25/05/2026
Takime në Njësitë Administrative 1 dhe 2 në Tiranë
Takime pune me punonjës të Njësive Administrative 1 dhe 2 në kryeqytet, institucione, të cilat ofrojnë shërbim për më shumë se 135 mijë qytetarë në kryeqytet.
Qëllimi i takimeve, ishte dëgjesa e problemeve që komunitetet e këtyre njësive kanë, menaxhimin sa më mirë të tyre, me qëllim zgjidhjen brenda të gjitha afateve ligjore. Administratorët Zonja Trëndelina Jaku e njësisë 1, dhe Florian Pullazi i njësisë 2, më shprehën disa prej problemeve që ata hasin në zhvillimin e punës së tyre, si dhe më sollën shqetësimet e komuniteteve të tyre.
Zjarret dhe paisja e këtyre njësive me mjete kundra zjarrit, pastrimi i zonave, si dhe mungesa e një vendi ku mund të hidhen inertet, ishin disa nga shqetësimet që këto dy njësi dhe punonjësit e tyre më shprehën.
Një tjetër problematikë që më shprehën Administratorët, ishte dhe të moshuarit që jetojnë vetëm, dhe kanë nevojë për shërbim, për shkak të moshës, dhe pamundësive, për t’i kryer ato vetëm.
Nga ana ime në detyrën e Prefektit të Qarkut të Tiranës, pasi dëgjova problematikat, premtova se të gjitha këto shqetësime do të përcillen, pas përgatitjes së një materiali të plotë dhe shterues, tek Institucionet përkatëse, me qëllim zgjidhjen e tyra, sa më shpejt në kohë.
