10/08/2026
Të vazhdojmë të mbrojmë Tiranën nga zjarret!
Takim me Drejtuesit e Strukturave të Emergjencave Civile, falenderim per punen e bere deri tani dhe rritjen e masave mbrojtese!
Sot në këtë takim morën pjesë Drejtori i Përgjithshëm i Emergjencave Civile në Bashkinë e Tiranës, Dritan Dango, Drejtori i MZSH Tiranë, Shkëlqim Goxha, Drejtori i Policisë së Tiranës, Oligert Torba, Drejtori i ADZM-së, Albion Kardiu, Zëvendësdrejtori i Agjencisë së Pyjeve, Edison Dardha, si dhe administratorët e njësive administrative të zonave pyjore.
Drejtuesit e njesive vendore dhe grupet vullnetare prane çdo njesie, duhet te jene te paret per te njoftuar e shkuar prane cdo vatre zjarri qe hapet.
U theksua rreziku i shtuar nga zjarret në këtë periudhë dhe u kërkua angazhim i plotë i të gjitha strukturave në terren, me fokus të veçantë në zonat pyjore, ato me risk të lartë dhe puna në grup.
U vendos monitorim i vazhdueshëm 24 ore i gjithë teritorit, raportim në kohë reale dhe gatishmëri e plotë e shërbimeve zjarrfikëse. Policia e Shtetit, nën drejtimin e Drejtorit të Policisë së Tiranës, Oligert Torba, do të vijojë kontrollet në terren, ndërsa ADZM, nën drejtimin e Albion Kurti, do të monitorojë zonat me risk mjedisor.
U theksua gjithashtu nevoja për bashkëpunim të ngushtë ndërinstitucional, reagim të shpejtë dhe informim të vazhdueshëm të komunitetit nga administratat vendore.
Qarku Tiranë mbetet në gatishmëri të plotë dhe do të vijojë monitorimin e situatës në mënyrë të pandërprerë.
Parandalimi i zjarreve mbetet përgjegjësi e përbashkët institucionale dhe qytetare.
Së bashku të mbrojmë fondin pyjor, pronen dhe shendetin e jeten e qytetareve tanë🤝🇦🇱!
