Drejtoria e Arsimit, Rinise dhe Sporteve- Bashkia Lezhe

06/06/2026

Sot, më datë 06.06.2026, u zhvillua Kupa e Shqipërisë në mundje për grupmoshat U-9 dhe U-12. Ekipi i mundjes Besëlidhja u përfaqësua me dinjitet, duke arritur rezultate shumë të mira dhe duke fituar medalje e kupa.
Drejtoria e Arsimit, Rinise dhe Sporteve dhe Bashkia Lezhe ndjehemi çdo dite e me krenar per rezultatet qe te rinjte e qytetit po arrijne ne te gjitha disiplinat sportive qe ne suportojme.
🏆 Rezultatet:
U-9
🥇 Tomas Paloka – Vendi i Parë, kategoria 26 kg
U-12
🥇 Jordan Muça – Vendi i Parë, kategoria 29 kg
🥇 Xhonatan Paloka – Vendi i Parë, kategoria 38 kg
🥈 Rayan Aliaj – Vendi i Dytë, kategoria 35 kg
Një paraqitje shumë të mirë patën edhe mundësit Henri Gjelaj dhe Jason Muça në kategorinë 32 kg, të cilët zhvilluan ndeshje të forta dhe konkurruese, por nuk arritën të renditeshin në zonën e medaljeve.
I përgëzojmë të gjithë sportistët për përkushtimin dhe performancën e tyre, ndërsa kampionëve tanë të vegjël u urojmë suksese dhe sa më shumë fitore në garat e ardhshme! 🏅👏

02/06/2026

01/06/2026

Gëzuar 1 Qershorin fëmijë të dashur 🎉
Sot, në këtë ditë të veçantë kushtuar fëmijëve, kopshtet e Lezhës u mbushën me buzëqeshje, ngjyra, lojëra dhe gëzim. Fëmijët tanë janë pasuria më e çmuar dhe arsyeja pse ne punojmë çdo ditë për të ndërtuar një mjedis të sigurt, edukues dhe plot dashuri për ta.
Në emër të Drejtorisë së Arsimit, Rinisë dhe Sporteve dhe Bashkia Lezhe, urojmë të gjithë fëmijët për Festën e 1 Qershorit! Ju jeni e ardhmja e qytetit tonë dhe shpresa më e bukur për një shoqëri më të mirë.
Mirënjohje për edukatoret, stafet e kopshteve dhe prindërit, të cilët me përkushtim dhe dashuri kontribuojnë çdo ditë në rritjen dhe edukimin e brezit të ri.
Gëzuar 1 Qershorin! Qofshi gjithmonë të lumtur, kureshtarë dhe plot ëndrra për të ardhmen. 🎈🎉❤️
Drejtoria e Arsimit, Rinisë dhe Sporteve
Bashkia Lezhë

01/06/2026

Gezuar 1 Qershorin 🎉🎉🎉

31/05/2026

🏆 KAMPIONE TË SHQIPËRISË U16! 🏆

Ekipi i Volejbollit Besëlidhja U16 shpallet Kampion i Kampionatit Kombëtar për sezonin 2025–2026, duke realizuar një arritje historike për volejbollin lezhjan.

Në fazën finale të zhvilluar në Shkodër, vajzat e Besëlidhjes arritën tre fitore të njëpasnjëshme, duke kurorëzuar me sukses një sezon të jashtëzakonshëm. Më e rëndësishmja ishte fitorja ndaj ekipit të Vllaznisë, një rival me traditë në volejbollin shqiptar.

Ky titull është rezultat i përkushtimit të sportisteve, punës së stafit teknik Vollca Qose dhe Gentiana Nicaj si edhe mbështetjes së vazhdueshme të të gjithë atyre që besuan në këtë ekip.

Falënderim i veçantë për Bashkinë Lezhë për mbështetjen e vazhdueshme ndaj Ekipit Beselidhja!

Urime kampioneve tona! Lezha krenohet me ju! ❤️🖤🏐🥇
🏆🏐🇦🇱

30/12/2025

Më pranë, më mirë, më shumë për fëmijët tanë 🧸✨
Prej 10 vitesh, Bashkia Lezhë dhe Drejtoria e Arsimit, Rinise dhe Sporteve është më pranë fëmijëve dhe familjeve, duke ndërtuar, përmirësuar dhe administruar shërbimet e arsimit parashkollor aty ku jeta zhvillohet çdo ditë.
Kopshte më të sigurta, kushte më të mira dhe shërbime më cilësore janë rezultat i punës së pushtetit vendor, në bashkëpunim të ngushtë me Ministrinë e Arsimit.
Kjo fushatë kombëtare për arsimin parashkollor pasqyron angazhimin e vazhdueshëm për të garantuar kujdes, edukim dhe standarde gjithnjë e më të mira për fëmijët e Lezhës.
Sepse investimi më i rëndësishëm është ai për të ardhmen e fëmijëve tanë. 🌱👧👦

Kjo video promocionale u realizua nga Bashki të Forta, projekt i Agjencisë Zvicerane për Zhvillim dhe Bashkëpunim SDC (Embassy of Switzerland in Albania, Swiss Development & Cooperation SDC) dhe Qeverisë së Suedisë (Embassy of Sweden in Tirana) i zbatuar nga Helvetas.

Embassy of Switzerland in Albania
Embassy of Sweden in Tirana
Helvetas
Ministër i Shtetit për Pushtetin Vendor
Ministria e Arsimit dhe Sportit