https://www.facebook.com/2052783921681935/

Qendra e Trajnimit të Administratës Tatimore dhe Doganore

Home
Albania
Tirana
Qendra e Trajnimit të Administratës Tatimore dhe Doganore

Contact information, map and directions, contact form, opening hours, services, ratings, photos, videos and announcements from Qendra e Trajnimit të Administratës Tatimore dhe Doganore, Government Organization, Tirana.

08/07/2026

Trajnim: Komunikimi Efektiv në Administratën Tatimore dhe Doganore

Punonjësit e Administratës Tatimore dhe Doganore morën pjesë në trajnimin “Komunikimi Efektiv në Administratën Tatimore dhe Doganore”, me fokus zhvillimin e aftësive të komunikimit profesional, dëgjimit aktiv, menaxhimit të situatave sfiduese dhe ndërtimit të marrëdhënieve të bazuara në besim me qytetarët dhe biznesin.

Trajnimi u zhvillua nga ekspertja e komunikimit Arlinda Çausholli, e cila ndau me pjesëmarrësit qasje praktike, ushtrime interaktive dhe mjete konkrete për përmirësimin e komunikimit në mjedisin institucional.

Faleminderit të gjithë pjesëmarrësve për angazhimin, energjinë pozitive dhe kontributin në diskutimet e hapura, që e bënë këtë trajnim një eksperiencë të vlefshme profesionale.

Komunikimi efektiv mbetet një nga aftësitë kyçe për ofrimin e shërbimeve cilësore dhe forcimin e besimit të publikut ndaj institucioneve.

06/02/2026

Qendra e Trajnimit të Administratës Tatimore dhe Doganore zhvilloi trajnimin për punonjësit e administratës tatimore mbi ndryshimet në legjislacionin tatimor- Paketa Fiskale 2026.

Trajnimi u realizua në një periudhë dyditore, gjatë së cilës trajnerët Z. Kliton Tati dhe Z. Arben Hasanaj trajtuan dhe sqaruan ndryshimet kryesore në ligjin për tatimin mbi të ardhurat, procesin e rivlerësimit të pasurisë, si dhe efektet që sjellin paqja fiskale dhe amnistia fiskale, me theks në përfitimet për tatimpaguesit dhe procedurat që duhet të ndiqen nga inspektorët tatimorë.

02/12/2025

📚Qendra e Trajnimit të Administratës Tatimore dhe Doganore, në bashkëpunim me Bashkinë Tiranë realizuan trajnimin 3 ditor për punonjësit e taksave vendore të bashkisë.

Trajnimi konsistoi në dhënien e informacioneve për inspektorët e taksave lokale mbi ligjin e procedurave, mbledhjen e borxhit dhe vlerësimin tatimor.

25/11/2025

📚Qendra e Trajnimit të Administratës Tatimore dhe Doganore, në bashkëpunim me projektin e financuar nga Qeveria Britanike (UC-SATA), organizoi trajnimin me temë "Barazia gjinore dhe dimensioni social në politikat e administratës publike-tatimore".

Trajnere nga projekti ishte znj. Nadia Rusi- pedagoge në fushën e drejtësisë.

📌Në fokus, përveç njohjes me situatën aktuale të barazisë në administratën shqiptare, ishte të mësuarit nga praktikat globale, zbatimi i "lentes gjinore", si edhe krijimi i hapave të mëtejshëm për veprim në kuadër të zhvillimit të barazisë gjinore në institucionet publike.

Pjesëmarrës në trajnim ishin punonjës të administratës tatimore dhe doganore.

21/11/2025

📑Qendra e Trajnimit të Administratës Tatimore dhe Doganore, në bashkëpunim me projektin e financuar nga Qeveria Britanike (UC-SATA), organizoi trajnimin e trajnerëve (Training of Trainers – ToT).
Pjesëmarrës ishin trajnerët e Qendrës: si ata të administratës tatimore, ashtu edhe ata të administratës doganore.

🇦🇱🤝🇽🇰 Gjithashtu në kuadër të bashkëpunimit me palën kosovare, na nderuan me prezencën e tyre edhe disa trajnerë të Administratës Tatimore të Kosovës, të cilët e bënë më interesant trajnimin duke ndarë me ne përvojat e tyre.

🏷Trajnimi pati për qëllim zhvillimin dhe certifikimin e trupës së trajnerëve, duke forcuar aftësitë e tyre për të projektuar, zhvilluar dhe vlerësuar trajnime efektive.

📌Në fokus ishte zhvillimi i aftësive të buta (soft skills) – si komunikimi, lehtësimi, puna në grup dhe dhënia e feedback-ut – të kombinuara me aftësi teknike në projektimin e trajnimeve, të nxënit tek të rriturit.

06/11/2025

Qendra e Trajnimit të Administratës Tatimore dhe Doganore realizoi trajnimin për TVSH ku u fokusi ishte në pjesën e transaksioneve të tatueshme dhe vendin e furnizimit të tyre. Trajnimi u zhvillua përgjatë dy ditëve në ambientet e Pallatit të Kongreseve dhe pjesëmarrës ishin inspektorë nga të gjitha degët rajonale tatimore.

30/10/2025

📌QTATD ka filluar zhvillimin e trajnimeve me punonjësit e rinj të administratës doganore për vitin 2025.
📝Pjesëmarrësit do të trajnohen në 15 tema të ndryshme, ku do të përfitojnë njohuri për të gjithë proceset e punës në administratën doganore.
📌Pjesëmarrës në trajnim janë punonjësit e rinj, nëpunësit civilë në periudhë prove dhe ata të sapo emëruar.

29/10/2025

Qendra e Trajnimit të Administratës Tatimore dhe Doganore realizoi trajnimin mbi ligjin për tatimin mbi të ardhurat për punonjësit e administratës tatimore. Trajnimi u zhvillua përgjatë dy ditëve në ambientet e Pallatit të Kongreseve dhe pjesëmarrës ishin inspektorë nga të gjitha degët tatimore. Seancat trajnuese u ndanë në tre pjesë kryesore: të ardhurat personale, tatimi mbi fitimin dhe tatimi në burim.

Address

Tirana

Website

facebook.com

Alerts

Be the first to know and let us send you an email when Qendra e Trajnimit të Administratës Tatimore dhe Doganore posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Tirana?