TePerndjekurit.al

22/04/2026

https://www.youtube.com/watch?v=82EhaZTt8iM

“E shkuara për të ardhmen”, nisma që sjell kujtesën historike pranë të rinjve

20/04/2026

Të premten, më datë 17 prill 2026, në ambientet e Hotel Skampa në Elbasan, u zhvillua aktiviteti edukativ në kuadër të projektit “E Shkuara për të Ardhmen”.

Në këtë aktivitet morën pjesë nxënës të shkollave të mesme të qytetit të Elbasanit, të cilët u angazhuan aktivisht me prezantime kreative mbi rëndësinë e kujtesës historike dhe vlerave të lirisë.

Programi i aktivitetit përfshiu:
🎬 Shfaqjen e një mini-dokumentari me fokus sistemin legjislativ në periudhën e diktaturës komuniste, si dhe histori e përvoja njerëzore nga ajo periudhë.
🗣️ Fjalën e ekspertes së kujtesës historike mbi rëndësinë e transmetimit të kujtesës historike tek brezat e rinj
📖 Dëshmi personale nga përfaqësuese e komunitetit të ish-të përndjekurve politik
🎨 Prezantimin dhe ekspozimin e punimeve kreative të nxënësve me temë “Kujtesa Historike dhe Vlerat e Lirisë”

Një moment i veçantë ishte promovimi i punimeve kreative të nxënësve, ato u vlerësuan me çmime dhe punimet më të mira u prezantuan përpara pjesëmarrësve me idetë dhe mesazhet e tyre, duke dëshmuar nivel të lartë përkushtimi dhe ndjeshmëri ndaj kujtesës dhe vlerës së lirisë.

Ky aktivitet dëshmoi edhe një herë rëndësinë e edukimit të brezit të ri mbi të shkuarën, të drejtat e njeriut dhe vlerat demokratike, si dhe rolin e kujtesës historike në ndërtimin e një shoqërie më të drejtë dhe më të ndërgjegjshme.

🙏 Falenderojmë nxënësit, mësuesit, stafet pedagogjike, Zyrën Arsimore Vendore të Elbasanit, Institutin e Integrimit të ish të Përnjdkeurve Politik, për kontributin dhe bashkëpunimin në realizimin e këtij aktiviteti.

01/03/2026

📍 Pogradec | Projekti “E Shkuara për të Ardhmen”

Organizata TEPERNDJEKURIT.AL, me mbështetjen e Institutit të Integrimit të ish-të Përndjekurve Politikë, zhvilloi një aktivitet edukativ në Pogradec me nxënësit e gjimnazit “Gjergj Pekmezi”, stafin drejtues të shkollës dhe ish-të përndjekur politikë.

Aktiviteti nisi me një vizitë në kompleksin rezidencial të vilave të ish-udhëheqjes komuniste, ku nxënësit u njohën nga afër me privilegjet e elitës së sistemit, në kontrast me jetën në kushte të vështira të qytetarëve gjatë diktaturës.

Më pas, në ambientet e Hotel Enkelana, u zhvillua një diskutim i hapur dhe u shfaq një dokumentar i shkurtër mbi persekucionin gjatë regjimit komunist.

🗣️ Diskutimi theksoi rëndësinë e kujtesës historike, respektimit të të drejtave të njeriut dhe forcimit të kulturës demokratike tek brezi i ri.

Ky aktivitet përbën një hap konkret në edukimin qytetar të të rinjve dhe në nderimin e historisë së atyre që përjetuan persekutimin politik.

27/02/2026

Projekti "Past for the Future"
📍Pogradec
Kronika e Televisionit SOT7

21/02/2026

LIRI ✌️ DEMOKRACI

21/02/2026

📢 U zhvillua konferenca mbi drejtësinë tranzitore në Shqipëri, “Nga Diktatura në Sundimin e Ligjit”, organizuar nga TEPERNDJEKURIT.AL me mbështetjen e Institutit të Integrimit të ish të Përndjekurve Politik.
📍 Europe House, Tiranë | 📅 19 Shkurt 2026

Përmes diskutimeve tematike dhe një dokumentari të shkurtër, aktiviteti solli reflektim mbi sistemin e drejtësisë gjatë regjimit komunist dhe sfidat e ndërtimit të shtetit të së drejtës sot. Gjithashtu u theksua edhe simbolika e datës 19 shkurt në kontekstin e përndjekjes politike në Shqipëri.

🎓 Prof. Asoc. Dr. Enriketa Papa, historiane, trajtoi kontekstin e gjykimeve politike dhe funksionimin e sistemit të drejtësisë në diktaturë.
⚖️ Znj. Erjola Likaj, konsulente ligjore nga Prezenca e OSBE-së në Shqipëri, prezantoi rolin e mekanizmave ndërkombëtarë në proceset e drejtësisë tranzitore.
🕊️ Znj. Alma Liço, shkrimtare, ish e përndjekur politike, anëtare e bordit të ISKK-së dhe zë i kujtesës historike, ndau dëshminë e saj personale mbi përndjekjen dhe reflektimin mbi drejtësinë sot.

Diskutimi i hapur me pjesëmarrësit theksoi rëndësinë e kujtesës historike dhe të drejtave të njeriut për forcimin e demokracisë.

🙏 Faleminderit të gjithë pjesëmarrësve dhe partnerëve për angazhimin.

31/12/2025

Gëzuar 2026!

23/12/2025

Dje u zhvillua takimi kulturor dhe letrar kushtuar Uran Kostrecit, i organizuar nga TePerndjekurit.al, me mbështetjen e Institutit të Integrimit të ish-të Përndjekurve Politik.

Takimi bëri bashkë miq, dashamirës, përfaqësues institucionesh të lidhura me çështjen e të përndjekurve politik, shoqata, ish-të përndjekur dhe të burgosur të regjimit komunist, politikan, si dhe një përfaqësuese të Misionit të OSBE-së në Shqipëri, duke krijuar një hapësirë reflektimi dhe vlerësimi për një figurë që mishëron lirinë e mendimit dhe qëndresën morale.

Gjatë zhvillimit të tij u shfaq një mini-dokumentar me përmbledhje nga jeta dhe veprimtaria e Uran Kostrecit, recitime vargjesh nga krijimtaria letrare, si dhe u ndanë thënie dhe fragmente nga daljet mediatike, që pasqyrojnë qartë mendimin dhe qëndrimin intelektual të autorit. Një moment i veçantë ishte edhe video-mesazhi i dërguar nga dy mbesat e z. Kostreci, të cilat, nga Shtetet e Bashkuara të Amerikës, ndanë kujtime dhe vlerësime për figurën e tij, si një shembull frymëzimi për këdo që e ka njohur apo ka lexuar veprat e tij.

Në kuadër të takimit u shpërndanë gjithashtu kopje të librit “Pabesia”, ndërsa u theksua se njohja dhe vlerësimi i figurave si Uran Kostreci nuk përbën thjesht një akt kujtese, por një domosdoshmëri për ndërtimin e një shoqërie më të vetëdijshme, më të drejtë dhe më të përgjegjshme ndaj së shkuarës, në mënyrë që gabime të tilla, si instalimi i një sistemi shtypës e diktatorial në vendin tonë, të mos përsëriten më kurrë në të ardhmen.

Falënderim për të gjithë pjesëmarrësit në këtë takim me vlerë për kujtesën historike dhe lirinë.

21/12/2025

Ramiz Alia në vitin 1990 duke folur për besimin fetar. Ky ishte niveli intelektual i mjerueshëm i drejtueve komunist dhe kjo ishte urrejtja që kishin ndaj besimit në Zot.

16/12/2025

Zërat e Lirisë - I ftuar z. Zenel Drangu (Intervista e Plotë)

Ju ftojmë ta ndiqni.

Zerat e Lirise - I ftuar z. Zenel DranguEmision i dedikuar pë personat që dëshmojnë në vetë të parë sa kushtonte të ishe i lirë në mendime dhe qëndrime në k...