Inspektorati i Përgjithshëm

05/06/2026

🔎 Inspektorati i Përgjithshëm në terren – P*K,
Porti i Durrësit
Inspektorati i Përgjithshëm mbikëqyri nga afër procesin e inspektimit të kryer nga AKU në Pikën e Inspektimit Kufitar (P*K) në Portin e Durrësit — një pikë kyçe për kontrollin e produkteve që hyjnë në vend.

Në fokus të veçantë ishin kontrollet veterinare, fitosanitare dhe të sigurisë ushqimore, si pjesë thelbësore për mbrojtjen e konsumatorit dhe tregut.

✅ Respektimi i procedurave ligjore
✅ Profesionalizmi dhe etika e inspektorëve
✅ Dokumentimi i plotë dhe i saktë i çdo hapi
✅ Kontrolli veterinar, fitosanitar dhe i sigurisë ushqimore
✅ Përdorimi i mjeteve dhe pajisjeve sipas standardeve

📊 Gjetjet pasqyrohen në raportin e performancës, që shërben për rritjen e standardeve, transparencës dhe llogaridhënies.

🤝 Qëllimi ynë: Transparencë dhe integritet në çdo inspektim.

*K ShërbimePublike

04/06/2026

03/06/2026

Taskforcë për bregdetin gjatë sezonit turistik veror
Inspektori i Përgjithshëm, z. Dashnor Sula, së bashku me ekipin e tij, vijoi këtë të martë turin e trajnimeve me inspektorët rajonalë në kuadër të zbatimit të Ligjit nr. 99/2024 “Për inspektimin në Republikën e Shqipërisë”, i cili synon modernizimin e sistemit të inspektimit dhe përafrimin me praktikat më të mira evropiane.

02/06/2026

Trajnohen inspektorët e rinj në Inspektoratin e Përgjithshëm
Përfundon trajnimi i inspektorëve të rinj në Inspektoratin e Përgjithshëm, pas përmbylljes së periudhës së provës. Në fokus të këtij trajnimi ishte sistemi i e-inspektimit, i cili synon zhvillimin e aftësive praktike dhe ndërpersonale, si komunikimi profesional, menaxhimi i situatave në terren, etika në ushtrimin e detyrës dhe bashkëpunimi ndërinstitucional. Këto aftësi janë thelbësore për rritjen e efikasitetit të proceseve të inspektimit, si dhe për forcimin e transparencës dhe llogaridhënies ndaj publikut.

Zhvillimi i karrierës së inspektorëve ndërtohet mbi një qasje të strukturuar dhe progresive, e mbështetur në performancën individuale, përvojën profesionale dhe angazhimin në zhvillimin e vazhdueshëm. Karriera nis me fazën e formimit bazë, ku inspektorët pajisen me njohuritë dhe aftësitë thelbësore për ushtrimin e funksionit të tyre.

Avancimi në karrierë lidhet ngushtë me vlerësimin objektiv të performancës, përkushtimin ndaj standardeve profesionale dhe aftësinë për të kontribuar në përmirësimin e proceseve institucionale. Kjo qasje synon krijimin e një trupe inspektorësh të kualifikuar, të përgjegjshëm dhe të motivuar, të aftë për të garantuar një sistem inspektimi efektiv, transparent dhe në shërbim të interesit publik.

Trajnimi i inspektorëve përbën një element themelor për funksionimin efektiv dhe të qëndrueshëm të sistemit të inspektimit. Në një mjedis ligjor dhe institucional në zhvillim të vazhdueshëm, përditësimi i njohurive dhe përmirësimi i kapaciteteve profesionale janë të domosdoshme për të garantuar zbatimin korrekt dhe të njëtrajtshëm të legjislacionit. Përmes programeve të strukturuara të trajnimit, inspektorët pajisen me njohuri bashkëkohore mbi ndryshimet ligjore, standardet e mbikëqyrjes dhe praktikat më të mira, duke rritur cilësinë dhe besueshmërinë e proceseve inspektuese.

22/05/2026

Në përmbylljen e trajnimit në qarkun e Vlorës me pjesëmarrjen e të gjithë inspektoriateve rajonale, Inspektoriati i Përgjithshëm shpërndau certifikata për të gjithë trupën e inspektorëve që morën pjesë.
Programi i zhvillimit të karrierës dhe rritjes profesionale të inspektorëve, si një qasje e re e ndërmarrë nga Inspektoriati i Përgjithshëm nën drejtimin e z. Dashnor Sula, kërkon angazhim të vazhdueshëm, pjesëmarrje aktive dhe përkushtim profesional.
Përditësimi me njohuri të thelluara mbi ndryshimet ligjore dhe përmirësimi i vazhdueshëm i aftësive praktike ishte qëllimi kryesor i trajnimit dhe workshop-it praktik, i cili u përmbyll me sukses.
Trajnimi kombëtar i inspektorëve do të vijojë në të gjitha qarqet e vendit.

21/05/2026

Inspektoriati i Përgjithshëm, nën drejtimin e Inspektorit të Përgjithshëm, z. Dashnor Sula, zhvilloi gjatë këtyre dy ditëve një aktivitet në Vlorë në kuadër të ciklit kombëtar të trajnimeve “Forcimi i kapaciteteve të inspektorëve – kuadri ligjor dhe aftësitë praktike”.
Ky trajnim organizohet në zbatim të Ligjit nr. 99/2024 “Për inspektimin në Republikën e Shqipërisë”, i cili synon modernizimin e sistemit të inspektimit dhe përafrimin e tij me praktikat më të mira evropiane. Ligji promovon kalimin nga një qasje ndëshkuese drejt një modeli të balancuar, që përfshin kontrollin, këshillimin dhe parandalimin.
Gjatë aktivitetit, ekspertë dhe drejtues të institucioneve të inspektimit prezantuan zhvillimet kryesore ligjore, funksionimin e sistemit elektronik “e-Inspektimi”, si dhe politikat për zhvillimin e karrierës dhe rritjen e profesionalizmit të inspektorëve.
Një rëndësi e veçantë iu kushtua zhvillimit të aftësive ndërpersonale, si komunikimi efektiv, menaxhimi i konfliktit dhe puna në grup, të cilat janë thelbësore për përmirësimin e marrëdhënieve me subjektet e inspektuara dhe rritjen e besimit publik.
Trajnimi përfshiu gjithashtu një workshop praktik, ku pjesëmarrësit punuan me raste konkrete, duke forcuar aftësitë për zbatim në terren dhe bashkëpunimin ndërinstitucional.
Ky cikël trajnimesh pritet të sjellë: • Zbatim më të unifikuar dhe efektiv të kuadrit ligjor të inspektimit;
• Rritje të profesionalizmit dhe efikasitetit në terren;
• Përdorim më të avancuar të sistemit “e-Inspektimi”;
• Përmirësim të komunikimit dhe reduktim të konflikteve me subjektet;
• Rritje të transparencës dhe besimit publik ndaj institucioneve të inspektimit.

07/05/2026

Inspektorati i Përgjithshëm mbikëqyri nga afër procesin e inspektimit të kryer nga Drejtoria Rajonale e Inspektoratit Kombëtar të Mbrojtjes së Territorit (për mjedisin), si dhe nga Inspektorati Shtetëror Shëndetësor, Qarku Kukës, në dy subjekte të përzgjedhura në mënyrë rastësore: njëra në fushën e prodhimit dhe përpunimit të lëndëve inerte, dhe tjetra në aktivitetin e sh*tjes me pakicë të produkteve ushqimore dhe jo-ushqimore.

Gjatë mbikëqyrjes, vëmendja e Inspektoratit të Përgjithshëm u përqendrua te ndjekja e procedurave ligjore, sjellja korrekte dhe profesionale e inspektorëve, dokumentimi i plotë dhe i rregullt i çdo hapi, si dhe verifikimi i autorizimit të inspektimit dhe dokumentacionit shoqërues përkatës. Po ashtu, u monitorua përdorimi i mjeteve dhe pajisjeve të duhura të punës sipas standardeve, përfshirë mjetet e identifikimit zyrtar, formularët/aktet e nevojshme, pajisjet për regjistrimin dhe raportimin e të dhënave (përfshirë mjetet digjitale), si edhe pajisjet mbrojtëse kur kërkohet nga natyra e kontrollit. Të gjitha gjetjet dhe vlerësimet pasqyrohen në raportin e Inspektoratit të Përgjithshëm mbi performancën e trupës inspektuese, i cili shërben për analizë, përmirësim të standardeve dhe rritje të llogaridhënies.

**Inspektorati i Përgjithshëm realizon mbikëqyrje vetëm mbi trupën inspektuese dhe mënyrën se si zhvillohet procesi i inspektimit, për të garantuar integritetin, ligjshmërinë dhe zbatimin e standardeve. Ky monitorim synon transparencë maksimale, zbatim të njëjtë të procedurave për të gjithë dhe forcim të besimit publik te procesi i inspektimit.**

06/05/2026

Kualifikimi shumëdimensional i inspektorëve – drejt një qasjeje moderne dhe partneriteti me biznesin

Në kuadër të reformimit të thelluar të sistemit të inspektimit dhe përafrimit me standardet ndërkombëtare dhe ato të Bashkimit Evropian, po zbatohet një program i avancuar trajnimi që synon kualifikimin shumëdimensional të inspektorëve në Republikën e Shqipërisë.

Miratimi i Ligjit nr. 99/2024 “Për inspektimin në Republikën e Shqipërisë” shënon një hap të rëndësishëm drejt modernizimit të funksionit të inspektimit, duke vendosur një qasje të re që e zhvendos fokusin nga kontrolli tradicional drejt një modeli të integruar, ku ndërthuren zbatimi i ligjit, parandalimi, këshillimi dhe bashkëpunimi me subjektet ekonomike.

Në këtë kontekst, kualifikimi i inspektorëve nuk mund të kufizohet vetëm në njohjen e kuadrit ligjor dhe procedural. Ai kërkon një formim gjithëpërfshirës dhe shumëdimensional, që përfshin:

* zotërimin e thelluar të legjislacionit dhe standardeve teknike;
* zhvillimin e aftësive të buta, si komunikimi efektiv, menaxhimi i konflikteve dhe ndërtimi i besimit;
* përvetësimin e koncepteve dhe praktikave të lidhura me qëndrueshmërinë, përfshirë aftësitë e gjelbra dhe ndërgjegjësimin për ndikimin mjedisor të aktiviteteve ekonomike.

Ky dimension i ri i formimit profesional i mundëson inspektorëve të veprojnë jo vetëm si autoritete kontrolluese, por edhe si këshilltarë të besueshëm dhe partnerë të biznesit në përmbushjen e standardeve ligjore, mjedisore dhe etike. Një qasje e tillë kontribuon në përmirësimin e klimës së biznesit, rritjen e përputhshmërisë vullnetare dhe reduktimin e rasteve të shkeljeve.

Programi i trajnimit është konceptuar për të adresuar sfidat reale të hasura në terren dhe për të standardizuar praktikat e inspektimit, duke rritur njëkohësisht profesionalizmin, integritetin dhe efikasitetin e trupës inspektuese. Përmes metodave bashkëkohore dhe interaktive, synohet ndërtimi i një kulture institucionale moderne, ku inspektimi shihet si një proces transparent, i drejtë dhe i orientuar drejt zgjidhjes.
Ky investim në kapitalin njerëzor përfaqëson një element kyç për forcimin e shtetit ligjor, rritjen e cilësisë së shërbimeve publike dhe avancimin e integrimit evropian të vendit, duke konsoliduar një model të ri bashkëpunimi ndërmjet institucioneve dhe biznesit.

05/05/2026

Buletini i Inspektoratit të Përgjithshëm për muajin Prill 2026

29/04/2026

Inspektori i Përgjithshëm Z. Dashnor Sula mori pjesë në tryezën e organizuar nga Inspektorati Shtetëror i Punës dhe Shërbimeve Shoqërore me temë “ Vende Pune të Shëndetshme”.

Z. Sula përsëriti edhe njëherë rëndësinë e bashkëpunimit me Inspektoratet Qendore, rajonale e vendore dhe sidomos rëndësinë e standardizimit te inspektimeve përmes reformës ne zbatim te ligjit.