01/10/2025
Prej datës 7 tetor, ku nisi fushata e pushtimit të Gazës e deri më sot, janë vrarë mbi 68,000 civilë palestinezë, rreth 70% prej tyre gra, fëmijë dhe të moshuar. Këto të dhëna të evidentuara janë mbledhur edhe nga Kombet e Bashkuara, që ka dalë në përfundimin se Izreali po kryen gjenocid në Gaza.
Palestinezët në Gaza gjenden të mbërthyer nën shpërthimet e vazhdueshme, që i detyron ata të zhvendosen, derisa një tjetër sulm vdekjeprurës ndodh. Pamjet janë apokaliptike, thuajse gjithçka është rrënuar: shtëpitë, shkollat, spitalet dhe cdo infrastrukturë tjetër. Më 22 gusht 2025, në qytetin e Gazës u shpall gjendja e urisë.
Uria dhe sigurimi i ushqimit bie barrë mbi gratë palestineze, që historikisht janë konsideruar si kujdestare të të afërmve të tyre. Çdo ditë atyre u duhet të presin në radhë të gjatë për të marrë bukë dhe ujë, radhë këto që jo pak herë janë kthyer në vatra të vdekjes.
Teksa përshkruajmë situatën në Gaza, kthehemi në realitetin tonë dhe gjendemi me shpatulla pas murit. Po ne, çfarë mund të bëjmë më shumë për Palestinën dhe njerëzit në Gaza? Realiteti është i trishtë, dhe shpesh i vetmi rezultat i kësaj përsiatjeje mendore është dëshpërimi, plogështia dhe ndjesia e pafuqisë.
Pafuqinë, si ngahera, ne e kemi luftuar me rezistencë kolektive. Duam që përmes këtij aksioni simbolik, ne feministet e Shqipërisë, të pozicionohemi qartazi edhe njeherë në parimet bazë që e udhëheqin lëvizjen tonë: Drejtësia dhe rezistenca ndaj dhunës. Ne kundërpërgjigjemi ndaj dëshpërimit duke i dhënë jetë hapësirës publike në Tiranë, për të jehuar qëndrimet tona të qarta politike dhe për të shprehur mbështetjen tonë ndaj popullit palestinez.
Nga Shqipëria në Gaza ne themi: Liri për Palëstinën!
Sytë mbi Gaza!
Sytë mbi Flotiljen Sumud!
KOLEKTIVI FEMINIST
