Autoriteti për Informim mbi Dokumentet e ish-Sigurimit të Shtetit 1944÷1991

  • Home
  • Albania
  • Tirana
  • Autoriteti për Informim mbi Dokumentet e ish-Sigurimit të Shtetit 1944÷1991

Autoriteti për Informim mbi Dokumentet e ish-Sigurimit të Shtetit 1944÷1991 Contact information, map and directions, contact form, opening hours, services, ratings, photos, videos and announcements from Autoriteti për Informim mbi Dokumentet e ish-Sigurimit të Shtetit 1944÷1991, Government Organization, Autoriteti për Informimin mbi Dokumentet e ish_Sigurimit të Shtetit/Njësia Administrative nr. 4, Rruga e Dibrës, Garnizoni “Skënderbej”, Tirana.

Në muajin prill të vitit 2015 u miratua në Kuvendin e Shqipërisë ligji “Për të drejtën e informimit për dokumentet e ish-Sigurimit të Shtetit të RPSSH”, lidhur me mbledhjen, administrimin, përpunimin, përdorimin dhe informimin mbi dokumentet të ish-Sigurimit të Shtetit në periudhën 1944-1991. Më 17.11. 2016 dhe 24.11.2016, Kuvendi i Shqipërisë votoi edhe pesë anëtarët e Autoritetit për Informimin

mbi Dosjet e Ish-Sigurimit të Shtetit si edhe kryetaren e këtij Autoriteti, duke i hapur kështu udhën fillimit të punës për ngritjen dhe funksionimin e këtij institucioni të rëndësishëm për informimin e qytetarëve dhe përballjen me të kaluarën e tyre gjatë regjimit totalitar në Shqipëri.

28/05/2026

Kjo zonje ështe Ortenca Kaimi mbesa e Njazi Pilkut zhdukur nga janari i vitit 1945. Ai u arrestua më 24 dhjetor të vitit 1944, me akuzën për sabotim, agjitacion dhe propagandë. Me vendim gjykate, ai u pushkatua më 9 janar 1945.

Deri më sot, familja nuk ka asnjë informacion se ku mund të gjenden eshtrat e tij. Familjarët dyshojnë se ai mund të jetë pushkatuar në Sauk të Tiranës, ndërsa një burim tjetër alternativ thotë se ekzekutimi mund të ketë ndodhur buzë Lumit të Tiranës.

Autoriteti për Informimin mbi Dokumentet e ish-Sigurimit të Shtetit mbetet maksimalisht i përkushtuar në ndihmë të familjeve për zbardhjen e fatit të të zhdukurve dhe ruajtjen e kujtesës historike.

Ftojmë të gjithë qytetarët që mund të kenë dijeni, informacion apo dëshmi lidhur me rastin e Njazi Pilkut, apo për çdo rast tjetër që figuron i zhdukur gjatë regjimit komunist, të kontaktojnë pranë Autoritetit. Çdo informacion, sado i vogël, mund të ndihmojë në zbardhjen e së vërtetës.

Gentiana Mara Sula Gentiana Sula Faqja Zyrtare
Prononcimi u mor nga Bukurie Sokoli
punoi Petriti

Mësim dhe kërkim në arkivin e AIDSSH me studentët e letersisë të Fakultetit të Historisë dhe FilologjisëTiranë, maj 2026...
28/05/2026

Mësim dhe kërkim në arkivin e AIDSSH me studentët e letersisë të Fakultetit të Historisë dhe Filologjisë

Tiranë, maj 2026 – Autoriteti për Informimin mbi Dokumentet e ish-Sigurimit të Shtetit mirëpriti në ambientet e institucionit një grup prej 30 studentësh të programeve Master Shkencor dhe Master Profesional të Fakultetit të Historisë dhe Filologjisë, departamenti i letërsisë të udhëhequr nga Prof. Asoc. Dr. Viola Isufaj dhe Prof. Asoc. Dr. Lili Sula.

Vizita studimore u zhvillua si një përvojë e drejtpërdrejtë mësimore dhe profesionale, me qëllim mbështetjen e procesit akademik, kërkimor dhe shkencor të studentëve. Gjatë aktivitetit, studentët patën mundësinë të njihen nga afër me përdorimin e materialeve arkivore dhe burimeve primare kërkimore, të cilat mund t’u shërbejnë në përgatitjen e punimeve, projekteve dhe studimeve shkencore.

Kryetarja e AIDSSH-së, Dr. Gentiana Sula u ndal te rëndësia e trashëgimisë dokumentare dhe roli i dokumentacionit arkivor në ruajtjen e kujtesës historike, edukimin qytetar dhe kërkimin shkencor.

Biseda vijoi me fokus te shkrimtarët, përkthyesit dhe intelektualët disidentë që përjetuan përndjekjen politike gjatë regjimit komunist. U nënvizua se arkivat e AIDSSH-së përmbajnë dokumente me vlerë për kërkime shkencore, analiza historike dhe studime akademike mbi fatet njerëzore, censurën ideologjike dhe mekanizmat e kontrollit të kohës.

Në këtë kuadër, u theksua se studentët e programeve Master, përmes punimeve të tyre shkencore dhe kërkimeve të zhvilluara nën drejtimin e pedagogëve, janë të ftuar të sjellin studime të reja të mbështetura në dokumentet e Ish -Sigurimit të Shtetit mbi figura të shkrimtarëve disidentë, intelektualëve të censuruar dhe personave të përndjekur nga regjimi komunist, duke kontribuar në pasurimin e kujtesës historike dhe të studimeve bashkëkohore.

Vizita u mbyll në arkivin e institucionit, ku studentët u njohën nga afër me mënyrën e organizimit dhe administrimit të fondeve arkivore. Specialistët e AIDSSH-së prezantuan disa dosje konkrete, si shembuj ilustrues të procesit të klasifikimit, ruajtjes dhe përdorimit të dokumentacionit në kërkimin shkencor.
Gentiana Mara Sula Gentiana Sula Faqja Zyrtare Lili Sula Isufaj Ornela Elezi Migena Demirxhi Edlir Orhani Çerraga Elton Kryemadhi
Gripshti Betim Gjaci
Foto Dorian Zanaliu

Kryetarja e AIDSSH, Dr. Gentiana Sula: Ja propozimet tona për rishikimin e skemës së dëmshpërblimit të ish-të përndjekur...
28/05/2026

Kryetarja e AIDSSH, Dr. Gentiana Sula: Ja propozimet tona për rishikimin e skemës së dëmshpërblimit të ish-të përndjekurve politikë

“Përballja me të kaluarën nuk mund të mbetet vetëm në nivel simbolik. Vetë Kuvendi i Shqipërisë, përmes rezolutave dhe ligjeve të miratuara ndër vite, ka përcaktuar se dëmshpërblimi i ish-të përndjekurve politikë është një detyrim moral dhe shtetëror për rikthimin e dinjitetit të viktimave të regjimit komunist.
Megjithatë, puna e përditshme në Autoritetin për Informim mbi Dokumentet e ish-Sigurimit të Shtetit 1944–1991 na përball vazhdimisht me vështirësi në zbatimin praktik të disa prej parimeve europiane dhe kushtetuese që lidhen me drejtësinë dhe trajtimin e viktimave të regjimit.

Vlerësoj organizimin e Forumit nga OSCE Presence in Albania, si dhe kontributin e studiuesve, institucioneve dhe të rinjve në diskutimin mbi sfidat e procesit të dëmshpërblimit.

Prej kohësh, Autoriteti ka propozuar në mënyrë të përsëritur nevojën për rishikimin e skemës aktuale të dëmshpërblimit, në mënyrë që ajo të jetë më e drejtë, më gjithëpërfshirëse dhe më njerëzore.

Ndër propozimet kryesore që kemi paraqitur janë:
▪️ kapërcimi i barrierës së afatit për dorëzimin e dokumentacionit nga familjet dhe të mbijetuarit;
▪️ rishikimi i kërkesave për dokumentimin e internimit në kampet me tela me gjemba, si Tepelena, Porto Palermo, Valiasi, Kamza, Berati etj., ku në shumë raste mungojnë dokumente të plota arkivore;
▪️ ripërcaktimi i statusit “i përndjekur politik”, duke përfshirë edhe fëmijët e moshës 0–15 vjeç në kohën e internimit familjar, të cilët sot mbeten jashtë skemës së njohjes dhe pensioneve;
▪️ rishikimi i tavanit të dëmshpërblimit për të ekzekutuarit dhe viktimat e vrara nga regjimi, për të cilët aktualisht parashikohet një dëmshpërblim i barabartë me vetëm 8 vite burgim, ndërkohë që për qindra prej tyre ende nuk dihet vendi i varrimit;
▪️ përcaktimi i pensioneve fikse për ish-të dënuarit politikë që u përfshinë nën kërcënimin e armëve në punë të detyruar dhe të papaguar gjatë regjimit komunist.
Një shoqëri demokratike nuk mund të ndërtojë të ardhmen pa adresuar me drejtësi plagët e së shkuarës.”
Gentiana Mara Sula Gentiana Sula Faqja Zyrtare

Dëmshpërblimi nuk është thjesht një procedurë ligjore, por një akt moral dhe shoqëror për të njohur padrejtësitë e së ka...
28/05/2026

Dëmshpërblimi nuk është thjesht një procedurë ligjore, por një akt moral dhe shoqëror për të njohur padrejtësitë e së kaluarës dhe për t’u rikthyer dinjitetin viktimave të regjimit komunist.

Hafiz Ali Korça“Ajeti i parë që zbritikëndim e shkrim porositi.Prej djepit e gjer te varrimësoni — na tha Profeti.”— Haf...
27/05/2026

Hafiz Ali Korça
“Ajeti i parë që zbriti
këndim e shkrim porositi.
Prej djepit e gjer te varri
mësoni — na tha Profeti.”
— Hafiz Ali Korça, “Shtatë ëndrrat e Shqipërisë”, 1923. (Ribotuar ne 1994 dhe 2006).

Në këtë Bajram, kujtojmë dijetarin dhe mësuesin Hafiz Ali Korça, i cili besonte se dija dhe besimi janë rruga që e bëjnë njeriun më të lirë.

I lindur më 5 prill 1873 në Korçë, Hafiz Ali Korça ishte një nga figurat më të ndritura të arsimit, kulturës dhe mendimit shqiptar. Mbrojtës i gjuhës shqipe dhe alfabetit latin, ai kontribuoi në Kongresin e Elbasanit dhe Kongresin e Dibrës për përhapjen e dijes dhe shkollës shqipe.

Pas ardhjes së komunizmit, u arrestua, u burgos dhe u internua në Kavajë, ku ndërroi jetë më 31 dhjetor 1957. Persekutimi vazhdoi edhe mbi familjen e tij: një nga djemtë u pushkatua, ndërsa tjetri u dënua me burg dhe përndjekje.
Dokumentet e ish-Sigurimit të Shtetit tregojnë se dosja e Hafiz Ali Korçës mbeti aktive deri në vitin 1980, edhe pse ai kishte vdekur prej më shumë se dy dekadash, një dëshmi e frikës që regjimi kishte ndaj dijes dhe mendimit të lirë.

Në këtë festë të Bajramit, kujtojmë Hafiz Ali Korçën si simbol të dijes, moralit dhe qëndresës njerëzore.

Gëzuar Bajramin! Paqe dhe mirësi në çdo familje.


Gentiana Mara Sula Gentiana Sula Faqja Zyrtare

Përfaqësues të Autoritetit për Informimin mbi Dokumentet e ish-Sigurimit të Shtetit morën pjesë në tryezën e organizuar ...
26/05/2026

Përfaqësues të Autoritetit për Informimin mbi Dokumentet e ish-Sigurimit të Shtetit morën pjesë në tryezën e organizuar nga Presenca e OSCE Presence in Albania, ku u trajtua tema “Kompensimi i të Përndjekurve Politikë”, një analizë historike, juridike dhe sociale mbi rëndësinë e njohjes së vuajtjeve dhe rikthimit të dinjitetit për viktimat e regjimit komunist.

Kreu i Prezencës së OSBE, Michel Tarran theksoi se drejtësia tranzicionale mbetet një element thelbësor për ndërtimin e një shoqërie demokratike, duke nënvizuar rëndësinë e njohjes së vuajtjeve të viktimave të regjimit komunist, respektimit të të drejtave të njeriut dhe mbështetjes institucionale për ish-të përndjekurit politikë dhe familjet e tyre.

Në diskutim morën pjesë anëtari i AIDSSH, Gjergj Marku dhe Drejtori i Përgjithshëm i Trajtimit të Kërkesave Selami Zalli, të cilët ndalën te përpjekjet e Autoritetit për dokumentimin e përndjekjes politike në shërbim të transmetimit dhe ruajtjes së kujtesës historike, kërkesave të vazhdueshme të ish-të përndjekurve dhe familjarëve të tyre për njohjen e së vërtetës, hapjen e dokumenteve dhe rikthimin e dinjitetit të mohuar për dekada.
Gjergj Marku Selami Zalli

AIDSSH në “Ditët të Historisë” në Universitetin e PrishtinësAutoriteti për Informimin mbi Dokumentet e ish-Sigurimit të ...
26/05/2026

AIDSSH në “Ditët të Historisë” në Universitetin e Prishtinës

Autoriteti për Informimin mbi Dokumentet e ish-Sigurimit të Shtetit u bë për një ditë pjese e programit “Ditët e Historisë”, të organizuara nga Departamenti i Historisë në Fakultetin e Historisë dhe Filozofisë, në Universitetin e Prishtinës.

Në këtë aktivitet, Drejtori i Përgjithshëm i Kërkesave në AIDSSH, Selami Zalli mbajti leksionin me temë “Procedurat e hulumtimit në Arkivin e Autoritetit për Informim mbi Dokumentet e Ish-Sigurimit të Shtetit në RPSSH”, duke prezantuar misionin, funksionin dhe veprimtarinë e Autoritetit në raport me kërkimin shkencor dhe transparencën historike.
Në fokus të ligjëratës ishte rëndësia e dokumenteve arkivore në rishikimin objektiv të historisë, roli i AIDSSH-së në administrimin e dokumenteve të ish-Sigurimit të Shtetit, si dhe mundësitë që ofron institucioni për studiuesit dhe kërkuesit shkencorë.
Gjatë prezantimit u theksua se arkivat dhe dokumentet zyrtare mbeten një bazë e rëndësishme për të kuptuar periudhat diktatoriale, për të verifikuar ngjarjet historike dhe për të shmangur interpretimet e njëanshme apo narrative propagandistike.
Aktiviteti u ndoq me interes nga studentë dhe pedagogë të Universitetit të Prishtinës, ndërsa diskutimet dhe pyetjet e hapura krijuan një atmosferë aktive reflektimi mbi kujtesën historike, dokumentimin dhe rëndësinë e bashkëpunimit akademik ndërinstitucional.

25/05/2026

Ne një rrëfim emocional në një reality show, Mimoza Ahmeti, shkrimtare dhe poete ka hedhur dritë mbi takimin traumatik me dajën e saj pas daljes nga burgu, Hasan Plasa, si edhe mbi figurën e xhaxhait të saj, Sadri Ahmeti.

Per dajën dimë pak, zgjodhëm të fisnim për xhaxhain e saj i cili ka vujtuar ne burgun e Spaçit me rastin e 53 vjetorit të Revoltës së të burgosurve politikë në këtë kamp.

Sadri Ahmeti, piktor, poet dhe një nga akuarelistët më të vlerësuar shqiptarë, u arrestua si student në Akademinë e Arteve dhe u dënua me burg e internim, nga minierat e Spaçit deri në kantieret e Elbasanit. Mik i afërt i Bilal Xhaferri, ai njihej për guximin e fjalës dhe shpirtin e lirë në një kohë kur arti dhe mendimi ndëshkoheshin.

Historitë e persekutimit dhe plagët e heshtura të familjeve shqiptare po bëhen gjithnjë e më shumë pjesë e formateve publike dhe ekranit. Ato vijnë jo vetëm si rrëfime personale, por edhe si dëshmi se shoqëria nuk harron.
Përmes zërave të figurave publike, kujtesa rikthen në vëmendje plagë të padukshme për dekada që ende shqetësojnë.

Çdo dëshmi, dokument, fotografi apo kujtim mbi Spaçin dhe të përndjekurit politikë mbetet një kontribut i çmuar për të vërtetën historike. Ndaj ftojme familjarë, ish të dënuar, studiues dhe qytetarë të kontribuojnë me dëshmi dhe materiale që ndihmojnë dokumentimin e kujtesës së Spaçit dhe historive që nuk duhet të harrohen. /md/

Gentiana Mara Sula **c

Dr.Gentiana Sula, kryetare e AIDSSH, mori pjesë krah Ambasadorit të BE-së në Shqipëri, Silvio Gonzato, përfaqësuesve të ...
25/05/2026

Dr.Gentiana Sula, kryetare e AIDSSH, mori pjesë krah Ambasadorit të BE-së në Shqipëri, Silvio Gonzato, përfaqësuesve të pushtetit vendor, ish-të përndjekurve politikë dhe familjarëve të viktimave të diktaturës komuniste, në aktivitetin përkujtimor të 53-vjetorit të Revoltës së Spaçit, të zhvilluar në ish-burgun e Spaçit.

Në fjalën e saj, Kryetarja e Autoriteti për Informimin mbi Dokumentet e ish-Sigurimit të Shtetit theksoi se Revolta e Spaçit dëshmon ekzistencën e mendimit disident dhe të qëndresës politike në Shqipërinë komuniste.

“Duke lexuar dosjet dhe faktet për Revoltën e Spaçit, aty gjejmë thirrjen ‘E duam Shqipërinë si gjithë Europa’, si edhe kërkesën për liri dhe demokraci”, u shpreh Dr. Sula.

Ajo bëri të ditur se Autoriteti vijon punën për dokumentimin e historisë së Spaçit, me mbi 2200 të dënuar të identifikuar, dëshmi të mbledhura dhe dokumente arkivore të publikuara në platformën digjitale s**c.al.

Ambasadori Gonzato theksoi rëndësinë e ruajtjes së kujtesës historike dhe nevojën për zbardhjen e krimeve të komunizmit, ndërsa pjesëmarrësit kërkuan më shumë angazhim institucional për kthimin e Spaçit në një vend kujtese dhe edukimi për brezat e rinj.

Në aktivitet folën gjithashtu Kryetari i Bashkisë Mirditë, Albert Mëlyshi, zv.ministrja e Arsimit, Lira P**a, si edhe drejtuesi i Shoqatës së Ish të Përndjekurve Politikë Antikomunistë, Ethem Fejzollari.

Gjatë aktivitetit u fol edhe për kërkimet për gjetjen e eshtrave të katër heronjve të Revoltës së Spaçit dhe për vijimin e proceseve të drejtësisë dhe kujtesës historike në Shqipëri.
Gentiana Mara Sula Gentiana Sula Faqja Zyrtare

25/05/2026

Ky është rrëfimi i Luljeta Kurtit.
Ajo ishte vetëm 6 vjeç kur u internua bashkë me motrat dhe vëllezërit e saj në Kadipashaj të Lushnjës. Fëmijëria e saj nuk njohu lodra, qetësi apo siguri, por frikën, përjashtimin dhe mbijetesën në internim.
“Na morën nga Vlora dhe na internuan në Kadipashaj të Lushnjës. Ishim vetëm katër familje që jetonim aty…”
Në këtë dëshmi prekëse, Luljeta Kurti rrëfen jetën e një familjeje të dënuar për shkak të biografisë. Ajo kujton vitet e internimit, kohën kur familja jetonte e izoluar pranë një kishe të vjetër në Kadipashaj të Lushnjës, larg vendlindjes dhe nën frikën e përhershme të regjimit.
Shkollën fillore e nisi në internim. Më vonë, edhe kur familja tentoi të rindërtonte jetën, persekutimi nuk u ndal. Ajo kujton momentin kur në vitin 1979 tentuan t’i nxirrnin me forcë nga banesa, duke ua lënë plaçkat jashtë. “Edhe sot më dridhet zëri kur e kujtoj”, thotë ajo.
Kalvari i familjes Kurti lidhet me pushkatimin e njerëzve të tyre dhe sekuestrimin e pasurisë. Sipas saj, familja u godit për t’u marrë tokat dhe prona, ndërsa stigma e “armikut” i ndoqi për gjithë jetën.
Dosja e gjysh*t të saj, Veiz Kurti, ndodhet në arkivën e AIDSSH-së, Fondi nr.1 Hetimor-Gjyqësor, Dosje nr.1688. Dokumentet arkivore tregojnë se ai u dënua me vdekje në grup, në procesin ku të akuzuarit cilësoheshin si “kulakët e Lushnjës”.
Sipas akt-akuzës së kohës, grupi akuzohej për shpërndarje materialesh propagandistike të hedhura nga avionë amerikanë dhe anglezë. Vendimet e regjimit përfunduan me pushkatime, varje dhe burgime të rënda.
Dragush Kurti, nipi i Veiz Kurtit, ka dëshmuar gjatë plotësimit të dokumentacionit se, sipas rrëfimeve familjare, në ditën e ekzekutimit të gjysh*t të tij dhe të dënuarve të tjerë, në kooperativën e fshatit ishte festuar mbi trupat e viktimave.
Edhe pas internimit, përjashtimi vazhdoi. Kur Luljeta u martua dhe shkoi në Tiranë, asaj ende nuk i jepnin “triskat e frontit”. Në mbledhje dhe aktivitete ndihej e paragjykuar vetëm për shkak të prejardhjes së saj.
Nga kjo familje rezultojnë ende të zhdukur:
Veis Kurti, Taip Kurti, Myfit Kurti dhe Bynjami Kurti.
“Ne jetuam me frikë, me heshtje dhe me një dhimbje që nuk largohej kurrë… Kam shumë kujtime të dhimbshme, kujtime që nuk duhet t’i kalojë më asnjë shqiptar.”
Gentiana Sula Faqja Zyrtare Gentiana Mara Sula

✍️Migena Demirxhi

Address

Autoriteti Për Informimin Mbi Dokumentet E Ish_Sigurimit Të Shtetit/Njësia Administrative Nr. 4, Rruga E Dibrës, Garnizoni “Skënderbej”
Tirana

Opening Hours

Monday 08:00 - 16:00
Tuesday 08:00 - 16:30
Wednesday 08:00 - 16:30
Thursday 08:00 - 16:30
Friday 08:00 - 14:00

Telephone

+35542210424

Website

Alerts

Be the first to know and let us send you an email when Autoriteti për Informim mbi Dokumentet e ish-Sigurimit të Shtetit 1944÷1991 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Autoriteti për Informim mbi Dokumentet e ish-Sigurimit të Shtetit 1944÷1991:

Shortcuts

Share

Category