Prefekti i Qarkut Durrës

Prefekti i Qarkut Durrës Institucioni i Prefektit mbikqyr,kontrollon dhe bashkërendon veprimtarinë e institucioneve qëndrore

Në vijim të situatës emergjente të krijuar si pasojë e rrëshqitjes së një masivi kodrinor në zonën e Currilave, Prefekti...
05/06/2026

Në vijim të situatës emergjente të krijuar si pasojë e rrëshqitjes së një masivi kodrinor në zonën e Currilave, Prefekti i Qarkut Durrës thirri në një mbledhje të jashtëzakonshme Komisionin e Mbrojtjes Civile të Qarkut Durrës.

Kjo mbledhje urgjente u zhvillua për të bërë një vlerësim të plotë, të thelluar dhe të mirëkoordinuar të situatës, përmes kontributeve teknike dhe profesionale të të gjithë institucioneve të përfshira, me synim hartimin e një plani të detajuar masash dhe një plani të qartë veprimi, të mbështetur në një qasje të unifikuar ndërinstitucionale, për të mundësuar një reagim të shpejtë, të koordinuar dhe efektiv, në funksion të menaxhimit të situatës, minimizimit të pasojave dhe, mbi të gjitha, të garantimit të sigurisë së jetës dhe pronës së qytetarëve.

Në kuadër të përgatitjeve për garantimin e mbarëvajtjes së sezonit turistik veror 2026, u zhvillua mbledhja e parë e Tas...
04/06/2026

Në kuadër të përgatitjeve për garantimin e mbarëvajtjes së sezonit turistik veror 2026, u zhvillua mbledhja e parë e Task-Forcës Ndërinstitucionale për Sezonin Turistik Veror 2026, me pjesëmarrjen e Zëvendësministrit të Brendshëm, z. Xhemal Qefalia, si dhe përfaqësuesve të institucioneve përbërëse. Krijimi dhe funksionalizimi i kësaj strukture përfaqëson një domosdoshmëri institucionale, e cila buron nga kompleksiteti gjithnjë në rritje i menaxhimit të sezonit turistik, ku ndërthurja e komponentëve të sigurisë, shërbimeve dhe administrimit kërkon domosdoshmërisht koordinim të qëndrueshëm dhe veprim të unifikuar ndërinstitucional.

Gjatë takimit, vëmendja u përqendrua në verifikimin e planeve të masave të miratuara dhe në analizën e nivelit të zbatimit të tyre në praktikë. Paralelisht, u realizua një vlerësim kritik i problematikave të evidentuara gjatë sezonit të kaluar, të cilat u trajtuan jo thjesht si të dhëna referuese, por si bazë thelbësore për rikonceptimin e ndërhyrjeve institucionale dhe formulimin e masave korrigjuese konkrete.

Në përmbyllje, u theksua se efektiviteti i kësaj strukture varet drejtpërdrejt nga zbatimi rigoroz i detyrimeve ligjore dhe nga niveli i përgjegjshmërisë institucionale në terren, si parakusht thelbësor për forcimin e besimit publik dhe garantimin e standardeve të kërkuara.

Në frymën e Festës së Kurban Bajramit, ju përcjellim urimet më të sinqerta për paqe, mirësi dhe harmoni në familjet tuaj...
27/05/2026

Në frymën e Festës së Kurban Bajramit, ju përcjellim urimet më të sinqerta për paqe, mirësi dhe harmoni në familjet tuaja!

Le të na afrojë kjo ditë e shenjtë më shumë mirëkuptim, respekt dhe besim tek njëri - tjetri!

Në kuadër të bashkëpunimit civilo-ushtarak dhe forcimit të koordinimit ndërinstitucional, u zhvillua një takim me pjesëm...
26/05/2026

Në kuadër të bashkëpunimit civilo-ushtarak dhe forcimit të koordinimit ndërinstitucional, u zhvillua një takim me pjesëmarrjen e përfaqësuesve të Shtabit të Përgjithshëm të Forcave të Armatosura dhe institucioneve vendore e qendrore të Qarkut Durrës, i cili u fokusua në thellimin e ndërveprimit institucional si një komponent thelbësor për rritjen e kapaciteteve të reagimit dhe menaxhimit të situatave emergjente, si dhe për forcimin e mbështetjes së strukturuar ndaj autoriteteve civile.

Diskutimet vunë theksin mbi domosdoshmërinë e përditësimit të instrumenteve strategjike dhe metodologjive ekzistuese, në funksion të rritjes së efektivitetit operativ, përshtatjes ndaj rreziqeve në zhvillim dhe forcimit të ndërveprimit funksional ndërmjet strukturave përgjegjëse.

Gjithashtu, u vlerësua si element strategjik nxitja e përfshirjes së të rinjve në strukturat mbështetëse, si dhe zhvillimi i mëtejshëm i kapaciteteve të forcave rezerviste, në funksion të ndërtimit të një sistemi më të qëndrueshëm, më elastik dhe më të përgatitur për përballimin e sfidave të së ardhmes.

Në kuadër të përgatitjes për përballimin e sfidave që shoqërojnë sezonin veror, u zhvillua mbledhja e Komisionit të Mbro...
20/05/2026

Në kuadër të përgatitjes për përballimin e sfidave që shoqërojnë sezonin veror, u zhvillua mbledhja e Komisionit të Mbrojtjes Civile të Qarkut Durrës, me pjesëmarrjen e Drejtorit të Përgjithshëm të Agjencisë Kombëtare të Mbrojtjes Civile, z. Haki Çako. Ky takim shënoi një moment të qartë të konsolidimit të përgjegjësisë institucionale përtej kornizave formale, ku nevoja për veprim të harmonizuar ndërinstitucional dhe reflektimi mbi problematikat e vitit të kaluar u vendosën në qendër si kusht thelbësor për përballimin me efikasitet të çdo situate emergjente.

Në kontekstin e specifikave të sezonit veror, të karakterizuar nga temperatura të larta dhe rrezik i shtuar për zjarre, u nënvizua domosdoshmëria e një angazhimi të shtuar dhe të mirëkoordinuar nga të gjitha strukturat përgjegjëse. Ky angazhim përkthehet në intensifikimin e monitorimit në terren, përditësimin e planeve të masave dhe garantimin e një koordinimi funksional e të menjëhershëm, me synim mbrojtjen e jetës së qytetarëve, pronës, mjedisit dhe trashëgimisë kulturore nga çdo situatë emergjente apo fatkeqësi natyrore.

Gjatë mbledhjes së radhës së Këshillit të Basenit Ujor Ishëm, të zhvilluar në bashkëpunim me Zyrën e Administrimit të Bu...
14/05/2026

Gjatë mbledhjes së radhës së Këshillit të Basenit Ujor Ishëm, të zhvilluar në bashkëpunim me Zyrën e Administrimit të Burimeve Ujore Ishëm, Erzen dhe Mat, u shqyrtuan dhe u miratuan katër projektvendime që lidhen me lejet për përdorimin dhe shfrytëzimin e burimeve ujore.

Në fokus të diskutimeve ishte forcimi i administrimit të qëndrueshëm të burimeve ujore, transparenca në procesin vendimmarrës dhe zbatimi rigoroz i kuadrit ligjor në fuqi.

Sot, në Panairin e Punës dhe Karrierës, një aktivitet me rëndësi të veçantë për Universiteti “Aleksandër Moisiu” dhe zhv...
13/05/2026

Sot, në Panairin e Punës dhe Karrierës, një aktivitet me rëndësi të veçantë për Universiteti “Aleksandër Moisiu” dhe zhvillimin e Durrësit.

Prania jonë në këtë aktivitet është dëshmi e përgjegjësisë institucionale për të mbështetur zhvillimin ekonomik e shoqëror, si dhe për të forcuar urat e bashkëpunimit mes universiteteve dhe tregut të punës, për të krijuar mundësi reale për të rinjtë dhe të ardhmen e tyre profesionale.

Ashtu si dikur mbroheshin portat, muret dhe qytetet, sot mbrohen rrjetet, të dhënat dhe komunikimi ynë. Siguria kibernet...
10/05/2026

Ashtu si dikur mbroheshin portat, muret dhe qytetet, sot mbrohen rrjetet, të dhënat dhe komunikimi ynë. Siguria kibernetike është kthyer në një nga garancitë më të rëndësishme për paqen, zhvillimin dhe stabilitetin e shoqërive tona ndaj dhe ky takim merr një rëndësi të veçantë sepse bashkëpunimi është mbrojtja më e fortë që mund të ndërtojmë.

Në kuadër të konferencës “United for Climate”, të zhvilluar përgjatë tre ditëve me fokus forcimin e qëndrueshmërisë klim...
08/05/2026

Në kuadër të konferencës “United for Climate”, të zhvilluar përgjatë tre ditëve me fokus forcimin e qëndrueshmërisë klimatike dhe thellimin e bashkëpunimit rajonal në Ballkanin Perëndimor, Institucioni i Prefektit të Qarkut Durrës u përfaqësua nga Sekretari i Përgjithshëm, z. Edison Jonuzi, i cili ishte pjesë e panelit të sesionit mbi paralajmërimin e hershëm, një forum ndërinstitucional me rëndësi strategjike, i orientuar drejt forcimit të mekanizmave të bashkëpunimit dhe rritjes së kapaciteteve për reagim të hershëm ndaj rreziqeve klimatike.

Konferenca u organizua bashkërisht nga Ministria e Mjedisit e Shqipërisë, GIZ dhe partnerët në kuadër të Partneritetit Rajonal për Klimën.

Diskutimet u përqendruan në shkëmbimin e zgjidhjeve praktike dhe të integruara në fusha kyçe si mobiliteti urban i qëndrueshëm, bujqësia e përshtatur ndaj ndryshimeve klimatike, menaxhimi i burimeve ujore dhe sistemet e paralajmërimit të hershëm, duke reflektuar domosdoshmërinë e një qasjeje të koordinuar dhe të përbashkët për përballimin e sfidave klimatike.

Në këtë 5 Maj, mes homazheve, kujtimi i dëshmorëve vjen si një pjesë e pandashme e asaj që jemi sot.Të rënët janë krenar...
05/05/2026

Në këtë 5 Maj, mes homazheve, kujtimi i dëshmorëve vjen si një pjesë e pandashme e asaj që jemi sot.

Të rënët janë krenaria e kësaj shoqërie, herë të shëndoshë e herë të sëmurë, herë të qetë e herë të egërsuar, herë të arsyeshme e herë të krisur. Këtë krenari nuk ua dha kush, e fituan vetë dhe, bujarisht, na bënë edhe ne pjesë të saj.

Address

Durrsi

Opening Hours

Monday 08:00 - 16:30
Tuesday 08:00 - 16:30
Wednesday 08:00 - 16:30
Thursday 08:00 - 16:30
Friday 08:00 - 16:30

Telephone

+35552225528

Website

Alerts

Be the first to know and let us send you an email when Prefekti i Qarkut Durrës posts news and promotions. Your email address will not be used for any other purpose, and you can unsubscribe at any time.

Shortcuts

Share

Category