Këshilli i Qarkut Shkodër

Këshilli i Qarkut Shkodër Kjo është faqja zyrtare e Këshillit te Qarkut Shkodër. Qarku i Shkodres perfshin rrethet Shkoder, Puke, Malesi e Madhe te cilat nuk jane njesi administrative

14/09/2026

Pas 30 vitesh, u riktheva aty ku nisi pjesa kryesore e rrugëtimit tim ne arsim.
Në shkollën 9-vjeçare “Pashko Vasa”, ne ate banke, ne ate klase ku dikur isha nxënës, sot u ktheva me një emocion krejt tjetër, për të uruar vogëlushët që po hedhin hapat e parë në botën e dijes.
Mes buzëqeshjeve, kureshtjes dhe emocioneve të ditës së parë, u urova fëmijëve një vit të mbarë shkollor, plot dije, miqësi, ëndrra dhe suksese. 🎒📚
Dhe, si një kujtim i vogël për këtë ditë të madhe, dhurova për secilin prej tyre disa pajisje shkollore, me dëshirën që çdo fëmijë ta nisë këtë rrugëtim me gëzim dhe besim.
Shkolla mbetet një nga vendet më të bukura ku formohen ëndrrat. Të rikthehesh pas 30 vitesh në bankat ku ke mësuar, është një emocion që vështirë të përshkruhet me fjalë. Uroj nga zemra të gjithë nxënësit, mësuesit dhe prindërit për një vit të ri shkollor të mbarë, të suksesshëm dhe plot dije!
Le të jetë ky një vit ku çdo fëmijë të ketë mundësinë të mësojë, të ëndërrojë dhe të besojë te vetja. 📚 Suksese, vogëlushë!
Rruga juaj sapo ka nisur.

Sot pata kënaqësinë të pres në një takim miqësor z. Burhan Vajushi, ish-drejtues të arsimit dhe një mësues me kontribut ...
27/08/2026

Sot pata kënaqësinë të pres në një takim miqësor z. Burhan Vajushi, ish-drejtues të arsimit dhe një mësues me kontribut të vyer shumëvjeçar në sistemin arsimor të Shkodrës.Edhe pse sot jeton në SHBA, lidhja me Shkodrën dhe arsimin e saj mbetet e fortë. E shfrytëzova ardhjen e tij në qytetin tonë për të ndarë një bisedë të ngrohtë, kujtime dhe vlerësime për kontributin e tij ndër vite.
Në shenjë respekti dhe mirënjohjeje, pata kënaqësinë t’i dhuroj tre botime të Këshillit të Qarkut Shkodër, si një mënyrë për t’i përcjellë edhe një pjesë të historisë, punës dhe trashëgimisë së institucionit që përfaqësoj. Mirënjohje për njerëzit që kanë dhënë nga vetja për Shkodrën dhe brezat e saj!

26/08/2026

Mes maleve⛰️ madhështore dhe ujërave të kristalta, një nga thesaret më të bukura të Shqipërisë të fton ta përjetosh nga afër, Lumi i Shalës!
Zbuloni magjinë e një prej perlave më të bukura të Shqipërisë🇦🇱

21/08/2026

Prej disa ditësh, Puka po përballet me vatra zjarresh në disa fshatra, të cilat kanë shkaktuar dëme të konsiderueshme në kurorën e gjelbër dhe në pasurinë natyrore të zonës. Në këto momente të vështira, shpreh mirënjohjen dhe vlerësimin tim për të gjitha strukturat që janë angazhuar në përballimin e situatës: Emergjencat Civile, Bashkinë Pukë, Prefekturen, Forcat e Armatosura, Shërbimet e zjarrfikësve, strukturat e tjera të institucioneve, si dhe mbi të gjitha komunitetin, i cili ka qenë në krah të forcave në terren.
Ky është një moment për të qenë të gjithë bashkë dhe për të mbrojtur atë që na përket të gjithëve: pyjet, natyrën dhe pasurinë e jashtëzakonshme të qarkut tonë.
Apeli im është i drejtpërdrejtë:
TË MBROJMË PYJET! MOS NDIZNI ZJARRE!
Një pakujdesi e vogël mund të kthehet në një tragjedi të madhe. Zjarri nuk njeh kufij dhe pasojat e tij mund të jenë të pakthyeshme. Le të tregojmë përgjegjësi dhe kujdes në këto ditë me temperatura përvëluese.

📍 Në Vaun e Dejës, së bashku me Zëvendëskryeministren Albana Koçiu, prefekten Holta Duda, kryebashkiakun Kristian Shkrel...
30/07/2026

📍 Në Vaun e Dejës, së bashku me Zëvendëskryeministren Albana Koçiu, prefekten Holta Duda, kryebashkiakun Kristian Shkreli, drejtues vendorë dhe banorë përfitues, zhvilluam një takim mbi ecurinë e programit "Paketa e Maleve", një nga nismat më të rëndësishme për zhvillimin e zonave malore dhe fuqizimin e ekonomisë lokale.

Interesi i madh që ky program ka zgjuar në të gjithë vendin, me mbi 1,200 aplikime, tregon se shqiptarët duan të investojnë, të punojnë dhe të ndërtojnë të ardhmen në vendin e tyre. "Paketa e Maleve" është një mundësi reale për familjet, fermerët, sipërmarrësit lokalë dhe shqiptarët e diasporës që të zhvillojnë pronat dhe potencialin ekonomik të zonave tona. Ky program nuk është për privilegje, por për njerëzit që prej vitesh jetojnë, punojnë dhe kontribuojnë në këto komunitete. Si Kryetar i Këshillit të Qarkut Shkodër, shpreh mbështetjen e plotë për çdo iniciativë që nxit zhvillimin e qëndrueshëm, krijimin e vendeve të reja të punës, promovimin e turizmit malor dhe mbajtjen gjallë të këtyre zonave me potenciale.

Dua te ndaj me ju nje nisme, qe do i sherbej ne te ardhmen gjithe komunitetit te qarkut Shkoder. Zhvilluam sot takimin p...
14/07/2026

Dua te ndaj me ju nje nisme, qe do i sherbej ne te ardhmen gjithe komunitetit te qarkut Shkoder. Zhvilluam sot takimin prezantues të projektit "Zëri im, e ardhmja ime", një projekt pilot që po zbatohet në bashkëpunim me SOS Fshatrat e Fëmijëve Shqipëri. Ky projekt synon të ofrojë shërbime logopedike për fëmijët në rrezik social, duke mbështetur zhvillimin e komunikimit të tyre dhe duke përfshirë në mënyrë aktive edhe prindërit e kujdestarët në këtë proces. Është një investim i drejtpërdrejtë tek fëmijët, tek mirëqenia e tyre dhe tek e ardhmja e komunitetit tonë. Si Këshill i Qarkut Shkodër, besojmë se çdo fëmijë meriton mundësi të barabarta për t'u zhvilluar dhe për të realizuar potencialin e tij. Pikërisht për këtë arsye, partneritete të tilla mes institucioneve publike dhe organizatave me përvojë janë thelbësore për ndërtimin e shërbimeve sociale më cilësore, më të aksesueshme dhe të qëndrueshme. Jam i bindur se kjo nismë do të sjellë rezultate konkrete dhe shpresojmë që, në të ardhmen, ta shtrijmë këtë model edhe në njësitë e tjera të Qarkut Shkodër, për t'u ardhur në ndihmë sa më shumë fëmijëve dhe familjeve.

Zhvilluam sot mbledhjen e radhës të Këshillit të Qarkut Shkodër, ku miratuam një sërë vendimesh të rëndësishme për ecuri...
07/07/2026

Zhvilluam sot mbledhjen e radhës të Këshillit të Qarkut Shkodër, ku miratuam një sërë vendimesh të rëndësishme për ecurinë e institucionit dhe planifikimin e zhvillimit të qarkut tonë. Në fokus të diskutimeve ishin përcaktimi i prioriteteve të reja të Këshillit të Qarkut, ndryshimet në buxhetin e vitit 2026 dhe Programin Buxhetor Afatmesëm 2026–2028, si dhe orientimet strategjike për periudhën 2027–2029. Gjithashtu, u miratua raporti i monitorimit të zbatimit të buxhetit për periudhën janar–prill 2026, një proces i rëndësishëm për garantimin e transparencës, përgjegjshmërisë dhe përdorimit sa më efektiv të burimeve publike. Një moment me rëndësi të veçantë ishte vendimi i marrë me votim të fshehtë për propozimin për shpalljen “Dëshmor i Atdheut”, pas vdekjes, të gjyqtarit Astrit Kalaja, i cili humbi jetën në krye të detyrës. Një vlerësim i merituar për sakrificën e tij dhe përkushtimin në shërbim të drejtësisë. Vijojmë punën me përgjegjësi dhe përkushtim për një Qark më të zhvilluar, me më shumë bashkëpunim dhe me vendimmarrje që i shërben interesit të qytetarëve.

01/07/2026

Tryeza Rajonale mbi Perspektivat e Zhvillimit të Turizmit 2026 qarku Shkoder!

Organizuam "Tryezën Rajonale mbi Perspektivat e Zhvillimit të Turizmit 2026",ku patëm mundësinë të diskutojmë me përfaqë...
30/06/2026

Organizuam "Tryezën Rajonale mbi Perspektivat e Zhvillimit të Turizmit 2026",ku patëm mundësinë të diskutojmë me përfaqësues të institucioneve qendrore, vendore dhe sektorit privat mbi vizionin e përbashkët për zhvillimin e turizmit në Qarkun e Shkodrës. Potenciali i jashtëzakonshëm natyror, kulturor dhe historik që ofron qarku Shkodër, kërkon bashkëpunim, promovim profesional dhe investime të qëndrueshme, për ta kthyer rajonin tonë në një destinacion konkurrues gjatë gjithë vitit. Faleminderit të gjithë pjesëmarrësve për kontributin që japin në këte sektor, për idetë dhe sugjerimet qe i sherbejnë përmirësimit të ofrimit të shërbimeve.
Së bashku ndërtojmë një të ardhme më të fortë për turizmin dhe zhvillimin e rajonit tonë.

Address

Shkodër
4001

Opening Hours

Monday 08:00 - 16:30
Tuesday 08:00 - 16:30
Wednesday 08:00 - 16:30
Thursday 08:00 - 16:30
Friday 08:00 - 16:30

Website

Alerts

Be the first to know and let us send you an email when Këshilli i Qarkut Shkodër posts news and promotions. Your email address will not be used for any other purpose, and you can unsubscribe at any time.

Shortcuts

Share

Category