Prefektura Korçë

16/06/2026

15/06/2026

15/06/2026

Në vijim të inspektimeve në stacionet e MZSH-ve të Qarkut Korçë, u zhvillua një vizitë inspektuese në Stacionin e MZSH-së pranë Bashkisë Pustec, me pjesëmarrjen e Prefektes së Qarkut Korçë, Sekretares së Përgjithshme dhe Përgjegjësit të Sektorit të Emergjencave Civile.

Gjatë inspektimit u vlerësuan gjendja teknike e mjeteve zjarrfikëse, kapacitetet njerëzore dhe niveli i gatishmërisë për përballimin e emergjencave gjatë sezonit veror 2026. U diskutua mbi masat parandaluese për reduktimin e rrezikut nga zjarret, monitorimin e zonave me risk dhe forcimin e bashkëpunimit ndërinstitucional për reagim sa më efektiv ndaj situatave emergjente.

Strukturat e Mbrojtjes Civile dhe shërbimet operacionale në Bashkinë Pustec mbeten në gatishmëri të plotë për përballimin e çdo emergjence dhe garantimin e sigurisë së qytetarëve.

14/06/2026

12/06/2026

Në ambientet e Muzeut "Bratko" u zhvillua një aktivitet i veçantë në bashkëpunim me Ambasadën e Japonisë në Shqipëri.
Aktiviteti solli elemente të kulturës japoneze përmes gastronomisë tradicionale dhe artit të origamit, duke promovuar dialogun dhe shkëmbimin kulturor ndërmjet Shqipërisë dhe Japonisë.

12/06/2026

Në kuadër të masave parapërgatitore për parandalimin dhe përballimin e situatave emergjente gjatë sezonit veror 2026, Prefektura e Qarkut Korçë, në bashkëpunim me QMCQ-në Korçë, zhvilloi takime koordinuese në Bashkitë Kolonjë dhe Devoll me strukturat përgjegjëse të mbrojtjes civile dhe menaxhimit të emergjencave.

Gjatë takimeve u diskutuan:
Gjendja e gatishmërisë së strukturave vendore për përballimin e emergjencave gjatë sezonit veror 2026.
Hartimi dhe zbatimi i planeve të masave për parandalimin dhe përballimin e zjarreve.
Funksionimi i sistemeve të monitorimit, paralajmërimit të hershëm, njoftimit dhe alarmit.
Kontrolli i zonave pyjore, identifikimi i problematikave dhe masat parandaluese.
Gatishmëria e strukturave dhe mjeteve të Mbrojtjes nga Zjarri dhe Shpëtimit (MZSH).
Bashkëpunimi dhe koordinimi ndërinstitucional ndërmjet bashkive, Prefekturës, Policisë së Shtetit dhe institucioneve të tjera përgjegjëse.
Informimi dhe ndërgjegjësimi i komunitetit, si dhe forcimi i shkëmbimit të informacionit ndërmjet strukturave përgjegjëse.

Takimet shërbyen për forcimin e koordinimit institucional dhe rritjen e gatishmërisë së strukturave vendore për një reagim sa më të shpejtë dhe efektiv ndaj situatave emergjente gjatë sezonit veror 2026.

10/06/2026

Konkursi “Artizanët”, i cili ka përfshirë 14 shkolla 9-vjeçare të Bashkisë Korçë dhe Maliq, sot ka zhvilluar finalen e tij me 7 shkollat e kualifikuara, me projekte në fusha si: ndërtim, hidraulikë, elektrikë, etj.
Konkursi, i iniciuar nga Këshilli i Qarkut Korçë në bashkëpunim me shkollën Profesionale Teknike Korçë, shpalli fitues projektin e nxënësve të shkollës Sotir Gurra, me titull “Të rindezim kujtimet”.