të Ndihmës Juridike Parësore?
Na tregoni: Si e vlerësoni përvojën tuaj?

Skanoni QR Code-in e mësipërm ose në websiten zyrtar www.ndihmajuridike.gov.al dhe ndani me ne vlerësimin, sugjerimet apo çdo koment mbi shërbimin e marrë.

Çdo mendim është një hap drejt një shërbimi më cilësor, më të aksesueshëm dhe më pranë qytetarit.🤝

✅

14/09/2026

📢 Të dhëna statistikore të Drejtorisë së Ndihmës Juridike Falas për muajin Gusht 2026 ⚖️

✅

10/09/2026

📢 Buletini Informativ Gusht 2026 ⚖️

09/09/2026

08/09/2026

📍 Njësia Administrative 6, Tiranë

Drejtoria e Ndihmës Juridike Falas zhvilloi një dëgjesë publike me qytetarët e Njësisë 6, në kuadër të forcimit të komunikimit të drejtpërdrejtë dhe informimit mbi të drejtën për të përfituar ndihmë juridike falas.

Gjatë takimit u diskutua mbi problematikat dhe nevojat konkrete të qytetarëve, si dhe mbi mënyrat se si shërbimet e ndihmës juridike mund të jenë më të aksesueshme, më të kuptueshme dhe më pranë komunitetit.

🤝 Sepse një shërbim publik i mirë nis duke dëgjuar qytetarin.

03/09/2026

📌 Takim me stafin e Drejtorisë së Ndihmës Juridike Falas

Drejtoresha e Përgjithshme (e komanduar) e Drejtorisë së Ndihmës Juridike Falas, znj. Patricia Pogaçe, zhvilloi një takim online me stafin e Drejtorisë, për të diskutuar objektivat dhe prioritetet e punës në vijim.

Takimi u fokusua në koordinimin e punës, forcimin e bashkëpunimit brenda institucionit dhe orientimin drejt realizimit me efektivitet të objektivave të përcaktuara.

🤝 Bashkëpunimi dhe angazhimi i përbashkët mbeten thelbësorë për një shërbim juridik falas sa më pranë qytetarëve.

01/09/2026

⚖️ Drejtësia fillon me aksesin.

Rrjeti i Ndihmës Juridike Falas zgjerohet për t’iu afruar çdo qytetari, kudo që ndodhet. 🇦🇱

Me 54 Ofrues të Ndihmës Juridike Parësore në të gjithë vendin – 21 Qendra të Shërbimit të Ndihmës Juridike Parësore, 20 Organizata Jofitimprurëse të Autorizuara dhe 13 Klinika Ligjore pranë Universiteteve – qytetarët kanë më shumë mundësi të informohen, këshillohen dhe të ushtrojnë të drejtat e tyre.

📍 Një rrjet më i gjerë. Një drejtësi më pranë qytetarit.

🔗 www.ndihmajuridike.gov.al

✅

26/08/2026

⚖️ FJALOR JURIDIK | TË ARDHURA DHE PASURI TË PAMJAFTUESHME

A e dini kur një person konsiderohet se ka të ardhura dhe pasuri të pamjaftueshme për të përfituar ndihmë juridike falas?

📌 Sipas Ligjit nr. 111/2017, të ardhurat dhe pasuria vlerësohen në bazë të kritereve të përcaktuara me ligj, duke marrë në konsideratë nëse personi jeton në familje, jeton i vetëm apo kërkon ndihmë juridike për një çështje kundër një anëtari të familjes.

👉 Nëse plotësoni kushtet e përcaktuara nga ligji, mund të keni të drejtë të përfitoni ndihmë juridike falas.

📞 Për më shumë informacion dhe orientim, telefononi 0800 10 10 ose drejtohuni pranë Qendrave të Shërbimit të Ndihmës Juridike Parësore pranë jush.

Informohu. Njih të drejtat e tua. Përfito ndihmën që të takon.