Shelq, Permet, Albania.

04/04/2026

U bë dritë për të na ndriçuar mendjen e për të na ngrohur zemrat në rrugën e besimit tonë në Zot!

Mbetesh i paharruar për ne o shenjtori ynë Baba Hekuran
❤️🇦🇱🙏

Sot, më 4 Prill, kujtojmë me respekt e mall, ditëlindjen e Baba Hekuranit 🙏
Një shpirt i madh që la gjurmë të pashlyeshme në zemrat tona. 🥰
Edhe pse nuk është fizikisht mes nesh, drita dhe fjala e tij jetojnë përjetë. 💚🤍

U prehsh në paqe Baba Hekuran, dhe kujtimi yt qoftë i përjetshëm! 🤍🕊🕊

11/11/2025

Baba Hekuran Nikollari ❤️🇦🇱🙏

💚🤍

09/11/2025

Familja është e do të mbetet qeliza bazë e shoqërisë njerëzore!
Zoti e largoftë djallin nga shpirti i atyre që drejtojnë sot Shqipërinë!
🙏🙏🙏

Sot dt 06.11.2025 rreth para nje ore e gjysem u votua ligji për “barazinë gjinore”.

Si qytetare e këtij vendi dua të them qartë:
Drafti publik i depozituar në Kuvend përmban:
1. identitet gjinor
2.shprehje gjinore

Këto nuk janë vetëm “burrë” dhe “grua”. Janë terma të rinj ligjorë dhe kanë mbetur në tekst, edhe pasi disa pika u shkurtuan. Para pak ditësh qytetarëve iu tha se ligji “ka vetëm dy gjini”. Por kjo fjali nuk gjendet në asnjë dokument zyrtar. Në draftin e publikuar në faqen e Kuvendit, termi “burrë” dhe “grua” nuk janë përkufizimi i vetëm. Janë të shtuara nocionet “identitet gjinor” dhe “shprehje gjinore”, të cilat tashmë bëhen pjesë e ligjit në mënyrë legjitime. Dhe çfarë do të thotë kjo? Kur një term futet në ligj:

1.institucionet e zbatojnë
2.gjykatat e interpretojnë
3. shkollat mund ta fusin në programe
4. prindërit nuk kanë bazë ligjore për ta kundërshtuar,

Çdo kundërshtim mund të trajtohet si “diskriminim”.
Ky është funksionim juridik. Jo opinion.Dhe ka pasoja .

U tha se ligji është “100% në përputhje me BE dhe Konventën e Stambollit”.Nëse është kështu, atëherë duhen dokumente zyrtare:
1.opinion nga GREVIO, organi i Këshillit të Europës që monitoron Konventën e Stambollit
2.dokument nga Komisioni Europian / EUR-Lex që kërkon “identitet gjinor”

Derisa të dalin këto dokumente, deklarata për përputhje mbetet politike, jo ligjore. Unë nuk jam kundër askujt.Nuk kam urrejtje për askënd.Nuk jam këtu për t’i përçarë njerëzit.Por jam këtu të them atë që shumë shqiptarë po mendojnë dhe nuk e thonë dot:

Që në këtë vend, familja është themeli.
Dhe fëmijët janë kufiri.

Asnjë ligj nuk duhet të miratohet me mjegull.
Asnjë fëmijë nuk duhet të bëhet eksperiment ligjor. Asnjë prind nuk duhet të ketë frikë se çfarë do t’i mësohet fëmijës së tij pa të drejtë fjale.
Shqiptarët janë popull që duron shumë.
Por jo kur vjen puna te fëmijët, te familja, te gjenerata e ardhshme.

Ne kërkojmë vetëm qartësi.Dokumente, jo fjali.Transparencë, jo justifikime.Fëmijët nuk negociohen.Familja shqiptare nuk negociohet.
E ardhmja e këtij vendi nuk negociohet.

Sot jam e trishtuar, por jo e heshtur.
Dhe nuk do të jem vetëm.🇦🇱

Zoti e bekofte dhe e ruajte Familjen Shqiptare . 🇦🇱
Zoti e bekofte dhe e ruajte Shqiperine . 🇦🇱

03/09/2025

Me kalimin e viteve na largohen njerëzit tanë të mirë, por kujtimi mbetet si në këtë foto.

Malli e respekti shtohet sepse nuk i kemi mes nesh, por janë në zemrat tona.

Kënaqësi që brezit të tyre u dhamë
mundësi të kthehen e shijojnë vendlindjen, të cilën e deshën aq shumë❤️
Qofshin të paharruar:
1.Ali Lako
2.Cime Meçani
3.Anife Kapllani

30/08/2025

Mbarësi, mirësi e bekime për çdo pelegrin që ka ardhur në këtë vend të shenjtë! 🙏🙏🙏

Ju ndimoftë 🤲🤲🤲🤲

06/08/2025

Me kënaqësi u njoftojmë se pelegrinazhi në Tyrben e Dervish Islamit SHELQ në datën 30 gusht të çdo viti, tashmë është pjesë e kalendarit të përvitshëm të Kryegjyshatës Botërore Bektashiane.

Për çdo pelegrin që shkon në këtë vend të shenjtë, urojmë mbarësi e shëndet për vete e familjen e tij e marrtë frymëzim e bekim për të krijuar paqe në shpirtin e tij!

Zoti na ndihmoftë!
🙏🙏🙏

10/03/2025

TOPONIMET DHE EMRAT

Të gjithë emrat brenda dhe përreth fshatit Shelq janë thjesht shqip, ndërsa larg fshatit, në mal ka disa emra sllavë si: Kosolovë, Palimovë, Cimërovë, Gravicë. Të tilla ka edhe për dy ara, në jugperëndim të fshatit, që quhen Trepilovë dhe Bagdanovë, ndërsa emra greke nuk hasen.

Fakti që në fshat e përreth tij nuk ka emra të huaj, tregon se nuk kanë ngjitur në këtë vend, pasi ka qenë i populluar herët.

Në traditën e popullsisë myslimane dhe jo vetëm, të paslindurit mbanin për mbiemër emrin e babait, ndërsa për gratë thoshin “e filanit”, duke përmendur emrin e gruas dhe të burrit të saj. Burrat që njiheshin edhe në zonat e tjera për vlera, trimëri e mençuri, mbanin për mbiemër emrin e fshatit të tyre.

Kështu, vazhdoi deri në vitin 1927 kur u bë regjistrimi i saktë i banorëve, me emrat dhe mbiemrat që do të mbanin, sipas dëshirës së tyre, po kryesisht morën për mbiemër, emrin e gjysh*t. Burrave të njohur, që mbanin për mbiemër emrin e fshatit të tyre, iu kërkua të mos mbanin emrin e fshatit si mbiemër të tyre.

Emrat e banorëve të fshatit Shelq, deri në 1967, kanë qenë myslimanë, të tarikatit bektashi. Ka patur edhe emra të figurave të njohura historike që kanë sunduar në periudha të ndryshme, që nga perandoria osmane e më vonë. Emrat përtëriheshin dhe emrin e gjysh*t e merrte nipi, por të lindurve u vinin edhe emrat e të afërmve që kishin vdekur.

Dukuria e shkurtimit të emrave ishte mjaft e përhapur dhe fillonte që nga fëmijëria, në formë përkëdhelje, madje me kohë, personi dukej sikur kishte dy emra. Kështu, psh, Adem - Demo, Karafil-Kile, Dajlan - Lako, Hajrullah-Lake, Sherif-Shero, Xhafer-Xhako, Ramadan-Dane, Rustem-Cene, etj.

Pas vitit 1967, në Shqipëri pati një fushatë për venien e emrave të rinj, gjë që u reflektua edhe në Shelq. Emrat që u vunë fëmijëve të lindur pas atij viti, ishin të rinj e të larmishëm.

(Marrë me shkurtime nga libri “SHELQI VENDLINDJA JONË”)

22/02/2025

VENDODHJA, SHPËRNDARJA GJEOGRAFIKE DHE FISET

Fshati Shelq ndodhet në verilindje të krahinës së Dëshnicës, në nënprefekturën e Përmetit. Atje kalon rruga e vjetër këmbësore që lidhte Teqenë e Sukës me atë të Prishtës, pothuajse në një distancë të baraslarguar prej tyre.

Fshati Shelq ndodhet 770 m mbi nivelin e detit, por arat fillojnë në një lartësi midis 300 e 400 m, te Ara e Alos. Relievi vjen duke u ngritur dhe arat shtrihen në një lartësi që arrin deri në 982 m, në Gravicë. Arat te Mali i Bardhë me një sipërfaqe prej 13 ha, ndodhen në lartësinë 780 m. Qafa e Shelqit, ndodhet në lartësinë 900 m.

Emri i fshatit (Shelg, Shelq, Shelgj) vjen nga bima drusore e shelgut që rritet gjithandej në përrenjtë dhe ledhet e tokave me lagështi.

Territori i fshatit Shelq kufizohet: në Veri - me fshatin Kajcë, në Jug - me Zhepovën, në Lindje - me Prishtën dhe në Perëndim - me Rodenjin.

Gjatë viteve të mbretërisë shqiptare (1928-1939), për të shmangur konfliktet midis fshatrave fqinjë që shkaktoheshin për kullotat, ujërat dhe pyjet, qeveria e kohës përcaktoi vijën ndarëse midis fshatrave. Ishte zgjidhje që vendosi qetësinë dhe krijoi kushte për punë dhe jetë normale. Në këtë mënyrë u përcaktua edhe vija kufizuese e fshatit Shelq. Brenda kësaj hapësire ka toka të pasura, pyje dhe korije, lëndina, kodra të buta dhe shpate të pjerrëta

Karakteristika e fshatrave të vegjël është se familjet që e përbëjnë atë janë të afërta me njera-tjetrën dhe me lidhje gjaku. Kështu është edhe fshati Shelq.

Banorët e fshatit Shelq mbajnë pesë mbiemra: “Meçani”, “Kapllani”, “Kamani”, “Lako” dhe “Sadiku”. Tre prej tyre, “Kamani”, “Lako” dhe “Sadiku” janë të afërt me njeri tjetrin dhe nuk kanë bërë kurrë lidhje martesore ndërmjet tyre. Edhe dy fiset e tjerë, “Meçani” dhe “Kapllani”, nuk kanë bërë lidhje të tilla, çka tregon se kanë patur lidhje fisnore, ndonëse të largët.
Që nga shekulli 19 kur u bë një lidhje martesore midis fisit “Meçani” dhe “Kamani”, as midis tyre nuk bëhen më lidhje martesore pasi kanë lidhje gjaku midis tyre.

Afërsia e shtëpive me njëra tjetrën dhe e tokave të dy grupeve janë dëshmi shtesë që tregojnë se ato kanë parardhës të përbashkët e janë të afërt me njëri tjetrin.

(Marrë me shkurtime nga libri “SHELQI, VENDLINDJA JONË”)

17/02/2025

Gëzuar pavarësinë KOSOVË!
❤️🇦🇱🙏

06/02/2025

Sot ju dha lamtumira e fundit klerikut bektashi Baba Hekuran Nikollarit, eshtrat e të cilit do të prehen në Teqenë e Alipostivanit, të cilën ai vetë e ringriti nga themelet.

Dhimbja e trishtimi që shkaktoi largimi i papritur dhe i parakohshëm i këtij shenjtori lexohej në fytyrat e besimtarëve të shumtë që kishin ardhur për ta përcjellë për në banesën e tij të fundit.

Besimtarët ishin jo vetëm nga Përmeti, por nga të gjitha zonat e Shqipërisë. Të ardhur me dëshirë e besim në shenjë falenderimi për shërbimin e energjinë që merrnin prej Baba Hekuranit. E veçantë e mbresëlënëse ishte prezenca edhe e njerëzve që i përkasin besimeve të
tjera.

Edhe pse ditë dimri, koha bëri “behar”, ashtu siç ai e kishte shpirtin.

Varri i tij u mbulua me lule. Gjejmë rastin të falenderojmë Z.Arjol Refat Lako për vendosjen e një kurorë me lule në emër të fshatit tonë me mbishkrimin: “NGA SHELQI I DËSHNICËS”.

Baba Hekurani e kreu misionin, na e la veprën e tij, atë të besimit në Zot.
Shpirti i tij u bëftë dritë!
🙏❤️🇦🇱