Linda Karçanaj

20/11/2025

📍 Tirana mirëpriti një forum tejet të rëndësishëm të dialogut strategjik, Konferencën mbi “Kërcënimet Hibride në Ballkanin Perëndimor”, ku u bashkuan ekspertë vendas, rajonalë, të BE-së dhe të NATO-s.

Me kënaqësi pranova ftesën e dhe Autoritetit Kombëtar për Sigurinë Kibernetike, për të ndarë perspektivën dhe eksperiencën e AKSHI-t mbi qëndrueshmërinë tonë ndaj elementëve kërcënues hibridë. Diskutimet u fokusuan te integrimi i mekanizmave modernë në përballjen me kërcënimet hibride në epokën digjitale, si edhe tek domosdoshmëria e bashkëpunimit ndërkombëtar. 🌍

🇦🇱 Shqipëria është sot lider rajonal në digjitalizim, por pikërisht kjo na vendos edhe në shënjestër të aktorëve kibernetikë që synojnë të cenojnë integritetin e hapësirës sonë digjitale. Sulmet kibernetike janë në zemër të luftës hibride dhe rrisin nevojën për partneritet dhe bashkëpunim global.

🚨 Falë bashkëpunimit të ngushtë me aleatët tanë, kemi arritur të identifikojmë dhe neutralizojmë çdo kërcënim të orientuar ndaj nesh, pavarësisht kompleksitetit dhe pavarësisht nëse është i sponsorizuar nga aktorë shtetërorë.

🤖 Arkitektura Zero Trust dhe përdorimi i inteligjencës artificiale na mundësojnë të reagojmë në kohë reale dhe të mbrojmë me efektivitet hapësirën tonë digjitale.

Në një botë ku kërcënimet hibride evoluojnë çdo ditë, vetëm një ekosistem i përbashkët sigurie mund të garantojë stabilitet dhe qëndrueshmëri. ✅

🤝 Së bashku, për një ekosistem të sigurt që përgjigjet më shpejt se kërcënimet.

18/11/2025

Krenare për Francin, i cili është rritur profesionalisht gjatë viteve të punës në AKSHI dhe sot na nderoi me një TTX të jashtëzakonshëm me studentët më të talentuar të universiteteve.

Puna e tij dhe e ekipit të Drejtorisë së Sigurisë na dëshmon edhe një herë se sa të rëndësishme janë ekspertiza, përkushtimi dhe vullneti për t’i paraprirë sfidave moderne kibernetike.

Urime Francit dhe gjithë ekipit për organizimin e një ushtrimi kaq të rëndësishëm dhe me ndikim real në përgatitjen e gjeneratës së re të profesionistëve në siguri kibernetike! 🚀🔐

15/10/2025

🇪🇺🤝 Sot pata kënaqësinë të pres në një takim pune një delegacion të nivelit të lartë nga Komisioni Europian, përfaqësues të DG Enlargement and Eastern Neighbourhood (DG ENEST), si dhe kolegë nga Delegacioni i BE-së në Shqipëri (EUD).

👥 Delegacioni kryesohej nga z. Hoa-Binh Adjemian, Head of Unit për Private Sector Engagement pranë DG ENEST; z. Javier Menendez Bonilla, Sekretar i Parë për Çështjet Shoqërore pranë Delegacionit të BE-së në Kajro; dhe znj. Kristi Raidma, Policy Officer në Komisionin Europian, DG ENEST, të shoqëruar nga znj. Senida Mesi, ish zëvendës kryeministre, eksperte për zhvillim të qendrueshëm.

💻 Diskutuam mbi digjitalizimin e shërbimeve publike dhe institucioneve qendrore, proces që në fazën e ardhshme do të shtrihet edhe në nivelin e pushtetit vendor.

🤝 Nga pozitat e bashkënegociatores së Kapitullit 10, diskutuam mbi mundësitë e zgjerimit të bashkëpunimit 🇪🇺🇦🇱 në nivel teknik për ngritjen e sistemeve të nevojshme në kuadër të procesit të anëtarësimit të Shqipërisë në BE, duke forcuar partneritetin tonë me institucionet europiane.

📘 Të pranishmit theksuan rëndësinë e forcimit të bashkëpunimit dhe të lëvizjes në të njëjtin drejtim midis akademisë, sektorit privat dhe qeverisë, si një front i bashkuar për të siguruar që Shqipëria të përfitojë maksimalisht nga programi Digital Europe.

💬 Në takim mori pjesë edhe z. Kushtrim Shala, përfaqësues i Këshillit Shqiptar për Teknologji dhe Inovacion (ACTI), i cili informoi të pranishmit mbi zhvillimet e sektorit TIK në Shqipëri, si edhe mbi nevojat dhe sfidat me të cilat përballen bizneset e këtij sektori.
Diskutimet e vunë theksin tek investimet dhe bashkëpunimi për qendrat kompjuterike me performancë të lartë (HPC), te aksesi i përballueshëm në GPU, si edhe te ndërtimi i një infrastrukture të besueshme për Machine Learning Operations (MLOps), me synim fuqizimin e kapaciteteve R&D dhe zhvillimin e aftësive në fushën e AI-së.

🌍 Transformimi digjital mbetet një nga prioritetet strategjike të vendit tonë, një rrugëtim që po ndërtojmë hap pas hapi, në partneritet të ngushtë me Bashkimin Europian dhe partnerët tanë ndërkombëtarë.

14/10/2025

Regional AI Hackathon 2025

Një nga ato evente që tregojnë më së miri se sa thellë është përqafuar Inteligjenca Artificiale si motor i inovacionit në rajonin tonë.
💡 Ide të reja, zgjidhje efikase dhe qasje kreative për sfida që lidhen me shëndetësinë, arsimin, qytetet inteligjente, infrastrukturën, bujqësinë dhe shumë fusha të tjera.

👉 Nga 161 aplikime në të gjithë rajonin, 20 skuadra finaliste u përzgjodhën për të konkurruar në eventin përfundimtar të muajit nëntor.

Në rolin e Kryetares së Jurisë, në prani të Kryeministrit Edi Rama, së bashku me Ministren e Ekonomisë dhe Inovacionit, znj. Delina Ibrahimaj, Ministrin e Shtetit për Pushtetin Vendor, z. Ervin Demo, dhe z. Hoa-Bin Adjemian, Drejtor i Njësisë së BE-së për Investimet Private, patëm mundësinë të ndiqnim prezantimet e 9 prej 20 ekipeve finaliste. 🎤💻

🏆 Vlerësimi i jurisë për këtë fazë të parë shkoi për projektin e skuadrës TeutAI:
“Intelligent Flows: AI-Driven Solutions for Efficient Networks”, zhvilluar nga dy të rinj të talentuar që ndjekin doktoraturën në matematikë në Universitetin e Gjenevës 🇨🇭.
Projekti propozon një algoritëm që optimizon trafikun rrugor, duke përdorur modele matematike të kombinuara me AI. 🚦🤖

Grupi fitues do të përfaqësojë rajonin në Slush, eventin më të madh të teknologjisë në Europë 🌍, që do të mbahet më 19–20 nëntor në Helsinki, Finlandë 🇫🇮.

Siç u shpreh edhe Kryeministri Rama:

“Është një bekim i madh të jetosh në një kohë kur teknologjia digjitale dhe AI na japin mundësi që dikur as nuk i imagjinonim.”

🙏 Faleminderit znj. Senida Mesi, Crowdpolicy dhe ekipit të AKSHI-t për organizimin e këtij eventi që bashkoi shqiptarë nga mbarë rajoni dhe diaspora. 🇦🇱

08/10/2025

🇺🇸 🇦🇱 Sot pata kënaqësinë të zhvilloja një takim frymëzues me Kryetarin e Bashkisë së New York-ut, z. Eric L. Adams, një lider me vizion për të ardhmen e qyteteve inteligjente.

💬 Diskutuam mbi mënyrat konkrete se si inteligjenca artificiale po transformon administratën publike dhe po e afron qeverisjen më shumë me qytetarët në Shqipëri dhe në një metropol si New York-u.

📲 Realizuam edhe një demonstrim live të Asistentit Virtual të e-Albania, një ndër zgjidhjet tona të para me AI, që në vetëm 9 muaj ka regjistruar 972 mijë ndërveprime me qytetarët shqiptarë.

📌 Ndava me z. Adams disa nga risitë që kemi implementuar me sukses:

✅ AI për transpozimin e legjislacionit të BE-së – redukton përkthimin dhe analizën e një akti në vetëm 3 minuta, me saktësi mbi 96%. Një hap gjigant drejt integrimit europian, kur krahasohet me procese shumë më të gjata në vendet e tjera.

✅ AI në në sigurinë kibernetike ka sjellë një transformim të rëndësishëm, ku prej tre vitesh mbi 60% e incidenteve kibernetike trajtohen automatikisht, pa ndërhyrje njerëzore.
Falë orkestrimit dhe automatizimit, AI i mbështet ekspertët në përshpejtimin e kohës së reagimit dhe të investigimit, duke rritur ndjeshëm efikasitetin dhe saktësinë në menaxhimin e kërcënimeve.

✅ Platforma e-Prokurime, e konceptuar në bashkëpunim me Bankën Botërore, me AI që do të asistojë në përgatitjen e dokumentacionit, fondin limit, kriteret dhe vlerësimin e ofertave.

🌍 Z. Adams shfaqi interes të veçantë për këto zgjidhje, si modele që mund të përshtaten edhe në sisteme të mëdha si ai i qytetit të New York-ut.

🤝 Shqipëria po shndërrohet në një shembull suksesi për përdorimin e teknologjisë në shërbim të qytetarëve. Vazhdojmë të ndajmë eksperiencat dhe të ndërtojmë ura bashkëpunimi me liderë vizionarë, për një të ardhme më të zgjuar dhe më të drejtë.

29/09/2025

Një eksperiencë shumë e vlefshme në Abu Dhabi, ku u takuam me ekipin e TAMM, platformës së shërbimeve qeveritare të Emiratit, e cila ashtu si e-Albania, dëshmon se transformimi dixhital është çelësi për të afruar qytetarët me administratën. 🇦🇱🤝🇦🇪

Së bashku me Ministren e Ekonomisë dhe Inovacionit, znj. Delina Ibrahimaj, znj. Elira Kokona, Drejtuese e Korporatës së Investimeve, dhe z. Dritan Agolli, Drejtues i FSHZH, diskutuam mbi mundësitë e bashkëpunimit dhe shkëmbimit të përvojave.

Ky është një hap i rëndësishëm për të sjellë më shumë inovacion dhe për të forcuar vizionin tonë të përbashkët për një administratë publike moderne, të thjeshtë dhe dixhitale. 🌍✨

26/09/2025

Sot patëm kënaqësinë të takojmë drejtuesit e Mohamed bin Zayed University of Artificial Intelligence (MBZUAI) në Abu Dhabi, universiteti i parë në botë i dedikuar plotësisht inteligjencës artificiale dhe një nga qendrat më prestigjioze për kërkime dhe inovacion në këtë fushë. 🌍

Gjatë takimit diskutuam mbi mundësitë e bashkëpunimit në kërkim shkencor, shkëmbime akademike dhe projekte inovative në fushën e inteligjencës artificiale, që do të sjellin vlerë të madhe edhe për Shqipërinë.

Një përkushtim i veçantë në këtë universitet, për të ndërtuar një të ardhme ku teknologjia, shkenca dhe idetë kreative takohen. Studentë e studiues nga mbarë bota punojnë së bashku për sfidat e së nesërmes në fushën e AI-së, nga shëndetësia te energjia, nga transporti tek shërbimet publike. ✨

🇦🇱 Për vendin tonë, këto ura partneriteti ndërkombëtar janë një mundësi e artë. Ato hapin dyer që edhe të rinjtë shqiptarë të kenë akses në dijet më bashkëkohore në Inteligjencën Artificiale, laboratorë modernë dhe eksperienca që më pas kthehen në zhvillim, inovacion dhe të ardhme më të mirë për Shqipërinë.

25/09/2025

AI ishte në qendër të takimit në Abu Dhabi me MGX, së bashku me Ministren e Ekonomisë dhe Inovacionit, znj. Delina Ibrahimaj, znj. Elira Kokona, Drejtuesja e AIC, dhe z. Dritan Agolli, Drejtues i FSHZH.

Diskutuam mbi potencialin që inteligjenca artificiale sjell jo vetëm për dixhitalizimin e shërbimeve publike, por për çdo fushë të zhvillimit dhe inovacionit në vendin tonë. 🌍✨

09/09/2025

Sot pata kënaqësinë të mirëpres në AKSHI z. Massimiliano Paolucci, Country Manager i Bankës Botërore për Shqipërinë, z. Simon Carl O’Meally, drejtues i Programit GovTech në vendin tonë, si dhe delegacionin e Bankës Botërore.

🇦🇱 Programi GovTech, që AKSHI implementon, është një nga programet më të rëndësishme të Bankës Botërore në nivel global dhe është shpallur si një prej iniciativave “flagship” më të suksesshme.

Në Shqipëri, falë mbështetjes së Bankës Botërore, ky program po avancon në një fazë të re dhe më komplekse:
✅ zgjerimi i financimeve për digjitalizimin e pushtetit vendor
✅ platforma elektronike e prokurimeve e mbështetur nga inteligjenca artificiale
✅ zhvillimi i AFMIS (Albanian Financial Management Information System), një sistem modern që do të revolucionarizojë menaxhimin financiar publik.

🤝 AKSHI dhe Banka Botërore po punojnë si një ekip i vetëm, të bashkuar nga i njëjti objektiv: ta bëjmë GovTech një histori suksesi në shërbim të qytetarëve dhe bizneseve.

📌 Z. Massimiliano Paolucci u shpreh:
“Digjitalizimi i shërbimeve publike garanton barazi në aksesin ndaj informacionit dhe përmirëson menaxhimin e tyre. GovTech është një projekt sfidues, prandaj ne jemi këtu. Ky është programi juaj, por edhe i yni – keni 100% mbështetjen tonë.”

📌 Ndërsa z. Simon Carl O’Meally falënderoi AKSHI-n dhe theksoi:
“Është privilegj të punoj me ju. Mbështetja ime do të jetë e pakursyer për ta mbajtur GovTech një program ‘flagship’ të suksesshëm.”

🙏 Mirënjohje Bankës Botërore për partneritetin e fortë dhe mbështetjen e vazhdueshme. Rezultatet e prekshme për qytetarët vijnë vetëm përmes bashkëpunimeve të këtij niveli dhe ekspertizës së specializuar.

16/07/2025