05/06/2026
➡️ Dje, më 4 Qershor, Instituti i Studimeve për Krimet dhe Pasojat e Komunizmit (ISKK) organizoi në mjediset e Tirana International Hotel, promovimin e Kolanës Botuese të ISKK-së.
Nën moton "Kujtesa është detyra jonë. E vërteta, udhërrëfyesi ynë", ky aktivitet bëri bashkë studiues, autorë dhe familjarë për të prezantuar një sërë botimesh me rëndësi jetike për ndriçimin e të vërtetave historike të periudhës komuniste në Shqipëri.
Aktiviteti u hap me fjalën përshëndetëse të Drejtorit Ekzekutiv të ISKK-së, z. Çelo Hoxha, dhe vijoi me prezantimin e kolanës nën moderimin e Brisejda Lalës dhe Florin Zyberajt.
➡️ Gjatë këtij takimi intensiv u prezantuan studime, dokumente dhe dëshmi me vlerë të jashtëzakonshme:
• Përmbledhje e legjislacionit dhe e akteve represive gjatë komunizmit në Shqipëri 1945–1990 (Vëllimi i dytë: 1946) – nga Leka Ndoja.
• Revista studimore "Memoria" nr. 7–8 – prezantuar nga Brisejda Lala.
• "Ad Memo – Zërat e kujtesës" (Vëllimi XI) – prezantuar nga Violeta Murati.
• "Skënder Muço, kontributi politik dhe patriotik (Dokumente)" – nga Enver Memishaj.
• "Burgu politik i Sulo Malajt & arratisja e të birit Ylli Malaj" – nga Xhezo Cana.
• "Tortura, një dhunim i dinjitetit njerëzor" – nga Brunilda Doçi.
• "Dokumente mbi proceset politike të Kënetës së Maliqit" – nga Bedri Blloshmi.
• "Dosja ime hetimore: Si më spiunuan të afërmit e mi" – nga Kaso Hoxha.
• "Album – Triptik nga diktatura" – nga Musa Çapani.
• "Misionet anglo-amerikane në vitet 1945–1946" – nga Kastriot Dervishi.
• "Një jetë e pathyer: Kujtimet e mia 1959–1993" – nga Bajame Hoxha-Çeliku.
➡️ Aktiviteti u përmbyll me një diskutim të hapur, ku të pranishmit patën mundësinë të ndanin reflektime, pyetje dhe komente mbi rëndësinë e dokumentimit të këtyre krimeve dhe ruajtjen e kujtesës kolektive.
Falënderojmë të gjithë pjesëmarrësit, autorët dhe studiuesit që kontribuojnë çdo ditë në zbardhjen e historisë!
