Zjarrfikësit Tiranë

09/06/2026

🚒 Reagim i shpejtë i shërbimit zjarrfikës në zonën e Kodrës së Diellit.
Në një apartament në katin e 4-t, në ballkon u konstatuan flakë zjarri. Falë ndërhyrjes së menjëhershme të forcave zjarrfikëse, vatra e zjarrit u neutralizua në kohë, duke shmangur përhapjen dhe dëme më të mëdha materiale.
Në operacion mori pjesë Stacioni Zjarrfikës Qendror “21 Dhjetori”.
🚨 Kujdesi dhe reagimi i shpejtë mbeten faktorët kryesorë për garantimin e sigurisë së qytetarëve👏👏👏

07/06/2026

🚒 Ndërhyrje e shpejtë e forcave zjarrfikëse në zonën e Astirit
Sot, në një garazh në katin -1 në zonën e Astirit, u regjistrua një zjarr ku u dogj një skuter elektrik, një automjet pjesërisht, si dhe disa pajisje shtëpiake. Në vendngjarje ndërhynë menjëherë tre automjetet zjarrfikëse 75/1, 70/1 dhe 50/1, duke bërë të mundur izolimin dhe shuarjen e flakëve, si dhe parandalimin e përhapjes së zjarrit në ambiente të tjera.
Falë reagimit të shpejtë dhe profesional të efektivëve zjarrfikës, situata u vu nën kontroll dhe u shmangën dëme më të mëdha. 🚒

02/06/2026

02/06/2026

Mirënjohja më e bukur është buzëqeshja e fëmijëve 👧👦

Me ndjenjë të veçantë mirënjohjeje pranuam Certifikatën e Mirënjohjes nga Shkolla e Fëmijëve me Aftësi të Kufizuara “Zëra Jete”, në kuadër të aktivitetit “Bota në Ngjyrat e Fëmijëve”, organizuar me rastin e 1 Qershorit.
Për stafin e Zjarrfikësit Tiranë Tiranë ky vlerësim përfaqëson më shumë se një certifikatë; është dëshmi e rëndësisë që ka mbështetja dhe përkushtimi ndaj fëmijëve, veçanërisht atyre me aftësi të kufizuara, të cilët na frymëzojnë çdo ditë me forcën, guximin dhe buzëqeshjen e tyre.
Falënderojmë drejtuesit, mësuesit dhe nxënësit e shkollës “Zëra Jete” për këtë vlerësim dhe për mundësinë që të bëheshim pjesë e një dite të mbushur me gëzim, ngjyra dhe emocione të bukura. Do të vazhdojmë të jemi pranë komunitetit dhe fëmijëve tanë sa herë që do të kemi mundësi.

Çdo buzëqeshje e një fëmije është një mision i përmbushur. 🚒❤️

01/06/2026

Gëzuar 1 Qershorin të gjithë fëmijëve! 🎉👧👦
Sot, në sheshin Garibaldi, fëmijët e Njësisë Administrative Nr. 6 – Kombinat festuan Ditën Ndërkombëtare të Fëmijëve me buzëqeshje, gëzim dhe plot emocione. Ata patën mundësinë të njihen nga afër me punën e zjarrfikësve,të shohin mjetet zjarrfikëse,të mësojnë për sigurinë dhe të argëtohen duke luajtur me ekipet tona 👩‍🚒
Gëzimi dhe kureshtja në sytë e fëmijëve janë motivimi më i madh për të vazhduar misionin tonë në shërbim të komunitetit.

Urojmë që kjo ditë të mbetet një kujtim i bukur për të gjithë ata që morën pjesë.

Fëmijët janë e ardhmja jonë – le t’u dhurojmë gjithmonë siguri, dashuri dhe mundësi për të ëndërruar! ❤️🎈

29/05/2026

23/05/2026

Zjarrfikësit Tiranë TRT Balkan Albanian

Faleminderim dhe mirënjohje për TRT Balkan Albania për videon e realizuar mbi punën dhe përkushtimin e punonjësve të sallës 128 të Shërbimit Zjarrfikës, si dhe të gjithë zjarrfikësve që janë gjithmonë të gatshëm t’u përgjigjen thirrjeve emergjente dhe të shkojnë drejt vendngjarjes në shërbim të qytetarëve. 🚒🔥

Ky reportazh pasqyron sakrificën, përgjegjësinë dhe punën e palodhur që kryhet çdo ditë e natë për sigurinë e jetës dhe pronës së qytetarëve. Respekt për çdo operator të sallës operative dhe për çdo zjarrfikës që përballet me rrezikun me guxim dhe profesionalizëm.

Faleminderit për vlerësimin dhe për sjelljen në vëmendje të kësaj pune fisnike.