Këshilli Bashkiak Shijak

15/06/2026

📢 Seminar: Roli mbikëqyrës i Këshillit Bashkiak dhe auditimi i brendshëm
📅 18 Qershor 2026 | ⏰ Ora 10:30
📍 Salla e Këshillit Bashkiak, Shijak

Këshilli Bashkiak Shijak, në kuadër të projektit "Bashki të Forta" dhe me mbështetjen e Institutit për Demokraci dhe Ndërmjetësim (IDM), organizon një seminar të dedikuar rolit të Këshillit Bashkiak si shtyllë e qeverisjes vendore.
Seminari do të trajtojë:
Forcimi i rolit mbikëqyrës të Këshillit Bashkiak në menaxhimin financiar
Mbështetja e mekanizmave të auditimit dhe kontrollit të brendshëm për rritjen e llogaridhënies
Ndjekja e zbatimit të rekomandimeve dhe përdorimi i instrumenteve të mbikëqyrjes për transparencë dhe integritet institucional
Aktiviteti është i hapur për anëtarët të Këshillit Bashkiak, përfaqësues të administratës së Bashkisë dhe Prefekturës, organizata të shoqërisë civile, media lokale, të rinj dhe qytetarë aktivë.

26/05/2026

Mbledhja e Keshillit Bashkiak Date 26.05.2026

25/05/2026

📢 Ndiqni dhe Merrni Pjesë LIVE në Mbledhjen e Këshillit Bashkiak

Të nderuar banorë të Shijakut,

Këshilli Bashkiak Shijak ju fton të ndiqni mbledhjen e radhës, e cila do të zhvillohet më datë 26.05.2026, ora 17:00.
🗣️Mbledhja jo vetëm që do të transmetohet LIVE në Facebook, por ju do të keni mundësi që të ndërveproni online, dërgoni pyetje, komente dhe sugjerime për Këshillin Bashkiak.

22/05/2026

📢 NJOFTIM

Të nderuar qytetarë,

Ju njoftojmë se ditën e martë, më datë 26.05.2026, ora 17:00, në sallën e mbledhjeve të Këshillit Bashkiak, do të zhvillohet mbledhja e radhës me rend dite:

1.Për dhënien e ndihmës ekonomike në lidhje me fondin e veçantë për periudhën 1-31 maj 2026.

2.Mbi Monitorimin e Buxhetit të Bashkisë Shijak për periudhën Janar - Prill 2026.

3.Mbi Miratimin e Projektit të Parë të Buxhetit Afatmesëm për vitet 2027-2029, për Bashkinë Shijak.

4.Mbi Përdorimin e Fondit të Emergjencave Civile të Bashkisë Shijak për Vitin 2026.

5.Miratimin në parim të Statutit dhe Aktit të Themelimit për themelimin e Shoqërive të Bashkëpunimit Bujqësor, krijuar nga fermerët e qytetit Shijak për të drejtat dhe detyrimet e themeluesve e të anëtarëve të tyre, riorganizimin, rregullimin e vendosjen e kritereve për disa aspekte të veprimtarisë së tyre me mbështetjen e qeverisjes vendore Bashkisë Shijak sipas Ligjit 139/2015 “Për Vetëqeverisjen Vendore”.

🎥 Ftojmë të gjithë qytetarët të na ndjekin LIVE në faqen zyrtare.

Faleminderit!

05/05/2026

Në kuadër të përpjekjeve për të forcuar transparencën, pjesëmarrjen qytetare dhe bashkëpunimin mes institucioneve vendore dhe komunitetit, Këshilli Bashkiak Shijak organizoi një Ditë të Hapur me të rinjtë e shkollave të qytetit.

Kjo nismë, në kuadër të projektit “Bashki të Forta” dhe me mbështetjen e ekspertëve të IDM, synoi të afrojë të rinjtë me vendimmarrjen vendore dhe t’i njohë ata me rolin e Këshillit Bashkiak si “parlamenti i vogël” i qytetit.

👥 Gjatë aktivitetit, nxënësit:▪️ Mësuan më shumë mbi funksionimin e Këshillit Bashkiak▪️ U inkurajuan të marrin pjesë aktive në jetën publike▪️ Ndanë ide dhe mendime mbi çështje që ndikojnë komunitetin e tyre

🤝 Aktiviteti u zhvillua me pjesëmarrjen e Kryetarit të Këshillit Bashkiak, z. Sulejman Tola, këshilltares dhe pedagoges së nderuar znj. Sonila Sinjari, e cila mbajti një prezantim të vlefshëm, si dhe përfaqësuesit të IDM, z. Redi Ametllari.

🗣️ Kjo ditë shërbeu si një urë lidhëse mes të rinjve dhe institucioneve vendore, duke i dhënë zë ideve dhe vizionit të tyre për të ardhmen.

23/04/2026

U zhvillua sot në orën 12:00, në sallën e Këshillit Bashkiak, mbledhja e Komisionit të Pronave Publike, Transportit dhe Trafikut Rrugor, si dhe e Komisionit të Zhvillimit Urban, Përdorimit të Tokës dhe Mjedisit, mbi “Paketën e Maleve”.

Në këtë mbledhje morën pjesë përfaqësues nga administrata e Bashkisë: zv.Kryetarja znj. Shpresa Domi, Drejtoresha Juridike znj. Albiona Mehmeti dhe juristja znj. Teuta Plaku.

Gjatë mbledhjes u diskutuan çështje të rëndësishme në lidhje me këtë paketë, duke theksuar rëndësinë e zhvillimit të qëndrueshëm dhe menaxhimit të territorit

23/04/2026

📣 Ditë e Hapur: Zëri i të rinjve në Parlamentin Vendor
🗓 28 prill 2026, 12:00 | 📍 Salla e Këshillit Bashkiak Shijak
Këshilli Bashkiak Shijak, me mbështetjen e Instituti për Demokraci dhe Ndërmjetësim dhe projektit “ të Forta”, organizon një Ditë të Hapur me të rinjtë për t’u njohur me Këshillin Bashkiak si “parlamenti i vogël” i qytetit.
🎯 Nxënësit do të mësojnë si funksionon vendimmarrja vendore, si të përfshihen në konsultime dhe nisma komunitare, dhe të ndajnë idetë e tyre me këshilltarët.
🤝 Ky takim është një mundësi për të dëgjuar zërin e të rinjve, për të forcuar lidhjen mes tyre dhe institucioneve vendore, dhe për të ndërtuar një kulturë më aktive të pjesëmarrjes qytetare.

22/04/2026

Të nderuar qytetarë,

Sekretaria e Këshillit Bashkiak njofton se ditën e hënë, më datë 27.04.2026, ora 17:00, në sallën e mbledhjeve të Këshillit Bashkiak, do të zhvillohet mbledhja e radhës e Këshillit Bashkiak me rend dite :

• Mbi Dhënien e ndihmës ekonomike në lidhje me fondin e veçantë për periudhën 1–30 prill 2026;
• Mbi Procedurën ligjore për përfitimin nga ligji i Paketës së Maleve.

Gjithashtu, komisionet përkatëse do të mblidhen nesër, në orën 12:00, në sallën e mbledhjeve të Këshillit, për shqyrtimin e projekt-akteve.

Ju ftojmë të na ndiqni live në faqen e Këshillit Bashkiak për t’u informuar mbi diskutimet dhe vendimmarrjen.

Faleminderit për vëmendjen!

20/04/2026

📢 Këshilli Bashkiak njofton:

Ftohen të gjithë qytetarët, grupet e interesit dhe përfaqësuesit e komunitetit të marrin pjesë në konsultimin publik për:

📌 Projekt-Buxhetin e Parë 2027–2029

🗓 Data: 11 Maj 2026
🕔 Ora: 17:00
📍 Vendi: Salla e Këshillit Bashkiak, Njësia Administrative Xhafzotaj

Ky takim ka për qëllim mbledhjen e sugjerimeve dhe mendimeve nga komuniteti, për të përmirësuar shërbimet dhe për të reflektuar nevojat e qytetarëve në buxhetin e ardhshëm.

✉️ Sugjerimet mund t’i dërgoni deri më 10 Maj 2026 në adresat:
📧 [email protected]
📧 [email protected]

🌐 Materialin e plotë për konsultim mund ta gjeni në faqen zyrtare të bashkisë:
👉 www.shijak.gov.al

🗣 Pjesëmarrja juaj është e rëndësishme!

Konstituimi dhe nisja e funksionimit të KVSP-së në Bashkinë Shijak Më datë 11.12.2025 u zhvillua mbledhja e parë e Këshillit Vendor të Sigurisë Publike në Bashkinë Shijak, gjatë së cilës u bë prezantimi me përfaqësuesit anëtarë dhe u zgjodh Sekretariati Teknik i KVSP-së, ku të ...

09/03/2026

📢 NJOFTIM

Këshilli Bashkiak Shijak njofton qytetarët se ditën e premte, më datë 13.03.2026, ora 17:00, në sallën e mbledhjeve të Këshillit Bashkiak do të zhvillohet mbledhja e radhës e Këshillit Bashkiak, me këtë rend dite:

▪️ “Për dhënien e ndihmës ekonomike nga fondi i veçantë për periudhën 1–31 mars 2026”.

▪️ “Mbi miratimin e tavaneve buxhetore afatmesme për vitet 2027–2029 për Bashkinë Shijak”.

▪️ “Për veprimtarinë e Këshillit të Bashkisë për 12-mujorin e vitit 2025”.

Ky rend dite mund të plotësohet edhe me pika të tjera, për të cilat do të njoftoheni në vijim.

📺 Ftojmë qytetarët e interesuar ta ndjekin mbledhjen live në faqen zyrtare.

🙏 Ju falënderojmë për interesin dhe bashkëpunimin !