Sofjan Jaupaj

02/06/2026

Mbi majat e Malit të Tomorrit 🏔️, perëndimi i diellit 🌅 nuk është thjesht fundi i një dite, por një spektakël i qetë i natyrës 🍃.
Qielli vishet me nuanca të arta 🌞, ndërsa panorama të lë pa fjalë 🌄.

🌳 🇦🇱 🌼 🏔

01/06/2026

💚 Sot, Ministria e Mjedisit u mbush me buzëqeshje, gëzim dhe zemrat e vogla të fëmijëve!

Gëzuar 1 Qershorin të gjithë fëmijëve shqiptarë, e ardhmja mban emrin tuaj! 👧👦🌱🇦🇱

01/06/2026

🌲Suksese Rudina Hoxhës në drejtimin e Agjencia Kombëtare e Pyjeve.

Ky emërim vjen bashkë me një ridimensionim të rëndësishëm të rolit të AKP-së: më shumë përgjegjësi, më shumë prani në territor dhe më shumë koordinim me bashkitë për mbrojtjen e pyjeve dhe ekosistemeve. 🌿

🤝 Jo si një agjenci satelit, por si një institucion që, së bashku me Ministrinë, do të jetë në krye të proceseve për administrimin, mbrojtjen dhe zhvillimin e qëndrueshëm të pyjeve.

📍 Shtimi i 4 agjencive rajonale e afron më shumë punën me nevojat reale në terren, ndërsa gjithashtu Ndërmarrja Shtetërore e Pyjeve do të funksionojë nën orientimin e AKP-së.

🌳 Më pranë komuniteteve, më afër natyrës dhe më të fortë në mbrojtjen e pasurisë sonë të gjelbër.

01/06/2026

30/05/2026

🌿 “Shtigje të Pastra, Natyrë e Mbrojtur” në rrugëtimin e saj në gjithë Shqipërinë ✨🇦🇱

29/05/2026

🌿 Në kuadër të pjesëmarrjes në Konferencën Monaco Blue Initiative, zhvillova një takim shumë të rëndësishëm me Grethel Aguilar, Drejtore e Përgjithshme e International Union for Conservation of Nature IUCN, një nga partnerët më të rëndësishëm ndërkombëtarë të Ministrisë së Mjedisit.

Që prej vitit 2024, Shqipëria është anëtare institucionale e IUCN-së dhe sot finalizuam marrëveshjen e veçantë përmes së cilës IUCN do të shërbejë si partner strategjik i Shqipërisë në procesin e negociimit të nënkapitullit të Natyrës dhe Biodiversitetit në kuadër të Kapitullit 27 me Bashkimin Evropian.

Gjithashtu, diskutuam forcimin e bashkëpunimit në zbatimin e projekteve dhe financimeve të mbështetura nga Global Environment Facility, me fokus në mbrojtjen e biodiversitetit, menaxhimin e zonave të mbrojtura dhe rritjen e reziliencës së ekosistemeve tona.

🤝 Partneritete të forta ndërkombëtare, ekspertizë e nivelit më të lartë dhe financime të qëndrueshme janë çelësi për të përshpejtuar rrugën e Shqipërisë drejt standardeve evropiane në mbrojtjen e natyrës dhe biodiversitetit.

29/05/2026

🌍🤝 Në kuadër të vizitës në Principatën e Monakos, zhvillova takime bilaterale me drejtuesit e institucioneve më prestigjioze në fushën e kërkimit dhe mbrojtjes së mjedisit detar: Drejtorin e Përgjithshëm të Oceanographic Institute of Monaco, Zëvendëspresidentin e Prince Albert II of Monaco Foundation dhe përfaqësuesit e Monaco Explorations.

Gjatë takimit dakordësuam nisjen e një projekti bilateral shkencor, i cili do të zhvillohet gjatë vitit 2027 dhe do të fokusohet në studimet dhe monitorimin e zonave të mbrojtura detare në Shqipëri. Ky bashkëpunim synon të forcojë bazën shkencore për ruajtjen e biodiversitetit detar, menaxhimin e qëndrueshëm të ekosistemeve dhe zhvillimin e politikave moderne të mbrojtjes së natyrës.

🌊 Zgjerimi i diplomacisë mjedisore dhe rritja e investimeve e fondeve për mbrojtjen e biodiversitetit përbëjnë një nga shtyllat kryesore të politikës së Ministrisë së Mjedisit. Përmes partneriteteve strategjike me institucionet më të rëndësishme ndërkombëtare, Shqipëria po forcon rolin e saj si një aktor aktiv në mbrojtjen e deteve, oqeaneve dhe trashëgimisë sonë natyrore për brezat që vijnë. 🇦🇱🌿🌍

28/05/2026

🌍 I nderuar të marr pjesë si Folës Kryesor në edicionin e 17-të të Monaco Blue Initiative, nën patronazhin e Lartësisë së Tij Princit Albert II dhe Princeshës Charlene të Monacos 🇲🇨

Në këtë forum prestigjioz ndërkombëtar, Shqipëria 🇦🇱 prezantoi vizionin dhe politikat e saj mjedisore për mbrojtjen e biodiversitetit, forcimin e zonave të mbrojtura dhe rolin që diplomacia mjedisore luan sot në bashkimin e vendeve për një të ardhme më të qëndrueshme e më të sigurt për brezat që vijnë. 🌱🌊

Monaco Blue Initiative mblodhi përfaqësues të institucioneve financiare botërore, akademisë, organizatave ndërkombëtare dhe politikëbërës nga e gjithë bota për të diskutuar mbi të ardhmen e oqeaneve dhe deteve në dritën e Marrëveshjes së re për Biodiversitetin Përtej Juridiksionit Kombëtar (BBNJ), si një instrument kyç për mbrojtjen e biodiversitetit përtej juridiksionit kombëtar.

Shqipëria beson se mbrojtja e natyrës dhe diplomacia mjedisore janë sot jo vetëm një përgjegjësi globale, por edhe një mundësi për të ndërtuar ura bashkëpunimi mes kombeve. 🤝

27/05/2026

🌿 Nisma “Shtigje të Pastra, Natyrë e Mbrojtur” vijon rrugëtimin e saj në mbrojtje të natyrës, duke u zhvilluar këtë herë në shtegun “Liqeni Kallabakut – Turaj” në Parkun Natyror “Korab-Koritnik” 🏞️.

✨ Gjatë ecjes përgjatë shtegut 🥾, pjesëmarrësit u angazhuan në pastrimin e territorit dhe në ndërgjegjësimin për rëndësinë e ruajtjes së natyrës, duke promovuar njëkohësisht vlerat turistike dhe mjedisore të kësaj zone unike. 🌱🌍