Akademia Politike Aleanca Demokristiane

11/06/2026

07/06/2026

https://www.facebook.com/share/r/1KiPHpxnFw/

03/03/2026

LETËR E HAPUR PUBLIKE
Drejtuar: Prezencës së OSBE në Shqipëri
dhe Delegacionit të Bashkimi Evropian në Tiranë
Nga: Partia Aleanca Demokristiane e Shqipërisë
Lënda: Zbatimi i plotë i standardeve Europiane për Zgjedhje të lira dhe të Barabarta në Republikën e Shqipërisë
Të nderuar përfaqësues,
Në cilësinë e një subjekti politik të regjistruar dhe pjesëmarrës në proceset zgjedhore në Republikën e Shqipërisë, ju drejtohemi publikisht për të kërkuar një qasje të plotë, koherente dhe juridikisht të bazuar mbi standardet e Bashkimit Evropian lidhur me zgjedhjet në vendin tonë.
1. Parimi kushtetues i barazisë zgjedhore
Kushtetuta e Republikës së Shqipërisë, Neni 1, pika 3, përcakton se: “Qeverisja bazohet në një sistem zgjedhjesh të lira, të barabarta, të përgjithshme dhe periodike.” Parimi i barazisë nuk mund të reduktohet vetëm në barazinë e votës numerike. Sipas jurisprudencës Europiane dhe standardeve demokratike, barazia përfshin:
•barazi reale të subjekteve politike në konkurrim
•administrim zgjedhor të paanshëm
•financim transparent dhe të barabartë
•akses të drejtë në media
2. Standardet e Bashkimit Evropian
Procesi i anëtarësimit në Bashkimi Evropian mbështetet në Kriteret e Kopenhagës, të cilat kërkojnë institucione të qëndrueshme që garantojnë demokracinë, shtetin e së drejtës dhe pluralizmin politik. Gjithashtu, praktikat e shteteve anëtare të BE-së tregojnë se:
•Administratat zgjedhore funksionojnë mbi bazë profesionale dhe jo kuotash partiake.
•Komisionet e votimit dhe numërimit nuk përbëhen nga përfaqësues partiakë me konflikt interesi të drejtpërdrejtë.
•Kontrolli financiar i partive është i pavarur dhe efektiv.
Nëse kërkohet transparencë financiare si kusht për progres në integrim, kjo duhet të shoqërohet në mënyrë të pandashme me kërkesën për Depolitizimin e Plotë të Administrimit Zgjedhor dhe Komisioneve Zgjedhore nga KryeKomisioneri deri te Numërimet.
3. Problemi strukturor në Shqipëri
Modeli aktual i Administrimit Zgjedhor në Shqipëri, përfshirë Komisioni Qendror i Zgjedhjeve dhe komisionet e nivelit të dytë e të tretë, mbështetet mbi balancën PS–PD. Ky sistem:
•Krijon konflikt interesi institucional.
•Pengon konkurrencën e barabartë të subjekteve të treta.
•Minon besimin publik në proces.
Një administratë zgjedhore e ndarë në kuota partiake midis PS dhe PD nuk përmbush standardin evropian të paanshmërisë administrative.
4. Kërkesa konkrete e Partisë Aleanca Demokristiane
Në përputhje me praktikat e shteteve anëtare të BE-së, ne kërkojmë publikisht:
1.Depolitizim të plotë të komisioneve zgjedhore, përfshirë nivelin qendror dhe vendor.
2.Përzgjedhje të komisionerëve përmes mekanizmit profesional meritokratik, jashtë kuotave partiake.
3.Rishikim të plotë të financimit të partive dhe auditimit real të tyre, në mënyrë të barabartë për të gjitha subjektet.
4.Mekanizma efektivë kundër përdorimit të burimeve publike në fushatë.
5. Përgjegjësia ndërkombëtare
Roli i OSBE dhe i institucioneve të BE-së në Shqipëri nuk duhet të kufizohet në vëzhgimin formal të procesit, por duhet të mbështesë reforma strukturore që sigurojnë barazi reale.
Çdo fokus i njëanshëm vetëm mbi financat, pa adresuar politizimin e administratës zgjedhore, rrezikon të trajtojë simptomën dhe jo shkakun.
Ne, Partia Aleanca Demokristiane, mbetemi të hapur për dialog institucional dhe kontribuim konstruktiv në një reformë zgjedhore që e afron realisht Shqipërinë me standardet e Bashkimit Evropian. Demokracia nuk matet me “Dy Parti PS & PD Dominante”, por me “Barazinë Reale të Garës”
Me respekt,
Kryetari Zef Bushati
Partia Aleanca Demokristiane
03/ 03 / 2026 Tiranë, Shqipëri

09/01/2026

Nën Kryetari i Partisë Aleanca Demokristiane Ing. Ilir Zmalaj në tryezën e Opozites.

23/11/2025

Shkruan Zef Bushati Qytetarët shqiptarë nuk kanë nevojë të dëgjojnë nga ndërkombëtarët – e në veçanti nga zonja Marta Kos – lavdërime për “punën e shkëlqyer” të Kryeministrit, ndërkohë që pohohet në të njëjtën frymë se “Shqipëria ka ende shumë për të bërë” ...

29/10/2025

MANIFEST QYTETAR I PARTISE ALEANCA DEMOKRISTIANE PËR REFORMËN ZGJEDHORE TË NDERSHME DHE TË HAPUR
Ne, qytetarët e Republikës së Shqipërisë, të lodhur nga premtimet boshe dhe manipulimet e përhershme të Sistemit Zgjedhor, kërkojmë një Reformë të vërtetë që garanton votë të lirë, përfaqësim real dhe institucione të paanshme. Kërkojmë që politika të kthehet në shërbim të qytetarëve – jo e kundërta. 1. Depolitizim i komisioneve zgjedhore. Komisionet zgjedhore në çdo nivel duhet të përbëhen nga profesionistë të pavarur, jo përfaqësues partie. Anëtarët të jenë avokatë, noterë apo profesionistë të sektorit privat që nuk janë të punësuar nga shteti. Përzgjedhja të bëhet me short elektronik transparent nga një listë kombëtare të hapur për qytetarët. Financimi i punës së tyre të vijë nga një fond i përbashkët i partnerëve ndërkombëtarë, jo nga Qeveria. Çdo shkelje e paanësisë të ndëshkohet me përjashtim përjetë nga proceset zgjedhore. 2. Lista të hapura, jo të kontrolluara nga kryetarët e Partive. Votuesi duhet të ketë të drejtën të zgjedhë emrin e kandidatit, jo thjesht logon e partisë. Kjo i jep fund “kultit të kryetarit” dhe krijon një lidhje direkte mes qytetarit dhe deputetit. 3. Financim i pastër dhe transparent i partive. Të krijohet një Agjenci e Pavarur e Financimit Politik, me kompetenca hetimore dhe të drejtë ndëshkimi. Çdo shpenzim zgjedhor të publikohet në kohë reale online, me burimin e fondeve të verifikuar. 4. Kufizim mandatesh për deputetë dhe drejtues partie. Askush nuk duhet të jetë deputet më shumë se dy mandate radhazi, as të drejtojë një parti më shumë se tetë vite. Kështu parandalohen klanet dhe hapet rruga për figura të reja. 5. Përfshirja reale e diasporës. Shqiptarët që jetojnë jashtë vendit duhet të kenë të drejtë vote efektive, përmes postës ose votimit elektronik të garantuar nga KQZ. Ata janë pjesë e gjallë e kombit dhe duhet të kenë zë në politikën shqiptare. 6. Transparencë dhe kontroll qytetar. Të gjitha vendimet e KQZ-së, fondet publike dhe proceset zgjedhore të jenë të aksesueshme publikisht në platformë online.
Shoqëria civile të ketë rol vëzhgues zyrtar në çdo fazë të procesit. Përmbyllje. Zgjedhjet janë themeli i demokracisë. Pa reformë të vërtetë zgjedhore, Shqipëria nuk mund të ketë institucione të besueshme. Ky manifest është një thirrje për depolitizim, transparencë dhe përgjegjësi, që vota e qytetarit të ketë më shumë peshë se vullneti i partive.