Nisma #Thurje

07/11/2025

Nisma Thurje dënon fuqimisht sulmet e padenja ndaj Ambasadorit të Bashkimit Europian në Shqipëri, z. Silvio Gonzato, një nga personalitetet që ka kontribuar më shumë në mbështetje të vendit tonë në rrugën drejt integrimit europian.

Gjatë mandatit të tij, ambasadori Gonzato është angazhuar me profesionalizëm, ndershmëri dhe përkushtim të palëkundur për forcimin e institucioneve shqiptare dhe për afrimin e Shqipërisë me standardet dhe vlerat e Bashkimit Europian. Zyra e Bashkimit Europian në Tiranë, nën drejtimin e tij, ka mbajtur gjithmonë një qëndrim të qartë: integrimi europian duhet të mbetet prioritet i përbashkët i të gjitha forcave politike në vend.

Është e papranueshme që një diplomat i tillë të bëhet objekt i sulmeve personale, përfshirë referenca të papranueshme ndaj jetës së tij private, veçanërisht nga politika që ka përfituar nga përkushtimi dhe bashkëpunimi i tij. Të sulmosh një ambasador është veprim i ulët dhe i dëmshëm, që bie ndesh me standardet etike dhe vlerat europiane që Nisma Thurje dhe qytetarët shqiptarë synojnë të përqafojnë.

Ne besojmë se ambasadori Gonzato e njeh mirë karakterin dhe aspiratat e popullit shqiptar dhe se e di se ata që e sulmuan nuk përfaqësojnë Shqipërinë. Përmes punës së tij, ai ka qenë një nga mbrojtësit më të vendosur të vendit tonë në Bruksel dhe më gjerë.

Nisma Thurje thekson nevojën për bashkëpunim, dialog dhe respekt reciprok në politikën shqiptare. Vendin tonë nuk e promovojnë sulmet personale dhe interesa të ngushta politike, por angazhimi i përbashkët për të forcuar institucionet dhe për të avancuar rrugëtimin europian të Shqipërisë.

Në këtë kontekst, ne ftojmë të gjithë aktorët politikë të tregojnë të paktën mirënjohje dhe respekt për kontributin e ambasadorit Gonzato dhe për punën e palodhur që ka bërë për vendin tonë.

29/10/2025

Sot morëm pjesë në tryezën e kandidatit Florjan Binaj përmes Sekretares së Përgjithshme, Brunilda Dhrami.
Në takim ishin përfaqësues të partive opozitare që mbështesin kandidaturën e Binajt, si një zgjidhje e vetme për ta kthyer Tiranën në një qytet më të mirë, më të drejtë dhe më social.

Gjatë diskutimeve u trajtua programi i ri për Bashkinë Tiranë, i përgatitur nga një grup profesionistësh, idealistësh dhe qytetarësh aktivë, si dhe rrugët konkrete për ndërtimin e një alternative të re politike që vendos në qendër interesin publik dhe transparencën.

Ky bashkëpunim përfaqëson një hap të rëndësishëm drejt krijimit të një platforme të përbashkët qytetare dhe politike, që synon ndryshim real e të qëndrueshëm.

27/10/2025

24/10/2025

SPAK nis hetimet për abuzimet me fondet IPARD II, pas kallëzimit të Nismës Thurje

SPAK njofton zyrtarisht se ka nisur procedim penal lidhur me abuzimet me fondet IPARD II, dhe çështja është aktualisht në fazën e hetimeve paraprake.

Abuzimet me fondet IPARD u denoncuan fillimisht në vitin 2023 nga Nisma Thurje, e cila depozitoi në SPAK një kallëzim penal ndaj ish-ministres së Bujqësisë, Frida Krifca, si dhe disa zyrtarëve të Agjencisë për Zhvillim Bujqësor dhe Rural (AZHBR).

Denoncimi lidhej me dyshimet për keqpërdorime dhe favorizime në dhënien e fondeve të programit IPARD II, skemë që më pas u ndërpre nga Bashkimi Europian për shkak të shqetësimeve mbi transparencën dhe abuzimet e konstatuara.

Në një dalje për mediat, kreu i Nismës Thurje, Endri Shabani, i bëri thirrje SPAK që të hetojë të gjithë zinxhirin vendimmarrës, duke theksuar se fondet e BE-së janë një pasuri publike që duhet të përdoren në mënyrë të drejtë dhe transparente.

I pyetur nga mediat nëse mund të bëjë publikë detaje mbi datën e regjistrimit të procedimit penal apo emrat konkretë që mund të jenë përfshirë, SPAK tha se, për shkak të ruajtjes së sekretit hetimor, nuk mund të japë informacion të mëtejshëm.

“Prokuroria e Posaçme kundër Korrupsionit dhe Krimit të Organizuar ka regjistruar procedim penal dhe çështja është në fazën e hetimeve paraprake. Për shkak të ruajtjes së sekretit hetimor, nuk mund të bëjë publike informacione të mëtejshme”, thuhet në përgjigjen zyrtare të SPAK.

23/10/2025

📄 Raporti përfundimtar i OSBE/ODIHR konfirmon atë që kemi denoncuar prej kohësh: Kodi aktual zgjedhor deformon vullnetin e qytetarëve dhe i shërben vetëm partive të mëdha!

🗳️ Zgjedhjet e 11 majit nuk ishin garë e ndershme për aq kohë sa sistemi aktual nuk garanton përfaqësim të vërtetë, transparencë dhe barazi në garë. Sot këto pretendime faktohen edhe nga gjetjet e raportit në fjalë.

🇦🇱 Nisma ka kërkuar që në fillim ndryshimin e sistemit elektoral — që vota e çdo qytetari të vlejë njësoj dhe Kuvendi të jetë pasqyra reale e popullit, jo produkt i pazareve të partive. Për këtë arsye ne kemi bërë betejën tonë deri në Gjykatën Kushtetuese.

⏰ Është koha për një Kod të Ri Zgjedhor që rikthen besimin te vota dhe demokracia!

22/10/2025

Dy të rinj u vranë në Manzë, sepse ekspresi nuk punonte. Sot jemi në një situatë si në 1997, ku rinia po vritet kot!

Çdo herë që dëgjojmë për një tragjedi të tillë, s’duhet të themi “ishte fatkeqësi”. Jo. Është pasojë e një sistemi që lejon armët të jenë më të lira se librat, më të zakonshme se mundësitë për punë e jetë normale. Pasojat e një vendi që investon në burgje më tepër sesa në arsim!

Edhe sa herë duhet të derdhet gjak që shteti të kuptojë se siguria nuk është luks, por detyrim?

22/10/2025

Nisma Thurje konfirmon mbështetjen e plotë për Florian Binajn si kandidati që përfaqëson më së miri ndershmërinë dhe qytetarinë ❤️ Ai është zëri i qytetarëve, i brezit që nuk dorëzohet përballë padrejtësive dhe që beson se Tirana meriton më shumë 🏙️ Sekretarja jonë e Përgjithshme, Brunilda Dhrami, do të jetë pjesë e shtabit të fushatës, duke kontribuar për ta bërë këtë fushatë një shembull të politikës së ndershme dhe qytetare 👏🏻

19/10/2025

Bashkia duhet t’i gjejë zgjidhje atyre që përdorin monopatinat. Drejtuesit e bashkisë duhet të ndihmojnë në zgjidhjen e kësaj situate, jo të ngrenë duart apo supet.

16/06/2025

14/06/2025

Ça bëhet kshu?

01/06/2025

fjalë me vend