What are the opening hours?

Monday 08:00 - 16:30 Tuesday 08:00 - 16:30 Wednesday 08:00 - 16:30 Thursday 08:00 - 16:30 Friday 08:00 - 14:00

Drejtoria Rajonale Punësimit Shkodër

Home
Albania
Shkodër
Drejtoria Rajonale Punësimit Shkodër

Shërbimet që ofrohen nga ZP për punëkërkuesit & për punëdhënësit, ofrohen në bazë të Ligjit Nr.15/2018 “Për nxitjen e punësimit”.

Agjencia Kombetare e Punesimit dhe Aftesive ofron sherbimet nepermjet : Drejtorive Rajonale te Punesimit (DRP) & Zyrave Vendore te Punesimit (ZVP)

* PUNËKËRKUES
Informacione dhe keshillim, Udhezime per punesim, Pjesemarrje ne nje trajnim, Sherbime te tjera ndermjetesimi.

* PUNËDHËNËS
Publikimi i vendeve te lira, Sherbime profesionale rekrutimi, Mbeshtetje per punesim (programe te nxitjes se punesimi) etj..

12/06/2026

📢 Pjesëmarrja e Zyrës Vendore të Punësimit Shkodër në Panairin e Punësimit për Personat me Aftësi të Kufizuara

👉Zyra Vendore e Punësimit Shkodër mori pjesë në Panairin e Punësimit për Personat me Aftësi të Kufizuara, të organizuar nga Caritas Shqiptar në kuadër të projektit P.O.W.E.R. (People with Disabilities – New Opportunities for Work, Employability and Professional Rehabilitation), i zhvilluar në Berane, Mali i Zi.

🖲️Ky aktivitet mblodhi së bashku institucione publike, organizata të shoqërisë civile, përfaqësues të biznesit dhe persona me aftësi të kufizuara, me synim promovimin e mundësive për punësim, vetëpunësim dhe përfshirje sociale.

💼Gjatë aktivitetit, Zyra Vendore e Punësimit Shkodër prezantoi shërbimet dhe programet që ofron për mbështetjen e punësimit të personave me aftësi të kufizuara, duke theksuar rëndësinë e bashkëpunimit ndërinstitucional dhe krijimit të një tregu pune gjithëpërfshirës, ku secili individ ka mundësi të barabarta për të kontribuar dhe zhvilluar potencialin e tij.

🤝Falënderojmë Caritas Shqiptar për organizimin e këtij aktiviteti të rëndësishëm dhe për angazhimin e vazhdueshëm në promovimin e përfshirjes sociale dhe ekonomike të personave me aftësi të kufizuara.

08/06/2026

👉 Në vijim të angazhimit tonë për të mbështetur të rinjtë në zhvillimin e tyre profesional dhe integrimin në tregun e punës, zhvilluam një takim orientues me studentët e Fakultetit të Shkencave Shoqërore, në bashkëpunim me Universitetin “Luigj Gurakuqi”.

💼Gjatë këtij takimi, informuam studentët mbi procedurat e regjistrimit si punëkërkues dhe mënyrën e aplikimit në sistemin e shërbimeve të punësimit, duke ofruar udhëzime praktike për aksesimin e mundësive që ofron Zyra e Punës. 🖥️

✔️Gjithashtu, prezantuam programet aktive të punësimit dhe mbështetjen që ato ofrojnë për të rinjtë, me qëllim lehtësimin e përfshirjes së tyre në tregun e punës dhe krijimin e mundësive konkrete për zhvillim profesional.

🤝Përmes këtij aktiviteti synuam të rrisim informimin dhe ndërgjegjësimin e studentëve mbi shërbimet dhe programet tona, duke ndërtuar ura bashkëpunimi mes formimit akademik dhe mundësive për karrierë. 🎯🎓

03/06/2026

📍 Shkodër | Garancia Rinore më pranë të rinjve

👉Në kuadër të zbatimit të Garancisë Rinore, Zyra Vendore e Punësimit Shkodër, Qendra e Formimit Profesional Shkodër dhe partnerët e projektit EU4Youth zhvilluan një sesion informues me nxënës të shkollës “Liria”.

💼Gjatë aktivitetit, të rinjtë u njohën me mundësitë që ofron Garancia Rinore në fushën e punësimit, formimit profesional, këshillimit dhe orientimit në karrierë, si dhe me shërbimet mbështetëse që synojnë të lehtësojnë kalimin nga shkolla drejt tregut të punës.

Aktivitete të tilla janë veçanërisht të rëndësishme për të siguruar që çdo i ri, pavarësisht rrethanave sociale apo ekonomike, të ketë akses në informacion, mbështetje dhe mundësi për zhvillimin e potencialit të tij.

🤝 Së bashku për më shumë mundësi dhe një të ardhme më të mirë për të rinjtë.

01/06/2026

🤝 Takim informues me anëtarët e Shoqatës Para-Tetraplegjikëve Dega Shkodës.

👉U zhvillua një takim me përfaqësues dhe anëtarë të Shoqatës Para-Tetraplegjikëve Dega Shkodër, me qëllim informimin mbi programet dhe shërbimet që ofron Zyra e Punës, si dhe forcimin e bashkëpunimit ndërinstitucional.

Gjatë takimit u prezantuan:
✅ Programet e punësimit dhe formimit profesional
✅ Mundësitë e vetëpunësimit dhe mbështetjes financiare për bizneset e vogla
✅ Shërbimet e ndërmjetësimit në punë
✅ Mundësitë që ofrohen për përfshirjen dhe fuqizimin ekonomik të personave me aftësi të kufizuara

💼Takimi shërbeu gjithashtu për të diskutuar mënyra konkrete bashkëpunimi dhe referimi, me synimin për të rritur aksesin e anëtarëve të shoqatës në programet aktive të tregut të punës dhe në mundësitë për integrim ekonomik e social.

29/05/2026

🤝 Takim bashkëpunues me administratorët shoqërorë të Bashkia Shkodër dhe specialistë të qendrave komunitare për familjen.

💼Në kuadër të forcimit të bashkëpunimit institucional dhe përmirësimit të referimit të qytetarëve drejt shërbimeve të punësimit, u zhvillua një takim informues me administratorët shoqërorë dhe specialistë të qendrave komunitare për familjen.

👉Gjatë takimit u prezantuan programet dhe mundësitë që ofron Zyra e Punës Shkodër, me fokus të veçantë në:

✅ Programet e vetëpunësimit
✅ Nxitjen e punësimit dhe formimin profesional
✅ Informimin dhe mbështetjen për kategoritë vulnerabël

Përmes këtij bashkëpunimi synojmë të krijojmë më shumë mundësi integrimi, zhvillimi dhe mbështetje konkrete për qytetarët në nevojë. 🤝

28/05/2026

📢 Në kuadër të orientimit për karrierë zhvilluam takime informuese në ambientet e Shkolles Sherif Hoxha, Malësi e Madhe, Kolë Idromeno dhe Luce Ograja Dajç ku nxënësit u njohën mbi mundësitë për punësim, trajnim dhe zhvillim profesional.

👉Nxenesit u informuan dhe asistuan për regjistrimin si punëkërkues në portalin E-Albania 💻, duke i ndihmuar të hedhin hapa konkretë drejt tregut të punës 💼

✔ Gjithashtu u njohën me programin “Garancia Rinore”, një mundësi konkrete për të rinjtë që synojnë të ndërtojnë të ardhmen e tyre përmes punësimit, trajnimeve dhe sipërmarrjes.

26/05/2026

🖲️Në Fushë-Arrëz pranë QSNNN ka nisur kursi i kodimit, ku 30 të rinj do të kenë mundësinë të zhvillojnë aftësitë e tyre në teknologji dhe programim, duke u përgatitur për mundësi të reja në tregun e punës.

🤝Në kuadër të aktiviteteve u zhvilluan edhe vizita në biznese lokale, si Uji Lajthiza, Guest House Stani i Lush*t dhe Uji Puka, me qëllim njohjen nga afër të modeleve të suksesshme të punësimit dhe zhvillimit lokal.

💻 Këto aktivitete synojnë fuqizimin e të rinjve përmes aftësimit profesional, orientimit në karrierë dhe krijimit të urave të bashkëpunimit me bizneset lokale.

25/05/2026

👉Ne Zyrën e Punës u zhvillua një takim bashkëpunues me ekipin e projektit Youth Can, i zbatuar nga SOS Fshatrat e Fëmijëve Shqipëri.

🖲️Gjatë takimit u prezantua projekti dhe u diskutua mbi rëndësinë e forcimit të bashkëpunimit institucional me aktorët lokalë në Shkodër, me synim krijimin e partneriteteve të qëndrueshme në mbështetje të të rinjve.

🎯 Projekti Youth Can synon fuqizimin e të rinjve përmes zhvillimit të aftësive personale dhe profesionale, si dhe mbështetjes emocionale, duke i përgatitur për një të ardhme më të qëndrueshme dhe të suksesshme.

🤝 Bashkëpunime të tilla kontribuojnë në krijimin e më shumë mundësive për zhvillim, integrim dhe përfshirje aktive të të rinjve në tregun e punës dhe në jetën sociale.

22/05/2026

📍Shkodër | Takimi i parë i Rrjetit të Partneritetit Vendor për Garancinë Rinore

Më 19 maj u zhvillua në Shkodër takimi i parë koordinues i Rrjetit të Partneritetit Vendor (RrPV), duke bashkuar institucione publike, organizata të shoqërisë civile dhe aktorë lokalë në zbatimin e Garancisë Rinore.

RrPV synon të angazhojë të gjithë aktorët vendor në identifikimin, aktivizimin, orientimin dhe referimin e të rinjve jo në arsim, punësim apo trajnim (NEET) drejt mundësive konkrete për punësim, arsimim dhe zhvillim profesional.

Gjatë takimit u diskutuan rolet e partnerëve dhe hapat e mëtejshëm për rritjen e efektivitetit e rrjetit, me synimin e përbashkët për t’u ofruar të rinjve mbështetje më të koordinuar dhe mundësi më të mira për integrim social dhe ekonomik.

🤝 Së bashku për më shumë mundësi për të rinjtë.

21/05/2026

📍Takim në Pukë me kryetarin e Bashkisë, z. Rrok Dodaj, me fokus forcimin e bashkëpunimit në drejtim të punësimit, vetëpunësimit dhe promovimit të programeve të nxitjes së punësimit për punëkërkuesit e papunë.

Gjatë vizitës zhvilluam takime edhe te Qendra e Formimit Profesional dhe me punëkërkues të papunë, ku krahas kurseve të tjera te formimit profesional do të filloje edhe kursi i radhës për aftësi digjitale, duke krijuar më shumë mundësi për zhvillim profesional dhe integrim në tregun e punës.

Po ashtu, u zhvilluan takime me bizneset e zonës që bashkëpunojnë me Zyrat e Punës, me fokus rritjen e mundësive të punësimit, mbështetjen e bizneseve përmes programeve aktive të tregut të punës dhe forcimin e partneritetit mes institucioneve dhe sektorit privat.

🤝 Bashkëpunimi institucional dhe angazhimi i përbashkët mbeten çelësi për më shumë mundësi pune, zhvillim ekonomik dhe mbështetje për qytetarët e zonës.

Address

Shkodër
4001

Opening Hours

Monday	08:00 - 16:30
Tuesday	08:00 - 16:30
Wednesday	08:00 - 16:30
Thursday	08:00 - 16:30
Friday	08:00 - 14:00

Telephone

+35522800040

Website

http://www.puna.gov.al/

Alerts

Be the first to know and let us send you an email when Drejtoria Rajonale Punësimit Shkodër posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Drejtoria Rajonale Punësimit Shkodër:

Shortcuts

Address
Telephone
Opening Hours
Alerts
Contact The Organization
Claim ownership or report listing

Want your organization to be the top-listed Government Service in Shkodër?