Autoriteti i Komunikimeve Elektronike dhe Postare - AKEP

Autoriteti i Komunikimeve Elektronike dhe Postare - AKEP Contact information, map and directions, contact form, opening hours, services, ratings, photos, videos and announcements from Autoriteti i Komunikimeve Elektronike dhe Postare - AKEP, Public & Government Service, Rruga “Resh*t Çollaku”, Kodi postar, Tiranë, Tirana.

Autoriteti i Komunikimeve Elektronike dhe Postare është rregullatori për komunikimet elektronike & shërbimet postare në Republikën e Shqipërisë, institucion publik i pavarur që mbikëqyr zbatimin e legjislacionit dhe politikave të zhvillimit në këtë fushë.

Një profil me përvojë të spikatur rajonale në fushën e komunikimeve elektronike i bashkohet AKEP-it.Z. Jeton Akiku, i ci...
05/06/2026

Një profil me përvojë të spikatur rajonale në fushën e komunikimeve elektronike i bashkohet AKEP-it.

Z. Jeton Akiku, i cili për pesë vitet e fundit ka drejtuar Agjencinë për Komunikime Elektronike të Maqedonisë së Veriut (AEK), i bashkohet kabinetit të Kryetarit të AKEP, z. Gentian Sala, në cilësinë e Këshilltarit.

Me një eksperiencë mbi 12-vjeçare në sektorin e komunikimeve elektronike, z. Akiku sjell një kontribut të rëndësishëm profesional, të ndërtuar mbi ekspertizën në menaxhim dhe zhvillimin e politikave sektoriale.

Gjatë karrierës së tij, ai ka mbajtur pozicione të rëndësishme drejtuese në sektorin e komunikimeve elektronike, duke fituar një njohje të thellë të sfidave dhe zhvillimeve të tregut në nivel kombëtar dhe rajonal.

AKEP vlerëson se përvoja e tij e gjerë dhe vizioni profesional do të përbëjnë një vlerë të shtuar për institucionin.

📍 Dublin, IrlandëAKEP mori pjesë në mbledhjen e 67-të të Bordit të Rregullatorëve të BEREC (Bashkimit të Rregullatorëve ...
03/06/2026

📍 Dublin, Irlandë

AKEP mori pjesë në mbledhjen e 67-të të Bordit të Rregullatorëve të BEREC (Bashkimit të Rregullatorëve Evropianë për Komunikimet Elektronike), përfaqësuar nga anëtarja e Këshillit Drejtues, znj. Edlira Dvorani.

Gjatë takimit u diskutuan zhvillimet më të rëndësishme në sektorin e komunikimeve elektronike në Evropë, përfshirë Aktin për Rrjetet Digjitale (Digital Networks Act), internetin e hapur, roaming-un, evoluimin e rrjeteve celulare, bashkëpunimin ndërkombëtar dhe prioritetet e Programit të Punës së BEREC për vitin 2027.

Pjesëmarrja e AKEP në aktivitetet e BEREC kontribuon në shkëmbimin e përvojave me autoritetet homologe evropiane dhe në përafrimin e mëtejshëm të kuadrit rregullator shqiptar me standardet dhe praktikat më të mira të Bashkimit Evropian në fushën e komunikimeve elektronike.

AKEP gëzon statusin e vëzhguesit në BEREC, duke marrë pjesë aktivisht në proceset e bashkëpunimit rregullator evropian dhe në diskutimet mbi politikat që ndikojnë në të ardhmen e komunikimeve elektronike në Evropë.

Kryetari i Autoritetit të Komunikimeve Elektronike dhe Postare (AKEP), z. Gentian Sala, zhvilloi një takim me përfaqësue...
02/06/2026

Kryetari i Autoritetit të Komunikimeve Elektronike dhe Postare (AKEP), z. Gentian Sala, zhvilloi një takim me përfaqësues të ONE Albania, grupit 4iG si dhe Bankës Evropiane të Investimeve (EIB), në kuadër të projektit strategjik EAGLE (Egypt–Albania Gateway Link to Europe).

Takimi u zhvillua në ambientet e AKEP-it, në kuadër të vizitës së delegacionit në Shqipëri për vlerësimin paraprak të projektit, i cili parashikon ndërtimin e një kablloje nënujore me fibër optike ndërmjet Egjiptit dhe Shqipërisë, si pjesë e një korridori të ri ndërkombëtar të lidhjes digjitale mes Afrikës, Lindjes së Mesme dhe Evropës.

Gjatë takimit, përfaqësuesit e delegacionit prezantuan objektivat dhe komponentët kryesorë të projektit EAGLE, si dhe vizionin për zhvillimin e një infrastrukture moderne dhe të qëndrueshme të komunikimeve elektronike, që synon të forcojë rolin e Shqipërisë si një nyje e rëndësishme rajonale e ndërlidhjes digjitale.

Nga ana e tij, Kryetari i AKEP-it shprehu angazhimin e institucionit që drejton, për të mbështetur zhvillimin e infrastrukturave moderne të komunikimeve, në përputhje me legjislacionin kombëtar dhe standardet evropiane.

Bashkëbiseduesit ndanë vlerësimin se projekte të tilla strategjike kontribuojnë në rritjen e sigurisë dhe diversifikimit të rrugëve ndërkombëtare të transmetimit të të dhënave, duke krijuar mundësi të reja për zhvillimin e ekosistemit digjital.

AKEP mbetet i angazhuar në promovimin e investimeve në rrjete dhe infrastruktura strategjike që forcojnë pozicionin e Shqipërisë në hartën ndërkombëtare të komunikimeve elektronike dhe kontribuojnë në zhvillimin e një tregu konkurrues, të sigurt dhe inovativ.

E ardhmja e rregullimit të komunikimeve elektronike, zhvillimi i teknologjive të reja dhe sfidat e transformimit digjita...
20/05/2026

E ardhmja e rregullimit të komunikimeve elektronike, zhvillimi i teknologjive të reja dhe sfidat e transformimit digjital ishin në fokus të “International Regulatory Conference 2026”, konferencë ndërkombëtare e organizuar nga Agjencia për Komunikime Elektronike e Maqedonisë së Veriut (AEC).

Në këtë aktivitet, i cili mblodhi autoritete rregullatore, ekspertë të industrisë dhe përfaqësues institucionesh nga vende të ndryshme të Europës dhe rajonit, mori pjesë edhe Kryetari i AKEP, z. Gentian Sala, i cili u mirëprit nga Drejtori i Agjencisë për Komunikime Elektronike, z. Jeton Akiku, si dhe nga Kryetari i Komisionit të Agjencisë për Komunikime Elektronike, Prof. Dr. Orce Simov.

Gjatë konferencës u diskutua mbi zhvillimet më të fundit në sektorin e komunikimeve elektronike, sigurinë kibernetike, mbrojtjen e konsumatorit dhe nevojën për politika rregullatore që i përgjigjen ritmit të shpejtë të zhvillimit teknologjik.

Në kuadër të aktivitetit, z. Sala zhvilloi gjithashtu takime dhe shkëmbime me përfaqësues të autoriteteve homologe dhe partnerëve ndërkombëtarë, me fokus forcimin e bashkëpunimit dhe shkëmbimin e praktikave më të mira në sektor.

Pjesëmarrja e AKEP në forume të tilla ndërkombëtare kontribuon në ndjekjen e zhvillimeve më të avancuara europiane dhe në forcimin e bashkëpunimit rajonal në fushën e komunikimeve elektronike dhe transformimit digjital.

🌍📡 17 Maji – Dita Botërore e Telekomunikacionit dhe Shoqërisë së InformacionitNë një botë ku komunikimi, interneti dhe t...
17/05/2026

🌍📡 17 Maji – Dita Botërore e Telekomunikacionit dhe Shoqërisë së Informacionit

Në një botë ku komunikimi, interneti dhe teknologjia janë bërë pjesë e çdo momenti të jetës sonë, 17 Maji na kujton rëndësinë e të qenit të lidhur.

Kjo ditë organizohet çdo vit nga Unioni Ndërkombëtar i Telekomunikacionit (ITU) – agjencia e Kombeve të Bashkuara për teknologjitë digjitale – dhe përkujton krijimin e saj në vitin 1865.

Qëllimi i kësaj dite është të rrisë ndërgjegjësimin mbi rolin e teknologjisë dhe komunikimeve elektronike, të promovojë aksesin e barabartë në shërbimet digjitale dhe të nxisë një botë më të lidhur, më të sigurt dhe më gjithëpërfshirëse.

📌 Tema e këtij viti:
“Lidhjet digjitale jetike – Forcimi i qëndrueshmërisë në një botë të lidhur.”

Në një shoqëri gjithnjë e më të varur nga lidhja digjitale, rrjetet e komunikimit janë bërë jetike për funksionimin e jetës moderne.

📶 Rrjetet tokësore
🌐 Kabllot nënujore
🛰️ Satelitët
💻 Qendrat e të dhënave

janë infrastruktura që mbajnë në funksion komunikimin, ekonominë, sigurinë dhe shërbimet tona çdo ditë.

Kur ndodhin kriza, fatkeqësi natyrore apo situata emergjente, lidhja nuk është luks — është domosdoshmëri.

Tema “Lidhjet digjitale jetike” thekson nevojën për rrjete më të sigurta, sisteme më rezistente dhe akses të qëndrueshëm për të gjithë, në mënyrë që askush të mos mbetet i shkëputur kur ka më shumë nevojë për të qenë i lidhur.

🇦🇱 Në këtë kuadër, forcimi i infrastrukturës digjitale mbetet thelbësor edhe për Shqipërinë, për zhvillimin ekonomik, komunikimin dhe garantimin e shërbimeve të besueshme për qytetarët dhe bizneset.

Forumi Global i Rregullatorëve GSR-26, organizuar nga Unioni Ndërkombëtar i Telekomunikacioneve dhe Autoriteti i Teknolo...
15/05/2026

Forumi Global i Rregullatorëve GSR-26, organizuar nga Unioni Ndërkombëtar i Telekomunikacioneve dhe Autoriteti i Teknologjive të Informacionit dhe Komunikimit të Turqisë në Ankara, ka vijuar punimet me një panel të nivelit të lartë, i fokusuar në sfidat dhe zhvillimet e reja të epokës digjitale, përfshirë inteligjencën artificiale, 6G, teknologjitë hapësinore dhe ato kuantike, si edhe nevojën për kuadër rregullator më fleksibël dhe bashkëpunim më të gjerë ndërinstitucional.

Në panel mori pjesë Zv/Ministrja e Infrastrukturës dhe Energjisë, znj. Enkelejda Muçaj, ndërsa Autoriteti i Komunikimeve Elektronike dhe Postare vijoi ndjekjen nga afër të punimeve të forumit, i përfaqësuar nga Kryetari i Këshillit Drejtues, z. Gentian Sala, krahas përfaqësuesve të lartë të Unionit Ndërkombëtar të Telekomunikacioneve, Unionit Universal Postar, rregullatorëve europianë dhe kompanive ndërkombëtare të teknologjisë.

Gjatë diskutimeve, znj. Muçaj prezantoi zhvillimet dhe prioritetet e Shqipërisë në fushën e dixhitalizimit, si edhe masat rregullatore dhe teknike që po ndërmerren në bashkëpunim me Autoritetin e Komunikimeve Elektronike dhe Postare dhe partnerët ndërkombëtarë, me synim avancimin e mëtejshëm të sektorit dhe përafrimin me standardet më të zhvilluara ndërkombëtare.

Në kuadër të forumit, u zhvillua gjithashtu një takim me Sekretaren e Përgjithshme të Unionit Ndërkombëtar të Telekomunikacioneve, znj. Doreen Bogdan-Martin, ku morën pjesë zv. ministrja Enkelejda Muçaj dhe Kryetari i Këshillit Drejtues të Autoritetit të Komunikimeve Elektronike dhe Postare, z. Gentian Sala.

Rregullatorë, drejtues institucionesh, politikëbërës dhe përfaqësues të industrisë së teknologjisë e komunikimeve elektr...
13/05/2026

Rregullatorë, drejtues institucionesh, politikëbërës dhe përfaqësues të industrisë së teknologjisë e komunikimeve elektronike nga vende të ndryshme të botës janë mbledhur në Ankara në kuadër të Forumit Global të Rregullatorëve GSR-26, organizuar nga Bashkimi Ndërkombëtar i Telekomunikacioneve (ITU) — agjencia e specializuar e OKB-së për teknologjinë dhe komunikimet — dhe Autoriteti i Teknologjive të Informacionit dhe Komunikimit të Turqisë (BTK).

Në këtë forum ndërkombëtar, AKEP u përfaqësua nga Kryetari i institucionit, z. Gentian Sala.

Diskutimet këtë vit u fokusuan te mënyra se si rregullimi duhet të ecë me të njëjtin ritëm si teknologjia: më pak barriera, më shumë inovacion, investime dhe akses në teknologjitë e reja digjitale.

Takimi u drejtua nga Sekretarja e Përgjithshme e ITU-së, Doreen Bogdan-Martin, së bashku me drejtuesit më të lartë të sektorit global të telekomunikacioneve dhe rregullimit.

Gjatë forumit, z. Sala përgëzoi Presidentin e BTK-së dhe njëkohësisht mikpritësin e GSR-26, z. Ömer Abdullah Karagözoğlu, të cilit i përcolli vlerësimet për organizimin.

Forumi Global i Rregullatorëve konsiderohet një nga forumet më të rëndësishme ndërkombëtare për rregullatorët e komunikimeve elektronike dhe zhvillohet çdo vit si një platformë globale ku autoritetet rregullatore, politikëbërësit, kompanitë teknologjike dhe organizatat ndërkombëtare diskutojnë zhvillimet më të fundit dhe sfidat e sektorit digjital dhe të komunikimeve.

🌍 Autoriteti i Komunikimeve Elektronike dhe Postare (AKEP) mori pjesë në takimin e BEREC Contact Network në Jurmala, Let...
13/05/2026

🌍 Autoriteti i Komunikimeve Elektronike dhe Postare (AKEP) mori pjesë në takimin e BEREC Contact Network në Jurmala, Letoni — një nga strukturat më të rëndësishme evropiane në fushën e komunikimeve elektronike, që bashkon rregullatorët e vendeve europiane për të diskutuar zhvillimet dhe prioritetet e sektorit.

📍Gjatë takimit, Anëtari i Këshillit Drejtues të AKEP, z. Armer Juka, prezantoi Tiranën si destinacionin e takimit të ardhshëm të BEREC CN, i cili do të zhvillohet në shtator.

🇦🇱 Në shtator, kryeqyteti shqiptar do të bëhet pika e takimit për përfaqësues nga e gjithë Europa, në një agjendë që bashkon komunikimet elektronike, bashkëpunimin dhe shkëmbimin e eksperiencave — por edhe një mundësi për të prezantuar vendin tonë përmes atmosferës, energjisë dhe kulturës së tij mikpritëse.

Kryetari i AKEP, Z. Gentian Sala, mori pjesë në aktivitetin e organizuar nga Posta Shqiptare, në kuadër të 113-vjetorit ...
06/05/2026

Kryetari i AKEP, Z. Gentian Sala, mori pjesë në aktivitetin e organizuar nga Posta Shqiptare, në kuadër të 113-vjetorit të pullës së parë shqiptare.

E emetuar më 5 maj 1913, menjëherë pas shpalljes së Pavarësisë, pulla e parë shqiptare nuk ishte thjesht një mjet postar, por një shenjë e qartë e shtetformimit dhe e lidhjes së Shqipërisë me botën 🌍

Përmes këtij aktiviteti u vlerësua jo vetëm rëndësia historike e kësaj dite, por edhe roli që pullat postare kanë luajtur ndër vite në pasqyrimin e historisë, kulturës dhe identitetit tonë 🇦🇱

📌 Një detaj i vogël… që mbart shpirtin e një kombi!

Zhvillimi i rrjeteve moderne të komunikimeve elektronike dhe ulja e kostove për ndërtimin e tyre ishin në fokus të takim...
06/05/2026

Zhvillimi i rrjeteve moderne të komunikimeve elektronike dhe ulja e kostove për ndërtimin e tyre ishin në fokus të takimit të organizuar nga Ministria e Infrastrukturës dhe Energjisë (MIE) në bashkëpunim me Autoritetin e Komunikimeve Elektronike dhe Postare (AKEP).

Takimi u zhvillua në kuadër të konsultimit të projektligjit “Për masat për zvogëlimin e kostove të ndërtimit të rrjeteve të komunikimeve elektronike me kapacitete shumë të larta” – Akti i Infrastrukturës Gigabit, një nismë që synon të krijojë kushte më të favorshme për shtrirjen e infrastrukturës digjitale në vend, në përputhje me standardet evropiane për zhvillimin e rrjeteve me kapacitete shumë të larta, si dhe harmonizimin e legjislacionit shqiptar me kuadrin rregullator të Bashkimit Evropian.

Në fjalën e saj përshëndetëse, Zëvendësministrja e Infrastrukturës dhe Energjisë, znj. Enkelejda Muçaj, vlerësoi projektligjin si një hap të rëndësishëm në mbështetje të transformimit digjital dhe zhvillimit të infrastrukturës moderne elektronike.

Ndërkohë, Kryetari i AKEP, z. Gentian Sala, theksoi se ndërtimi i rrjeteve me kapacitete shumë të larta kërkon bashkëpunim të koordinuar institucional dhe një dialog të vazhdueshëm me operatorët dhe grupet e interesit, për të garantuar zhvillim të qëndrueshëm dhe konkurrues të tregut.

Gjatë aktivitetit, përfaqësuesit e MIE prezantuan risitë kryesore të projektligjit, i cili transpozon në legjislacionin shqiptar Rregulloren (BE) 2024/1309 të Parlamentit Evropian dhe të Këshillit mbi masat për uljen e kostove të vendosjes së rrjeteve Gigabit.

Diskutimet u fokusuan në lehtësimin e procedurave për ndërtimin e rrjeteve VHCN (Very High Capacity Networks), koordinimin ndërinstitucional, standardet teknike dhe krijimin e një kuadri më efikas për zhvillimin e infrastrukturës së komunikimeve elektronike.

Përfaqësues të institucioneve, operatorëve dhe aktorëve të tregut paraqitën komente dhe sugjerime mbi projektligjin, në kuadër të procesit të konsultimit publik.

Projektligji është publikuar në Regjistrin Elektronik për Njoftimet dhe Konsultimet Publike, si dhe në faqen zyrtare të MIE.

Konsultimi publik do të vijojë deri më 14 maj 2026.

Address

Rruga “Resh*t Çollaku”, Kodi Postar, Tiranë
Tirana
1001

Opening Hours

Monday 08:00 - 16:30
Tuesday 08:00 - 16:30
Wednesday 08:00 - 16:30
Thursday 08:00 - 16:30
Friday 08:00 - 14:00

Website

Alerts

Be the first to know and let us send you an email when Autoriteti i Komunikimeve Elektronike dhe Postare - AKEP posts news and promotions. Your email address will not be used for any other purpose, and you can unsubscribe at any time.

Shortcuts

Share

Category