Biblioteka Shkencore e Universitetit "Luigj Gurakuqi" Shkoder

Biblioteka Shkencore e Universitetit "Luigj Gurakuqi" Shkoder XVI. Biblioteka austriake që në vitn 2000 zë një hapësirë të veçantë në mjediset e BUSH .

Biblioteka Shkencore e Universitetit të Shkodrës "Luigj Gurakuqi" është në shërbim të lexuesve (studentë e pedagogë) gjithashtu edhe për komunitetin që nuk është pjesë e Universitetit. Biblioteka e Universitetit të Shkodrës “Luigj Gurakuqi” ka filluar veprimtarinë e saj që me krijimin e Institutit Pedagogjik në vitin 1957,me një fond prej 1000 librash,këto kryesisht në shqip.Sot kjo bibliotekë ka

një fond prej 150.000 librash të rregjistruar në katalog elektronik.Fondet e bibliotekës, në gjuhën shqipe dhe në gjuhë të huaj,mbulojnë me literaturë të gjitha fakultetet e universitetit. Biblioteka zotëron koleksione të pasura si :fondin albano- ballkanologjik,fondin shqip & të shkencave filologjike të albanologjisë,fondin e huaj,bibliotekën austriake,fondin e periodikut,revistave,gazetave dhe fondin e fakulteteve. Vlen të cilësohet se fondi më me vlerë është fondi albano- ballkanologjik.Në këtë fond ndodhet edhe antikuari mjaft i çmuar i kësaj biblioteke (njëkohësisht një ndër më të mirët në Shqipëri) i përbërë nga 32 libra të rrallë të botuar që në shek. Fondi i vjetër është në proçes digjitalizimi për të siguruar jetëgjatësinë e tij si dhe njëkohësisht për ta bërë atë sa më të disponueshëm për studiuesit e lexuesit në përgjithësi.Ky është një process që vazhdon. Fondi libër në sallën e fakulteteve i përket fushave : Psikologji, Sociologji, Filozofi, Didaktikë, Monografi, Etnografi, Histori, Gjeografi, Gjuhësi, Letërsi, Kimi, Biologji,Fizikë, Matematikë, Informatikë, Teknikë, Juridik, Politikë, Besim fetar, Art, Kulturë, Muzikë, Sport, etj. Fondi i saj përmban rreth 6500 libra të rregjistruar në katalog elektronik ,videokaseta,
DVD si dhe periodikë.Fondi i kësaj biblioteke shtohet nga viti në vit dhe është dhuratë e Ministrisë Federale të Punëve të Jashtme të Austrisë. Godina aktuale e bibliotekës është përfunduar së ndërtuari në vitin 2006. Ajo ka një sipërfaqe prej 3000 m2, është e pajisur me rafte librash që në total kanë një gjatësi 8 km linear dhe një kapacitet mbajtës deri në 400 mijë libra.Mobilimi i bibliotekës dhe sistemi i ngrohjes janë dhuratë e Qeverisë Austriake
Biblioteka Universitare Shkencore ofron shërbim ndaj pedagogëve ,studentëve dhe klientëve të jashtëm përmes sportelit të huazimit,sportelit të informacionit, mediatekës,e cila është e pajisur me 30 vende multimedia(kompjuterat e kësaj salle janë dhuratë e e Qeverisë Austriake dhe e Universitetit të Firences),si dhe tri sallave të leximit me afërsisht 300 vende leximi ku lexuesit e studiuesit mund të lexojnë e shfletojnë literaturë në kushte qetësie. Në godinën e bibliotekës është e përfshirë edhe salla e konferencave
„Hoeflechner”,mjaft bashkëkohore , me një kapacitet 100 vende e cila mundëson zhvillimin e një sërë aktivitetesh të karakterit akademik,mësimdhënës apo promovues.

QSPA pasuron Fondin e Bibliotekës Shkencore të Universitetit "Luigj Gurakuqi" , me libra të rinj. Një vepër me vlera p...
17/07/2026

QSPA pasuron Fondin e Bibliotekës Shkencore të Universitetit "Luigj Gurakuqi" , me libra të rinj.

Një vepër me vlera për fondin e Bibliotekës Shkencore është libri "Fjalori krahasues arbërisht–italisht dhe italisht–arbërisht" të autorit Mario Massaro, një botim me rëndësi të veçantë për studimet gjuhësore dhe kulturën arbëreshe.

Ky fjalor dygjuhësh përbën një burim të vyer për studiuesit, studentët dhe të gjithë të interesuarit për gjuhën arbëreshe, duke ofruar një pasuri leksikore të shoqëruar me të dhëna gramatikore, semantike dhe frazeologjike.

Biblioteka Shkencore shpreh mirënjohjen e saj ndaj Qendrës së Studimeve dhe Publikimeve për Arbëreshët (QSPA) për dhurimin e këtij botimi me vlerë, i cili pasuron fondin tonë dhe mbështet kërkimin shkencor në fushën e albanologjisë dhe studimeve arbëreshe.

Çdo libër i dhuruar është një kontribut i çmuar për ruajtjen, promovimin dhe zhvillimin e dijes.

Në fjalën hyrëse, përgatitur nga Prof. asoc. dr. Djana Kastrati, Drejtore Ekzekutive e QSPA-së, fjalori na paraqitet si një kod leksikor i përgjithshëm i arbërishtes në ditët tona.

Fjalori është dykahësh: arbërisht–italisht dhe italisht–arbërisht. Ai përbëhet nga tri pjesë: dy pjesët kryesore me fjalësin në të dy drejtimet dhe një apendiks me përshkrimin e sistemit foljor dhe të parafjalëve e ndajfoljeve të arbërishtes së Kazallveqit dhe Qeftit. Leksiku përfshin kryesisht fjalë të përdorimit të përditshëm, të renditura alfabetikisht.

Përveç përkthimit të lemave, autori jep edhe shprehje frazeologjike, togfjalësha të qëndrueshëm, sinonime dhe perifrazime, duke e pasuruar informacionin leksikor.

Çdo lemë shoqërohet me të dhëna leksiko-gramatikore, si klasa e fjalës dhe kategoritë gramatikore.

Fjalori synon të pasqyrojë arbërishten bashkëkohore dhe t'u japë më shumë hapësirë fjalëve me përdorim të gjerë.

Njësitë leksikore trajtohen si njësi të pavarura dhe më pas në marrëdhëniet e tyre paradigmatike e sintagmatike.

Në këtë fjalor raporti midis njësisë leksikore (fjalës) dhe njësisë semantike (kuptimit) është afërsisht 1 : 2, që tregon se shumë fjalë kanë më shumë se një kuptim, duke u bërë një burim i rëndësishëm për studimin dhe përdorimin e arbërishtes.



Në vijim po Ju njohim edhe me librat e tjerë të rinj.

Qendra e Studimeve dhe Publikimeve për Arbëreshët

📚 NJOFTIM 📚 Biblioteka Shkencore e Universitetit “Luigj Gurakuqi” është pasuruar me një fond të ri botimesh shkencore, s...
20/05/2026

📚 NJOFTIM 📚

Biblioteka Shkencore e Universitetit “Luigj Gurakuqi” është pasuruar me një fond të ri botimesh shkencore, studimore dhe letrare, të cilat do të vihen në dispozicion të studentëve, pedagogëve, studiuesve dhe lexuesve të interesuar.

Ndër titujt e rinj të shtuar në fondin e bibliotekës janë:

▪️ Shqipëria veriore 1878–1918 dhe impakti i fuqive evropiane
▪️ Papusile-n concediu – Luan Topçiu, Renata Topçiu
▪️ Frikë nga numrat e vegjël – Arjun Appadurai
▪️ Faqja një brënda New York Times – David Folkenflik
▪️ Flu si të njohësh të vërtetën… – Instituti Shqiptar i Medias
▪️ Trajtimi i çështjeve sociale në … – Instituti Shqiptar i Medias
▪️ Gazetaria 2.0 – Riccardi Stagliano
▪️ Vizitë me cicëron në muzeun … – Slavenka Drakulić
▪️ E drejta për të treguar – Instituti i Bankës Botërore
▪️ Gazetaria politike – Raymond Kuhn
▪️ Si të krijosh një zyrë shtypi – Francesco Pira
▪️ Media, shoqëria, bota – Nick Couldry
▪️ Legjislacioni i medias në Shqipëri – Instituti Shqiptar i Medias
▪️ Raportimi i drejtë dhe i balancuar i zgjedhjeve – Henrik Keith Hansen
▪️ Bodrumi i Al Babait – Valerio Pellizzari
▪️ Gazetaria profesionale… – Organizata e Kombeve të Bashkuara
▪️ Monografi gjuha shqipe – Stravri S. Trako
▪️ Uibire si omul cu aripi – Visar Zhiti
▪️ Albanica 29 – red. Luan Topçiu
▪️ Albanie – Luan Topçiu
▪️ Scurta istorie a Albaniei si a… – Nicolae Iorga
▪️ Mitrush Kuteli in Romania – Marius Chelaru
▪️ Proza Albaneza – Marius Chelaru

📖 Këto botime pasurojnë më tej fondin e bibliotekës në fusha të ndryshme të dijes dhe kontribuojnë në mbështetjen e kërkimit shkencor, studimeve akademike dhe kulturës së leximit.

Ju mirëpresim pranë Bibliotekës Shkencore të Universitetit “Luigj Gurakuqi”!

Në kuadër të vizitës në Shkodër të përfaqësuesve të Lidhjes së Shqiptarëve të Rumanisë (ALAR), në Bibliotekën Shkencor t...
15/05/2026

Në kuadër të vizitës në Shkodër të përfaqësuesve të Lidhjes së Shqiptarëve të Rumanisë (ALAR), në Bibliotekën Shkencor të Universitetit “ Luigj Gurakuqi” u zhvillua një leksioni i hapur me të ftuar Dr. Luan Topçiu, shkrimtar, përkthyes, studiues, pedagog në Universitetin e Bukureshtit.

Dr. Topçiu ka luajtur një rol të rëndësishëm në forcimin e dialogut kulturor shqiptaro-rumun dhe në promovimin e vlerave të kulturës shqiptare në arenën ndërkombëtare.

Në aktivitetet morën pjesë:

Bogdan Ali-Stoica, deputet i Parlamentit të Rumanisë dhe përfaqësues i minoritetit etnik shqiptar;

Radu Săvulescu, sekretar shteti për çështjet kundër diskriminimit dhe drejtues i ALAR.

Në hapje të aktivitetit z. Bogdan Ali-Stoica i dhuroi BUSH, botimet e ALAR, të cilat kanë vlera studimore, letrare dhe kulturore, në shërbim të studentëve, studiuesve dhe lexuesve të apasionuar pas albanologjisë dhe letërsisë shqipe.

Shprehim mirënjohjen dhe falënderimet tona më të sinqerta për këtë kontribut të çmuar në shërbim të dijes, kulturës dhe librit. 🙏📖

13/05/2026

📚 NJ O F T I M

Biblioteka Shkencore e Universitetit të Shkodrës “Luigj Gurakuqi” njofton studentët dhe studiuesit se gjatë sezoneve të provimeve dhe riprovimeve do të aplikohet orar i zgjatur shërbimi në salat e leximit.

🗓️ Periudhat e zbatimit:
▪️ 25.05.2026 – 03.07.2026
▪️ 24.08.2026 – 25.09.2026

🕗 Orari i funksionimit të BUSH:
📖 E hënë – e premte: 08.00 – 19.00

✅ Të gjitha shërbimet bibliotekare do të funksionojnë nga ora 08.00– 16.00.
📚 Nga ora 16.00 – 19.00 do të jetë në dispozicion vetëm salla e leximit “Jup Kastrati”, sipas grafikut të shërbimit.

Mirëpresim të gjithë studentët dhe studiuesit për një sezon sa më të suksesshëm studimi!

Më 22 prill, në ambientet e Bibliotekës Shkencore të Universitetit “Luigj Gurakuqi”, në kuadër të International Week, u ...
23/04/2026

Më 22 prill, në ambientet e Bibliotekës Shkencore të Universitetit “Luigj Gurakuqi”, në kuadër të International Week, u mirëpritën partnerë ndërkombëtarë nga universitete me të cilat UNISHK ka ndërtuar bashkëpunime dhe partneritete të qëndrueshme, kryesisht nga Italia, Gjermania, Franca dhe Bullgaria.
Gjatë vizitës u bë një prezantim i përgjithshëm i ambienteve dhe veprimtarisë së bibliotekës, duke u ndalur më konkretisht në Fondin " W***y Kamsi".
Më pas, vizita vijoi me prezantimin e Fondit të Librit të Rrallë, ku enkas për këtë aktivitet ishin ekspozuar 35 vepra me rëndësi të veçantë historike dhe kulturore, duke filluar nga vepra më e vjetër e fondit, “Historia de vita et gestis Scanderbegi” (1508), deri te “Vargjet e lira” e Migjenit (1936).
Këto kopje të rralla janë pjesë e çmuar e trashëgimisë kulturore mbarëkombëtare, pasi përfshijnë studime e shkrime mbi gjuhën, historinë, letërsinë, etnografinë e kulturën kombëtare në përgjithësi.
Vizita vijoi në fondin e gjuhëve të huaja, ku u zhvillua edhe një shkëmbim përvojash mes përfaqësuesve të bibliotekave pjesëmarrëse. Ishte një kënaqësi e veçantë t’i kishim partnerët ndërkombëtarë pjesë të Bibliotekës sonë.

Biblioteka Shkencore e UNISHK pasurohet me këto botime të vlefshme, dhuruar me bujari nga familjarët e autorit. Një kont...
20/04/2026

Biblioteka Shkencore e UNISHK pasurohet me këto botime të vlefshme, dhuruar me bujari nga familjarët e autorit. Një kontribut i çmuar për fondin shkencor dhe për studiuesit tanë.

Mirënjohje për këtë gjest fisnik!

Pak fjalë rreth veprës “ Scientific research contributions in physics, applied mathematics and computer science”, të prof. Artan Boriçit.

Kjo vepër është konceptuar si një përmbledhje retrospektive e punimeve shkencore të botuara të të ndjerit akad. asoc. Artan Boriçi. Punimet e paraqitura në vepër janë koleksionuar prej burimesh bibliografike e arkivore publike (revistat shkencore ku janë publikuar më parë), si dhe nga arkiva personale e autorit të ndjerë.

Vepra është ndarë në dy vëllime.

Vëllimi i parë përmbledh artikujt e tij të botuar në revista prestigjoze ndërkombetare, që i dedikohen fushave të tij të studimit.

Vëllimi i parë, për arsye tematike, është ndarë në pjesë.

Pjesa e parë, me titull “Numerical algorithms for chiral fermions”, përmban 15 artikuj, të cilët janë renditur sipas kronologjisë së botimit. Në këta· artikuj, Artan Boriçi është kryesisht autor i vetëm ose autor i parë. Bashkëpunëtorët e tij janë kolegë shqiptarë nga Universiteti I Tiranës, si Alban Allkoçi dhe Dafina Xhako.

Pjesa e dytë, me titull ”Numerical algorithms - Krilov subspace methods in lattice QCD”, përmban 11 artikuj, të cilët gjithashtu janë renditur sipas kronologjisë së botimit. Në këto artikuj, Artan Boriçi është gjithashtu kryesisht autor i vetëm ose i parë, me bashkëpunëtor Philippe De Forcrand nga Interdisciplinary Project Center for Supercomputing (IPS), ETH-Sëiss Federal Institute of Technology Zurich. Në disa artikuj, bashkëpunimi shtrihet edhe me një grup autoresh nga University of Cyprus.

Pjesa e tretë me titull “Formulation of chiral and local fermion theories”, përmban 12 artikuj, në të cilët pro£ Boriçi është autor i vetëm ose bashkëpunëtor me kolegë të Universitetit të Tiranës, si Rudina Zeqirllari dhe Inva Koçiu.

Pjesa e katërt, me titull “QCDLAB, development of a numerical simulation softëare for lattice QCD”, përmban 3 artikuj, ku prof.Boriçi është autor i vetëm.

Pjesa e pestë, me titull “Development and solution of nee theories in particle physics-Development and analytical solution of Yang-Mills theories”, përmban tre artikuj, ku akademiku ynë është autor i vetëm ose në bashkëpunim me R. Monnier, Laboratorium fur Festkorperphysik, Eidgenossische Technische Hochschule Zu rich, Honggerberg.

Pjesa e gjashtë, me titull “Simulations of Statistical physics systems”, përmban një artikull, ku prof. Boriçi është autor i vetëm.

Pjesa e shtatë, me titull “Research in Risk Management-Contributions in computafional and mathematical finance”, përmban 2 artikuj, ku prof. Boriçi është autor·i parë, në bashkëpunim me Hans-Jakob Luthi, Institute for Operations Research, ETH Zurich.

Vëllimi i dytë përmban ligjërimet e tij, si i ftuar në konferenca ndërkombetare apo të prezantuara në mediume të ndryshme publike; po ashtu ligjeratat dhe leksionet, e mbajtura në shkolla ndërkombetare.

Akademia e Shkencave e Shqipërisë i vlerëson dy vëllimet e prof. Boriçit si një kontribut të vyer në përgatitjen e brezit të ri, të shkencetarëve shqiptare, jo vetëm si burim i pasur dijesh, rezultatesh origjinale dhe referencash bibliografike, por edhe si frymëzim që buron nga filozofia, metodologjia dhe qasja që akad. Asoc. Artan Boriçi ka pasur ndaj kërkimit shkencor.

Eliana Lacej

Në ambientet e Bibliotekës së Universitetit, në sallën ”Walter Höflechner”, u zhvillua promovimi i veprës "O sot, o kurr...
10/04/2026

Në ambientet e Bibliotekës së Universitetit, në sallën ”Walter Höflechner”, u zhvillua promovimi i veprës "O sot, o kurrë! O flamur, o dekë!”, me autor studiuesin Pjetër Logoreci.
Libri i kushtohet jetës dhe veprimtarisë së jashtëzakonshme të Imzot Nikollë Kaçorrit dhe është fryt i një pune kërkimore këmbëngulëse 15-vjeçare në arkivat e Vjenës, duke sjellë për herë të parë para publikut materiale dokumentare të pabotuara më parë.
Nëpërmjet kumtimeve të Prof. dr. Alfred Çapalikut, Dr. Marsel Nilajt, të botuesit Meritan Spahija, të pranishmit patën mundësinë të njihnin më nga afër një vepër monumentale, një dëshmi të pashlyeshme të atdhedashurisë dhe të sacrificës sublime.
Në qendër të veprës qëndron figura e Imzot Nikollë Kaçorrit, klerikut dhe atdhetarit të pashoq, arkitektit të heshtur, por thelbësor të Pavarsisë së Shqipërisë, njëri prej figurave më qendrore të historisë sonë kombëtare,
Autori Logoreci, ndau me të pranishmit një ndër kapitujt më prekës të veprës, përpjekjet e tij për të rikthyer eshtrat e Imzot Nikollë Kaçorrit, nga Vjena për në atdhe. Pas vdekjes së tij në Vjenë në vitin 1917 dhe varrosjes në varrezat qendrore të qytetit, për gati një shekull figura e tij mbeti në një farë harrese historike. Vetëm në vitin 2011 eshtrat e tij u riatdhesuan dhe u rivendosën në Durrës.

Ju mirëpresim!
07/04/2026

Ju mirëpresim!

Address

Rruga Jeronim De Rada
Shkodër
4001

Opening Hours

Monday 08:00 - 19:00
Tuesday 08:00 - 19:00
Wednesday 08:00 - 19:00
Thursday 08:00 - 19:00
Friday 08:00 - 19:00
Saturday 08:00 - 13:00

Website

Alerts

Be the first to know and let us send you an email when Biblioteka Shkencore e Universitetit "Luigj Gurakuqi" Shkoder posts news and promotions. Your email address will not be used for any other purpose, and you can unsubscribe at any time.

Shortcuts

Share

Category