Sekretariati i Emigracionit pranë Partisë Socialiste është struktura bashkëngjitur partisë më të madhe në Shqipëri që ka si qëllim kryesor komunikimin dhe forcimin e marrëdhënieve të Partisë Socialiste me emigrantët shqiptarë në të gjithë botën. Emigrantët shqiptarë kanë dhënë një kontribut të pamasë në 20 vitet e fundit përmes remitancave që kanë injektuar në ekonominë e vendit çdo vit, ashtu si
dhe përmes punës së tyre të palodhur, duke lartësuar reputacionin e atdheut të tyre. Pavarësisht këtij kontributi jetësor për Shqipërinë, emigrantët janë lënë tërësisht pas dore nga qeveria, e cila asnjëherë nuk ka ndërmarrë ndonjë iniciativë në favor të tyre. Duke konsideruar rëndësinë që emigrantët kanë për jetën social-ekonomike të vendit, është imperative që politika t’i mbajë sytë dhe veshët hapur për idetë dhe nevojat e emigrantëve, dhe ky është një prioritet i Partisë Socialiste.
