Agjencia Kombetare e Punesimit dhe Aftesive

08/09/2026

07/09/2026

👨👷 SHIH LARG. Zgjidh Arsimin Profesional!

Pasioni për ndërtimin mund të kthehet në profesion.

🧑‍💻 Regjistro fëmijën tënd ne klasë të 10-të përmes e-Albania, në shërbimin “Regjistrimi në klasën e dhjetë, në shkollë të mesme profesionale”.

05/09/2026

Nga kursi profesional drejt punësimit! 👩‍🍳 Për Marija Rrapin, nënë e dy vajzave, një kurs profesional gatimi u kthye në një mundësi konkrete për të hyrë në tregun e punës.

👩‍🍳 Përmes kursit, Marija fitoi aftësi të reja profesionale dhe sot është e punësuar me sigurime të plota shoqërore në kuzhinën e Hotel Riviera në Shëngjin.

Edhe ti mund të mësosh një profesion dhe të krijosh mundësi të reja për punësim.

🧑‍💻 Apliko online për kurset e formimit profesional të AKPA-së nëpërmjet e-Albania: Shërbimi “Aplikim për regjistrim në kurs formimi profesional”

Në kuadër të programit, 864 familje kanë përfituar shërbime të integruara të mbrojtjes sociale, kujdesit dhe punësimit, ndërsa 357 gra dhe të rinj kanë kaluar nga trajnimi në punësim.

🤝 Programi i Përbashkët i OKB-së “Fuqizimi dhe mbrojtja gjatë gjithë jetës në Shqipëri” financohet nga Joint SDG Fund dhe zbatohet nga UNDP Albania, UN Women Albania, UNICEF Albania dhe ILO Albania, në partneritet me Qeverinë Shqiptare.

03/09/2026

“Mëso duke provuar” – learn by doing! - thotë Dajana 😊

Njihu me historinë e saj, e cila u rikthye nga Gjermania 🇩🇪 dhe sot ka ndërtuar një karrierë të suksesshme në Shqipëri. 🇦🇱

Historia e saj na tregon se rikthimi në Shqipëri mund të jetë fillimi i një rruge të re, plot mundësi për zhvillim profesional dhe personal.

🧑‍💻 Nëse edhe ti je një i ri që kërkon një mundësi punësimi, apliko online në shërbimin “Aplikim për Garancinë Rinore” në e-Albania: https://e-albania.al/ServiceDetails/15266

Projekti “Drejtohu drejt Garancisë Rinore – Niveli 1.0” zbatohet nga Qendra CEDI në bashkëpunim me Qendrën Psiko-Sociale Vatra, në kuadër të projektit BE për Rininë, financuar nga Bashkimi Europian dhe zbatuar nga PNUD dhe UNICEF në Shqipëri, në bashkëpunim me Agjencinë Kombëtare të Punësimit dhe Aftësive dhe Agjencinë Kombëtare të Rinisë, nën koordinimin e Ministrisë së Ekonomisë dhe Inovacionit.

02/09/2026

😄 Alma u punësua përmes shërbimit të punësimit!

Për herë të dytë, Zyra e Punës e mbështeti Almën për t’u lidhur me një mundësi të re punësimi. 🤝

Falë ndërmjetësimit të specialistëve tanë, ajo është rikthyer sërish në punë, duke treguar se shërbimet e AKPA-së mund të jenë një mbështetje konkrete jo vetëm për gjetjen e një pune, por gjatë gjithë rrugëtimit profesional.

🔎 Nëse edhe ti je në kërkim të një pune, regjistrohu dhe apliko online në:
👩🏻‍💻 https://www.puna.gov.al

27/08/2026

🤝 Sot zhvilluam një takim me agjencitë private të punësimit për zbatimin e marrëveshjeve me Vietnamin 🇻🇳 dhe Indonezinë 🇮🇩.

Në fokus: rekrutimi i rregullt, transparent dhe i sigurt, në përputhje me legjislacionin shqiptar dhe të shteteve të origjinës.

Këto marrëveshje krijojnë një kuadër institucional për migracion të rregullt, të lidhur me nevojat e tregut të punës, me përfshirjen e institucioneve të shteteve të origjinës si garanci shtesë për procesin.

🔎 Më shumë informacion.
✅ Më shumë transparencë.
🤝 Më shumë siguri.

26/08/2026

🧑‍💻 Desari, nxënës i Arsimit Profesional📚, tregon pse Arsimi Profesional është zgjedhja e duhur për tu regjistruar në klasë të 10-të. 🚀.

😊 Mesazhi i tij për të rinjtë është i qartë: zgjidhni arsimin profesional, mësoni një profesion dhe ndërtoni të ardhmen tuaj 💪✨!

📚 Regjistrimet janë të hapura!
👉 Regjistrohu tani në e-Albania: https://e-albania.al/ServiceDetails/10058

24/08/2026

👩‍🍳 Regjistrimet në Arsimin Profesional janë hapur.

📚 Zgjidh mes 31 shkollave publike dhe 27 drejtimeve profesionale, ose mëso më shumë në https://aftesi.puna.gov.al

🧑‍💻 Regjistro fëmijën tënd në klasën e 10-të përmes e-Albania, në shërbimin “Regjistrimi në klasën e dhjetë, në shkollë të mesme profesionale”.

20/08/2026

🎓 Për Evisën, hapi i parë pas universitetit erdhi aty ku mund të vinte në praktikë njohuritë e fituara gjatë studimeve.

🤝 Sot, ajo po zhvillon një praktikë profesionale pranë një organizate që punon me fëmijë me aftësi të kufizuara, e mbështetur nga programet publike të nxitjes së punësimit. Çdo ditë, Evisa po fiton përvojë konkrete në fushën e saj dhe po njeh nga afër përgjegjësitë e profesionit që ka zgjedhur.

🇪🇺 Falë projektit , të zbatuar në partneritet me AKPA-në, Evisa u mbështet në orientimin drejt tregut të punës dhe në krijimin e mundësive për të hedhur hapat e parë profesionalë pas përfundimit të studimeve.

🌱 Një mundësi për të mësuar, për të fituar përvojë dhe, mbi të gjitha, për ta kthyer dijen e marrë gjatë studimeve në punë me ndikim të drejtpërdrejtë te të tjerët.

🔎 Edhe ti je në kërkim të një mundësie punësimi ose praktike profesionale?

📲 Regjistrohu nëpërmjet platformës e-Albania, në shërbimin “Aplikim për regjistrim si punëkërkues”, dhe përfito nga shërbimet dhe programet e mbështetjes për punësim të ofruara nga AKPA.

Projekti “Fuqizimi i Jetëve – Përfshirja në Tregun e Punës” është pjesë e projektit “BE për Përfshirjen në Tregun e Punës”, i financuar nga EU Delegation to Albania dhe i zbatuar nga United Nations Development Programme in Albania , Shërbimi Publik Suedez i Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive.

18/08/2026

Njihuni me Fiqireten! 🪡 Ish-përfituese e ndihmës ekonomike dhe përballë vështirësive financiare, sot ajo drejton biznesin e saj të veshjeve tradicionale në Kukës. 🧵

Me përkushtim, punë të palodhur dhe mbështetjen e ofruar, Fiqiretja arriti ta kthente pasionin dhe aftësitë e saj në një aktivitet që i siguron të ardhura të qëndrueshme dhe më shumë pavarësi ekonomike.

📲 Nëse jeni në kërkim të një pune, aplikoni përmes platformës e-Albania në shërbimin “Aplikim për regjistrim si punëkërkues”.

🇪🇺 Projekti “Fuqizimi i Jetëve – Përfshirja në Tregun e Punës”, i zbatuar nga Terre des hommes Albania në bashkitë Kukës, Krujë dhe Kurbin, është pjesë e projektit “BE për Përfshirjen në Tregun e Punës”.

Projekti financohet nga Bashkimi Evropian dhe zbatohet nga UNDP Albania, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara, në partneritet me Agjencinë Kombëtare të Punësimit dhe Aftësive.