31/05/2026
Një përmbledhje e aktiviteteve kryesore:
🔹 Drejtori i Përgjithshëm i Doganave, Besmir Beja, së bashku me Ministrin e Financave, Petrit Malaj, vizituan Portin e Durrësit për të ndjekur masat e sezonit turistik dhe lehtësimin e procedurave kufitare.
🔹 Dogana Shqiptare mori pjesë në takimin e organizuar nga Bashkimi Europian mbi kontrollin e eksporteve të mallrave me përdorim të dyfishtë dhe forcimin e kontrolleve të armëve.
🔹 Përfaqësues të administratës doganore shkëmbyen eksperienca në Bruksel mbi digjitalizimin, automatizimin dhe analizën e të dhënave me administrata homologe europiane.
🔹 Administrata Doganore kontribuoi në forumin rajonal për inteligjencën detare dhe luftën kundër trafikut të narkotikëve në Mal të Zi, duke forcuar bashkëpunimin me institucionet homologe dhe partnerët ndërkombëtarë.
🔹 Porti i Sarandës priti anijen turistike LE BOREAL me 207 pasagjerë. Administrata Doganore vijon angazhimin për përballimin e fluksit në rritje të turistëve gjatë sezonit veror, duke kontribuar në një përvojë sa më të mirë për vizitorët që zgjedhin Shqipërinë.
🔹 Dogana Shqiptare mori pjesë në trajnimin e specializuar për hetimin e pastrimit të parave përmes tregtisë ndërkombëtare, në mbështetje të rritjes së kapaciteteve profesionale dhe luftës kundër krimit financiar.
🛃 Angazhim i vazhdueshëm për siguri, modernizim dhe bashkëpunim ndërkombëtar.
