Këshilli Bashkiak Has

04/12/2025

Takime me aktore dhe faktore te komunitetit te bashkise Has per konsultim publik per buxhetin 2026.

12/11/2025

Njoftim per konsultim publik per miratimin e buxhetit se Bashkise Has PBA 2026 - 2028 dhe Taksat e Tarifat Vendore 2026.

04/11/2025

Në datën 30 tetor 2025, në sallën e Këshillit Bashkiak Has, u organizua takimi për sesionin informues të Këshillit Bashkiak dhe Koalicionit Ndër-rajonal Shqipëri - Kosovë. Në këtë ngjarje morën pjesë Kryetari i Bashkisë Has, z. Miftar Dauti, Kryetari i Këshillit Bashkiak, z. Isuf Sefolli, përfaqësues të shoqërisë civile, si dhe pjesëtarë të Koalicionit gjinor Ndër-rajonal Shqipëri - Kosovë.

Kryetari i Bashkisë Has, z. Miftar Dauti, i përshëndeti të pranishmit dhe ndau informacion mbi punën e përditshme të Bashkisë në shërbim të komunitetit, marrëdhëniet me Këshillin Bashkiak dhe Aleancën Gjinore. Ai theksoi rëndësinë e transparencës në punën e këshillit dhe rëndësinë e transmetimit live të mbledhjeve për informimin e qytetarëve.

Kryetari i Këshillit Bashkiak, z. Isuf Sefolli, prezantoi aktivitetet kryesore të Këshillit, detyrat, shqyrtimin e kërkesave dhe ankesave, si dhe mënyrën e zbatimit të obligimeve ndaj komunitetit. Ai gjithashtu theksoi rolin e rëndësishëm të transparencës dhe komunikimit të drejtpërdrejtë me qytetarët.

Ndërkohë, zonja Arminda Kastrati, drejtuese e Koalicionit gjinor Ndër rajonal, informoi për nismat dhe aktivitetet e ndërmarra dhe të planifikuara, si dhe për punën e Komisionit Gjinor dhe bashkëpunimin me Këshillin Bashkiak për avancimin e çështjeve gjinore.

Një interes i veçantë, mori edhe prezantimi i eksperiencës së organizimit jo formal të grave të Kuvendit të Prizrenit, në lidhje me aktivitetet që ata po kryejnë për të forcuar rolin e grave në komunitet.

Ky takim shërbeu si një platformë e rëndësishme për diskutim, shkëmbim mendimesh dhe planifikim të aktiviteteve të përbashkëta në të ardhmen.

27/10/2025

Mbledhja e Muajit Tetor!

08/10/2025

04/09/2025

NJOFTIM PËR KONSULTIM PUBLIK.

22/08/2025

Njoftim !
Mbledhja e Këshillit Bashkiak Has,Gusht 2025!

14/08/2025

Me datë 14.08.2025 u zhvillua konsultimi publik me temë:”Miratimi i Tavaneve perfundimtare te PBA 2026-2028”.
Programi Buxhetor Afatmesëm (PBA) 2026–2028 është dokumenti strategjik që përcakton politikat fiskale dhe kufijtë e shpenzimeve për tre vitet e ardhshme, duke u bazuar në objektivat makroekonomikë dhe prioritetet qeveritare.
Programi Buxhetor Afatmesëm (PBA)lidhet drejtpërdrejtë me qytetarët, pasi buxheti për sektorë si shëndetësia, arsimi, infrastruktura dhe mbrojtja ndikon në cilësinë e shërbimeve publike, punësim, mirëqenie dhe zhvillimin e komuniteteve. Përmes tij synohet përdorimi i përgjegjshëm i taksave dhe rritja e transparencës, duke u mundësuar qytetarëve të përfitojnë nga projektet dhe politikat publike që përmirësojnë jetën e përditshme.

13/08/2025

Me datë 13.08.2025 u zhvillua konsultimi publik me temë”: Plani i Integrimit Gjinor”.
Ky plan synon integrimin e perspektivës gjinore në të gjitha politikat, programet dhe buxhetimin e institucionit, me qëllim sigurimin e barazisë efektive ndërmjet grave dhe burrave, vajzave dhe djemve.
Integrimi gjinor është një proces ku çdo vendimmarrje merr në konsideratë ndikimin e saj mbi gratë dhe burrat në mënyrë të barabartë.
2. Objektivat strategjikë.
1. Fuqizimi i grave dhe vajzave në të gjitha fushat e jetës publike dhe private.
2. Integrimi i perspektivës gjinore në politikat, planet dhe buxhetimin institucional.
3. Ulja e pabarazive gjinore në punësim, arsim, shëndetësi dhe pjesëmarrje politike.
4. Parandalimi dhe adresimi i dhunës me bazë gjinore.
5. Rritja e ndërgjegjësimit publik për barazinë gjinore.
•Zbatimi i këtij plani do të sigurojë që barazia gjinore të mos trajtohet si një çështje e veçuar, por të jetë pjesë integrale e çdo politike dhe vendimi institucional, duke përmirësuar cilësinë e jetës për të gjithë qytetarët në mënyrë të barabartë.

13/08/2025

Me datë 13.08.2025 u zhvillua konsultimi publik me temë”: Plani i Veprimit për Diasporën dhe Integrimin”.
Ky plan synon të forcojë lidhjet midis shtetit shqiptar dhe diasporës, të mbështesë integrimin e emigrantëve në vendet pritëse dhe të nxisë kontributin e tyre në zhvillimin ekonomik, kulturor dhe social të Shqipërisë.
Dokumenti bazohet në Strategjinë Kombëtare për Diasporën 2021–2025, Ligjin nr. 16/2018 “Për diasporën”, dhe aktet nënligjore për menaxhimin e emigracionit.
2. Objektivat strategjikë.
1. Forcimi i marrëdhënieve me diasporën dhe promovimi i identitetit kombëtar jashtë vendit.
2. Përfshirja e diasporës në zhvillimin e Shqipërisë përmes investimeve, inovacionit dhe transferimit të njohurive.
3. Mbrojtja e të drejtave të emigrantëve dhe ofrimi i shërbimeve konsullore efikase.
4. Promovimi i kulturës dhe gjuhës shqipe tek brezat e dytë dhe të tretë.
5. Menaxhimi i migracionit të kthimit dhe integrimi i emigrantëve të rikthyer.
•Ky plan përfaqëson një qasje të integruar për bashkëpunimin me diasporën dhe menaxhimin e emigracionit, duke siguruar që qytetarët shqiptarë jashtë vendit të jenë pjesë aktive e zhvillimit të vendit dhe të kenë mbrojtje të plotë të të drejtave të tyre.

13/08/2025

Me datë 13.08.2025 u zhvillua konsultimi publik me temë”: Plani i Arsimit Parauniversitar”.
Plani i Arsimit Parauniversitar është dokumenti strategjik që përcakton drejtimet, objektivat dhe masat që do të ndërmerren për zhvillimin e arsimit nga kopshti deri në maturë.
Në Shqipëri, ai bazohet në Ligjin nr. 69/2012 “Për sistemin arsimor parauniversitar” dhe në politikat e Ministrisë së Arsimit, por mund të hartohet edhe në nivel vendor nga bashkitë ose drejtoritë arsimore.
1. Qëllimi kryesor:
• Të garantojë arsim cilësor, gjithëpërfshirës dhe të barabartë për çdo fëmijë.
• Të përshtasë arsimin me zhvillimet ekonomike, teknologjike dhe shoqërore.
• Të krijojë kushte që çdo nxënës të zhvillojë potencialin e tij maksimal.
2. Shtyllat kryesore të planit:
a) Përfshirja dhe aksesueshmëria.
• Rritja e pjesëmarrjes në arsimin parashkollor (mosha 3–6 vjeç).
• Sigurimi i transportit, teksteve dhe ushqimit për fëmijët në zona të vështira.
• Mbështetje për fëmijët romë, egjiptianë dhe me aftësi të kufizuara.
b) Cilësia e arsimit.
• Trajnim i vazhdueshëm i mësuesve në metoda bashkëkohore.
• Përdorimi i teknologjisë në mësimdhënie.
• Përmirësim i kurrikulës për zhvillimin e kompetencave bazë dhe atyre praktike.
c) Gjithëpërfshirja dhe barazia.
• Shërbime psiko-sociale në çdo shkollë.
• Programe kundër bullizmit dhe diskriminimit.
• Mbështetje për nxënësit me vështirësi në të nxënë.
d) Infrastruktura dhe burimet.
• Ndërtimi dhe rikonstruksioni i shkollave dhe kopshteve.
• Pajisja me laboratorë, kabinete dhe ambiente sportive.
• Sigurimi i kushteve higjieno-sanitare.
e) Qeverisja dhe menaxhimi.
• Rritja e transparencës në përdorimin e fondeve.
• Përfshirja e prindërve dhe komunitetit në vendimmarrje.
• Monitorim dhe vlerësim periodik i performancës së shkollave.
3. Zbatimi dhe afatet.
• Planifikohet zakonisht për një periudhë 3–5 vjeçare.
• Çdo vit bëhet rishikimi dhe raportimi i progresit.
• Vendosen tregues matës (p.sh. % e fëmijëve të regjistruar, rezultatet e provimeve, numri i shkollave të rikonstruktuara).
•Ky plan është rezultat i një procesi të gjerë konsultimi me mësues, prindër, nxënës, përfaqësues të pushtetit vendor, organizata të shoqërisë civile.
Zbatimi i tij do të mundësojë një sistem arsimor më cilësor, gjithëpërfshirës dhe të përshtatur me sfidat e kohës.

22/07/2025

NJOFTIM PËR KONSULTIM PUBLIK!
Datë 14.08.2025.
Tema:Miratimi i Tavaneve Përfundimtare PBA 2026-2028.