26/05/2026
E kishim paralajmëruar tek ATA THYHEN!
Rilindja e Edi Ramës ka krijuar prej vitesh një mekanizëm të rrezikshëm: përgjegjësia mbetet individuale vetëm në letër, ndërsa përfitimi politik mbetet kolektiv dhe partiak.
Pikërisht këtë kemi paralajmëruar tek manuali ‘Ne mundim: Ata Thyhen’, në kapitullin “Përgjegjësia është personale”, ku kemi argumentuar se Edi Rama dhe Partia Socialiste e përdorin individin si mburojë të përkohshme për të shpëtuar strukturën politike që ka përfituar prej tij.
Kur zyrtari bie, partia nuk bie bashkë me të. Përkundrazi, ajo ruan mandatin, pushtetin dhe përfitimin politik, ndërsa fajin ia faturon vetëm individit. Aq më pak lideri dhe arkitekti i këtij sistemi.
Rasti i Jurgis Çyrbja është ilustrimi më i qartë i kësaj logjike.
Një mandat që sipas vetë akuzave u sigurua përmes krimit dhe blerjes së votës, nuk u kthye tek qytetarët, por mbeti në duart e së njëjtës forcë politike që përfitoi prej tij dhe votave të siguruara nga makineria që i qëndronte pas.
Sot, në vend të distancimit moral e politik, kemi një dekorim të heshtur të kësaj kulture pandëshkueshmërie. Dekorimi i Çyrbjes është konfirmimi i këtij realiteti që ne përshkruajmë në këtë kapitull.
Citimi i argumentit në manualin ‘Ne mundim: Ata Thyhen’:
“Përgjegjësia është individuale”/Argumenti 2
Përgjegjësia nuk mund të jetë individuale, ndërsa pozicioni politik vazhdon.
Së pari, deputetët, ish-ministrat, ministrat dhe të tjerë zyrtarë të lartë, kur bien në duart e drejtësisë duke u larguar nga funksioni i tyre politik, ata zëvendësohen. Më së shumti në rastin e deputetëve, individi largohet, ndërsa mandati i deputetit mbetet, duke u pasuar tek pasardhësi në listën e partisë për atë qark (ose zonë, qytet, etj). Kjo është një tjetër arsye thelbësore përse përgjegjësia nuk mund të jetë personale ndërsa individi i inkriminuar përfaqëson një detyrë politike, e cila pasohet tek kolegu/bashkëpunëtori i tij.
Së dyti, përdorimi i lidhjeve të krimit për përfitimin e drejtpërdrejtë të funksionit të deputetit, në disa raste (rasti i deputetit Çyrbja) i kanë mundësuar marrjen e pozicionit politik dhe statusit të deputetit. Për rrjedhojë, përgjegjësia për një vepër penale, e cila ka shërbyer si garantuese e promovimit në partinë politike të të akuzuarit, ka peshë të mirëfilltë politike.”
Manuali i plotë :
https://braingain.pd.al/sq/ata-thyhen/
Departamenti Brain Gain 🧠💡
