Bashkia Shkodër

Bashkia Shkodër Kjo është faqja zyrtare e Bashkisë Shkodër

08/09/2026

Benet Beci

Që prej muajit mars, 11 gra, të punësuara si kujdestare sociale, janë çdo ditë pranë 23 të moshuarve që jetojnë vetëm në Shkodër. ❤️

Ato i ndihmojnë me punët e shtëpisë, përgatitjen e ushqimit, pazaret dhe nevojat e tjera të përditshme. Por kujdesi shkon përtej ndihmës praktike: është edhe prani, një bisedë, shoqëri dhe siguria se dikush është aty për ta.

Kësaj nisme i bashkohen edhe të rinjtë e Shkodrës përmes Act4Gjyshat, duke krijuar më shumë mundësi për shoqëri, komunikim dhe socializim. 🫶🏻

Një kujdes që bashkon brezat dhe u mundëson të moshuarve të vazhdojnë të jetojnë me më shumë siguri dhe dinjitet në shtëpitë e tyre.

Nëse je i ri dhe dëshiron të bëhesh pjesë e Act4Gjyshat dhe të kontribuosh në këtë nismë, mund të regjistrohesh këtu:
https://forms.gle/3azvifKyjCkb7hGd9

Sepse askush nuk duhet të ndihet vetëm. 🫂

Një çantë e re, një fillim i ri!Vazhdojmë me shpërndarjen e rreth 600 çantave shkollore për fëmijët dhe të rinjtë e fami...
08/09/2026

Një çantë e re, një fillim i ri!

Vazhdojmë me shpërndarjen e rreth 600 çantave shkollore për fëmijët dhe të rinjtë e familjeve që kanë më shumë nevojë për mbështetje.

Në prag të fillimit të vitit të ri shkollor, Bashkia Shkodër, në bashkëpunim me donatorë dhe partnerë të ndryshëm Hope For The World Hope for the World Foundation IJR Student Shkodër YEA - Young Entrepreneurs AlbaniaYEA - Young Entrepreneurs Albania, Kisha Guri i Themelit Shkodër, po sjell një ndihmë konkrete për familjet në të gjithë territorin e bashkisë.

Shpërndarja do të vijojë gjatë gjithë kësaj jave në rrjetin e Qendrave Komunitare, duke mundësuar që mbështetja të shkojë sa më pranë fëmijëve dhe familjeve.

Përtej një çante, kjo është një mënyrë për t'u thënë fëmijëve tanë se fillimi i shkollës duhet të jetë një moment gëzimi, mundësish dhe shprese për të gjithë, pavarësisht vështirësive ekonomike të familjes.

Faleminderit të gjithë donatorëve dhe partnerëve që u bënë pjesë e kësaj nisme dhe që na ndihmojnë ta nisim vitin shkollor me më shumë buzëqeshje. ❤️

Një çantë sot, më shumë mundësi nesër.

06/09/2026

Benet Beci

🏊‍♂️🚴‍♂️🏃‍♂️ Mes ujërave të Liqenit të Shkodrës, peizazhit piktoresk të Shirokës dhe energjisë së sportistëve, u zhvillua edicioni i 14 i Triatlonit “Labeat”.

Një garë që ndërthur notin, çiklizmin dhe vrapimin, duke bashkuar në Shkodër pjesëmarrës nga Shqipëria dhe vendet e rajonit. Numri gjithnjë në rritje i sportistëve dëshmon se ky aktivitet është kthyer tashmë në një traditë të bukur dhe të rëndësishme për qytetin tonë.

Triatloni “Labeat” është më shumë se një sfidë sportive. Ai promovon jetën aktive dhe nxjerr në pah potencialin e jashtëzakonshëm që kanë Shiroka dhe Liqeni i Shkodrës për zhvillimin e turizmit dhe sporteve në natyrë.

Bashkia Shkodër do të vijojë të mbështesë aktivitete që gjallërojnë qytetin, afrojnë të rinjtë me sportin dhe e bëjnë Shkodrën një destinacion gjithnjë e më tërheqës.

Të dielën, më 6 shtator, nga ora 09:00 deri në 11:00, aksi rrugor nga Shiroka në Zogaj do të jetë i bllokuar për qarkull...
05/09/2026

Të dielën, më 6 shtator, nga ora 09:00 deri në 11:00, aksi rrugor nga Shiroka në Zogaj do të jetë i bllokuar për qarkullimin e automjeteve, për shkak të zhvillimit të aktivitetit sportiv “Triathlon Labeat 2026”.

Ftojmë drejtuesit e mjeteve të shmangin lëvizjen në këtë segment gjatë fashës së përcaktuar dhe të përdorin rrugë alternative.

Ju falënderojmë për mirëkuptimin dhe bashkëpunimin! 🚴🏊🏃

05/09/2026

Benet Beci

Me këto pamje të rralla nga vizita e Nënë Terezës në Shkodër, në vitin 1991, përkujtojmë 10-vjetorin e shenjtërimit të saj.

Një bijë e kombit shqiptar që, me dashurinë dhe përkushtimin ndaj më të dobëtëve, u bë simbol i mirësisë dhe shpresës për mbarë njerëzimin.

Shkodra e kujton me krenari dhe mirënjohje Shën Terezën, veprën dhe mesazhin e saj të përjetshëm. 🙏

“Jo të gjithë mund të bëjmë gjëra të mëdha, por mund të bëjmë gjëra të vogla me dashuri të madhe.”
— Nënë Tereza

🎨 Programet e Edukimit 2026 vijnë këtë vit me një këndvështrim të veçantë mbi ndikimin e pikturës dhe imazhit në formësi...
03/09/2026

🎨 Programet e Edukimit 2026 vijnë këtë vit me një këndvështrim të veçantë mbi ndikimin e pikturës dhe imazhit në formësimin e gjuhës vizuale të kinematografisë shqiptare.

I ftuar në këtë takim do të jetë artisti dhe piktori Astrit Tota, i cili do të ndajë me publikun përvojën, kujtesën dhe trashëgiminë piktorike, tashmë historike, të filmit shqiptar.

📅 Nesër
🕥 Ora 10:30
📍 Galeria e Arteve Shkodër

Ju mirëpresim! 🎬🎨

02/09/2026

📍 Në Njësinë Administrative Rrethina ka nisur asfaltimi i segmentit rrugor 2.4 km që lidh rrugën nacionale, nga zona e Dobraçit dhe Golemit, me Postribën. Një investim i rëndësishëm që u shërben mbi 1,000 familjeve të zonës.

01/09/2026

Benet Beci

🎭 Teatri “Migjeni” çel sezonin e ri artistik me përgatitjet për shfaqjen më të re të estradës shkodrane.

Nën regjinë e Zehrudin Dokles, në skenë do të ngjiten mjeshtrat e humorit Besnik Çinari, Zyliha Miloti, Drande Xhaj dhe Agron Dizdari, së bashku me Fritz Selmanin dhe talentet e reja. Muzika dhe interpretimet e Rezarta Smajës e Laorjan Ejllit do t’i japin shfaqjes edhe më shumë emocion e gjallëri.

Suksese drejtorit Gerti Palali, aktorëve dhe gjithë ekipit të Teatrit “Migjeni”! Mezi presim premierën! ❤️🎭

31/08/2026

Benet Beci

Një nismë e re për një Shkodër më të pastër! ♻️

Çdo të enjte, nga ora 08:00 deri në 12:00, Bashkia Shkodër do të grumbullojë orenditë dhe sendet e vjetra që qytetarët duan të largojnë nga banesat e tyre.

Kjo nismë synon t’u vijë në ndihmë banorëve dhe të zgjidhë problematikën e vazhdueshme të hedhjes së orendive pranë kontenierëve jashtë një orari të përcaktuar.

Ju ftoj të respektoni ditën dhe fashën orare të grumbullimit. Hedhja e tyre jashtë këtij orari do të shoqërohet me penalitete sipas rregullave në fuqi.

Bashkëpunimi i secilit prej nesh është i domosdoshëm për ta mbajtur Shkodrën të pastër! 🙏

30/08/2026

Benet Beci

Mirëmëngjes nga lumi i Shalës, një perlë e natyrës! 💙 Të diel të bukur! ☀️

Address

Shkodër

Opening Hours

Monday 08:00 - 16:30
Tuesday 08:00 - 16:30
Wednesday 08:00 - 16:30
Thursday 08:00 - 16:30
Friday 08:00 - 16:30

Telephone

+355676878691

Website

Alerts

Be the first to know and let us send you an email when Bashkia Shkodër posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Bashkia Shkodër:

Shortcuts

Share

Category