Artdheu

01/06/2025

𝗕𝗼𝗿𝗴𝗲𝘀: 𝗘 𝗸𝗮𝗺 𝗯𝗮̂ 𝗻𝗷𝗶 𝗽𝗿𝗲𝗷 𝗺𝗲̈𝗸𝗮𝘁𝗲𝘃𝗲 𝗺𝗮 𝘁’𝗺𝗲̈𝗱𝗵𝗮, 𝘀'𝗸𝗮𝗺 𝗾𝗲𝗻𝗲̈ 𝗶 𝗹𝘂𝗺𝘁𝘂𝗻!

E kam bâ nji prej mëkateve ma t’mëdha
që nji njeri mundet me bâ: s’kam qenë
i lumtun. Akullnajat e harresës m’gjejnë,
m’zvarrisin e pamëshirshëm m’lânë me ra.

Prindët m’lindën që ta lu’j
nji lojë t’rrezikshme e t’bukur në kët’ botë,
për tokë, ajër, zjarm e ujë.
I mashtrova. S’qeshë i lumtun. Qe e kotë

dëshira e tyne e rinisë. Trunin tim
ia fala me vullnet e kâmbëngulje
simetrive t’artit gjithë lajlelule.

Ata m’lanë trashëgim vlerat. Unë s’kam qenë trim.
Nuk më braktis kurrë, gjithmonë më rri pran’
hija e të qenit nji mjeran.

𝗣𝗲̈𝗿𝗸𝘁𝗵𝗲𝘂: 𝗢𝗿𝗷𝗲𝗹𝗮 𝗦𝘁𝗮𝗳𝗮𝘀𝗮𝗻𝗶

04/03/2025

Shakaja është maskimi i para parafundit. Maskimi i parafundit është sentimentalizmi. Atoqë tregon Zepi ynë: fëmijëria me qymyrxhinjtë në pyll, jetimorja, cirku e me radhë. Por maskimi më i mirë e më i sigurt (më duket mua) është gjithnjë e vërteta. Shumë komike. Atë nuk ta beson njeri.

Max Frisch- BIDERMANI DHE ZJARRËVËNËSIT!

02/08/2024

***
Të kundrosh qiellin
dhe të bindesh se u ngjan reve;
je dhe s’je njëherësh.
Të vështrosh një grua që nde çarçafë të larë
dhe mendon për mëkatet e pakryera.
Të shkelësh barin e tharë
dhe të përkujtosh ëndrrat e pambira!
Të sodisësh perëndimin
dhe të mallëngjehesh për agimet e humbura!
Të imitosh një fill të zgjatur, sterr të zi,
që përçon mijëra kilovat dritë.
Të vraposh pas xixëllonjave nën hënë
dhe të kuptosh se jeta nuk është asgjë më shumë se një ndezje-fikje në mes te errësirës!
Të hetosh një pendë për të gjetur brenda saj sekretet e fluturimit
dhe të kujtohesh se të parët e përdornin për të shkruar.
Të mburresh me plagët si dëshmi e përpjekjeve.
Të xhelozosh një pemë të thatë që vdekja ia ka mbushur krahët me zogj.
Të urresh padrejtësinë që i bëjnë gurit duke e krahasuar me zemrën.
Të dashurosh nga e gjithë bukuria që lulja nxjerr nga plehu.
Të dëgjosh bretkosat pranë një pellgu, në muzg,
dhe të kujtosh rrëfenjat e fëmijërisë.
Të dashurosh pa asnjë shkak,
i bindur se mungesa e shkakut është kushti i vetëm i dashurisë.
Të bësh kaq,
a, shumë më shumë,
i bindur se fryma dhe shqisat
janë parajsa jonë e vetme.

(Noshta, ferri ynë gjithashtu)!

BEHAR JACAJ

02/07/2024

Paç dritën e Zotit më i miri i letërsinë shqipe!

Kristal-Ismail KADARE

Ka kohë që s'shihemi dhe ndjej
si të harroj une dalëngadal
si vdes tek une kujtimi yt
si vdesin flokët dhe gjithçka.

tani kërkoj poshtë e lartë
një vend ku ty të të lëshoj
nje strofë a notë, a një brilant
ku të të lë, të puth, të shkoj.

në s'të pranoftë asnjë varr
asnjë mermer, a morg kristal
mos duhet vallë prapë të të mbart
gjysëm të vdekur, gjysëm të gjallë.

në s'gjetsha hon ku të të hedh
do gjej një fushë a një lulnajë
ku butësisht porsi polen
gjithkund, gjithkund të të shpërndajë.

të të mashtroj ndoshta kështu
dhe të të puth të ik pa kthim
dhe nuk do dine as ne askush
harim ish ky a s'ish harim.

20/04/2024

* * *

Ç'gjest sekret, Zot, dhe n'mesmoshë
që të m'i hiqnin stinët zhankth?
Tek ngjitem lart, vitet bëjnë poshtë
dhe parzmi ngjishet shuk me ankth.

Një pllaje t'marrtë e të pacak,
midis peizashesh të braktisun
muzgut vjeshtak jam mbetë cullak,
një tufe cubash i plaçkitun.

Do t'bahet ftoftë. Do t'bahet natë...
Dëbora shiun vjen ta ndrrojë.
Më duhet ngut. Më duhet fat
që gjer n'agim të mbijetoj.

Në mbijetofsha përmes pyjesh,
n'e kapsha strehën time gjallë -
misterin do ta lyp mes yjesh
që përvëlojnë - kripë mbi plagë.

Dhe mbase do ta zgjidh përgjysmë...
Dhe kaq do t'ish ngushllim së paku,
se jeta prorë mbetet enigmë -
një lojë e pambarueme shahu.

2024

19/04/2024

Vera ne Algjer- Alber Camus

21/03/2024

DITA e POEZISË

"LIRIKË"
Nëse hapësira dhe koha, siç thonë të urtët,
janë gjëra që s'mund të jenë,
miza që jeton vetëm një ditë
jeton po aq sa ne
Por ndërkaq jetojmë sa mundemi,
ndërsa jeta dhe dashuria janë të lira,
pasi koha është kohë dhe ikën tutje
ndërsa të urtit mendojnë të kundërtën.

Lulet që të dërgova kur vesa
dridhej mbi pjergull
u fishkën para se bleta të fluturonte
të thithte trëndafilin e egër.
Por ndërkaq të ngutemi t'i mbledhim akoma
dhe të mos trishtohemi po t'i shohim të thahen,
dhe megjithëse lulet e jetës të jenë të pakta
mund të jenë hyjnore.

Tomas Eliot

21/03/2024

Poezia është mendim që merr frymë dhe fjalë që digjen!

Thomas Gray

13/02/2024

E grisa letrën e fundit,
Nuk pres më asnjë letër,
malli humbi çdo tingull,
shpetova nga brenga e vjetër.

Çdo germë një lot e shkroi,
siç shkroi fjalën “të dua!”
dhe unë dhe ajo shpëtoi,
çdo gjë u shua... u shua.

Por loti dhe sytë mbi ball,
s’u grisën, mē mbetën të gjallë!

Pano Taçi - Spaç 1967

17/01/2024

Rastisi që ta filloj vitin me leximin e këtyre dy librave. Të dy të dhuruar. Të dy 'bestseller' për tregun tonë! Si kusur për kohën që u dhashë por marr mundimin të bëj këtë status! Mund të shkruaja një libër të tërë duke argumentuar pse këta s'kanë lidhje me letërsinë, aq më.pak me letërsinë e mirë, por po mjaftohem duke thënë se rrallë me bien në libra kaq të dobët.

25/12/2023