Shkolla 9-vjecare "Pal Zefi" Rrushkull

01/06/2026

🌈🎉 Festë plot ngjyra, buzëqeshje dhe emocione për 1 Qershorin!

Sot fëmijët e kopshtit tonë festuan me gëzim dhe entuziazëm Ditën Ndërkombëtare të Fëmijëve, duke sjellë atmosferë të ngrohtë, këngë, valle dhe shumë lumturi.
Një falënderim dhe vlerësim i veçantë shkon për edukatoret Valbona Karaj dhe Fatjeta Zefi, të cilat me përkushtimin, dashurinë dhe profesionalizmin e tyre organizuan një aktivitet të bukur dhe të paharrueshëm për vogëlushët. Puna e tyre e palodhur u pasqyrua në buzëqeshjet dhe lumturinë e çdo fëmije.
Urime të përzemërta edhe për fëmijët tanë të mrekullueshëm, që me energjinë dhe pafajësinë e tyre e bënë këtë ditë kaq të veçantë, si dhe për prindërit që janë gjithmonë mbështetës dhe bashkëpunëtorë në çdo aktivitet.
Gëzuar 1 Qershorin të gjithë fëmijëve! Ju urojmë një fëmijëri të lumtur, plot dashuri, shëndet dhe ëndrra të bukura që bëhen realitet. 🌟👧🧒🌸
❤️🌼

30/05/2026

"Prindërit Tanë" ❤️
Një nga momentet më emocionuese të Festës së Abetares ishte interpretimi i këngës kushtuar prindërve. Me zërat e tyre të ëmbël dhe plot ndjenjë, fëmijët shprehën dashurinë, mirënjohjen dhe respektin për ata që i shoqërojnë çdo ditë në rrugën e dijes.
Kjo këngë ishte një falënderim i veçantë për të gjithë prindërit, për përkushtimin, mbështetjen dhe sakrificat e tyre të vazhdueshme.

Faleminderit prindërve që janë gjithmonë pranë fëmijëve të tyre, duke i inkurajuar dhe mbështetur në çdo hap të rrugëtimit të tyre.

30/05/2026

🌟 Festa e Abetares – Klasa I 🌟
Me shumë emocion, gëzim dhe krenari, nxënësit e klasës së parë, nën përkujdesjen e mësueses Liljana Meta, festuan Festën e Abetares, një nga momentet më të bukura të rrugëtimit të tyre shkollor.
Përmes recitimeve, këngëve dhe interpretimeve të veçanta, fëmijët treguan njohuritë dhe aftësitë e fituara gjatë këtij viti të rëndësishëm shkollor.
Një veçanti që e bëri këtë festë edhe më të bukur ishte përkushtimi dhe kreativiteti i mësueses Liljana Meta, e cila kishte krijuar dhe përgatitur vetë këngët e festës, duke i dhënë aktivitetit origjinalitet, ngrohtësi dhe shumë emocion.
Shprehim mirënjohjen dhe vlerësimin tonë të veçantë për mësuesen Liljana Meta për punën e palodhur, dashurinë dhe përkushtimin me të cilin udhëheq nxënësit në hapat e tyre të parë drejt dijes. Falënderojmë gjithashtu prindërit për mbështetjen dhe bashkëpunimin e vazhdueshëm gjatë këtij rrugëtimi të rëndësishëm.
Urime të gjithë nxënësve për këtë arritje të bukur! Ju urojmë suksese të pafundme në rrugën tuaj drejt dijes! ✨ 👏

15/05/2026

Sot u zhvillua një takim informues me stafin mësimor të shkollës lidhur me zbatimin e programeve lëndore të përditësuara dhe trajnimet në kuadër të PKZHPM-së.
Gjatë takimit u theksua rëndësia e njohjes dhe zbatimit korrekt të programeve të reja lëndore, si dhe pjesëmarrja aktive në trajnimet profesionale të publikuara nga ASCAP.
Koordinatorja e Sigurimit të Cilësisë, Trendafile Koleci, informoi stafin mbi mënyrën e aksesimit të materialeve dhe programeve duke nxitur bashkëpunim dhe angazhim të vazhdueshëm për rritjen e cilësisë në procesin mësimor. 📚✏️

30/04/2026

🌿 FALEMINDERIT NATYRË! FALEMINDERIT FSHAT! 🌿
Në kopshtin tonë u zhvillua një orë e hapur shumë e veçantë me fëmijët e grupit parashkollor, nën drejtimin e edukatores Valbona Karaj.
Fëmijët kishin përgatitur një ekspozitë të bukur me punime, vizatime dhe produkte të ndryshme të fshatit tonë.
Përmes kësaj veprimtarie, ata mësuan të duan natyrën, të kujdesen për mjedisin dhe të vlerësojnë punën, traditën dhe begatinë që na fal fshati.
👏 Falenderojmë prindërit për bashkëpunimin dhe përgëzojmë fëmijët për pjesëmarrjen dhe krijimtarinë e tyre!
👏 Falënderime dhe vlerësim për edukatoren Valbona Karaj për përkushtimin, kujdesin dhe organizimin e kësaj ore kaq të bukur e domethënëse.
Le ta duam natyrën, ta mbrojmë dhe të kujdesemi për të çdo ditë, sepse ajo është burim jete, bukurie dhe mirësie për të gjithë ne.

28/04/2026

Orë e hapur në lëndën Anglisht ✨
Në kuadër të procesit të kualifikimit për marrjen e kategorisë së parë “Mësuese e kualifikuar”, mësuesja Hygerta Beqja zhvilloi një orë të hapur në lëndën Anglisht, me temë “Listening and Reading”, me nxënësit e klasës së VIII-të.

Ora dëshmoi përgatitje të kujdesshme pedagogjike, profesionalizëm dhe përkushtim në drejtimin e procesit mësimor. Ajo u karakterizua nga larmia e metodave, gjithëpërfshirja e nxënësve dhe një klimë pozitive e bashkëpunuese.
Përdorimi i mjeteve digjitale ishte mjaft efektiv, duke rritur interesin e nxënësve për temën dhe duke nxitur zhvillimin e aftësive të të dëgjuarit, të lexuarit dhe të komunikimit në gjuhën angleze.
👏 Përgëzojmë nxënësit e klasës së VIII-të për angazhimin, pjesëmarrjen aktive dhe bashkëpunimin gjatë orës mësimore.
👏 Falënderojmë dhe përgëzojmë mësuesen Hygerta Beqja për seriozitetin, përkushtimin dhe punën e saj në rrugëtimin profesional.

I urojmë suksese të mëtejshme në procesin e kualifikimit dhe në misionin e saj fisnik si mësuese!

27/04/2026

Orë e hapur në lëndën Gjuhë shqipe
Në kuadër të procesit të kualifikimit për marrjen e kategorisë së dytë “Mësuese Specialist”, ora e hapur në lëndën Gjuhë shqipe, me temë “Fjalët me kuptim të kundërt – Antonimet”, e zhvilluar nga mësuesja Klaudia Karaj Gjata me nxënësit e klasës së 2-të, dëshmoi një nivel të lartë profesionalizmi, përkushtimi dhe përgatitjeje pedagogjike.

Ora u karakterizua nga larmia e metodave mësimore, gjithëpërfshirja e nxënësve dhe një klimë pozitive e bashkëpunuese. Përdorimi i Smart Lab-it dhe i mjeteve digjitale ishte mjaft efektiv, duke realizuar në mënyrë të shkëlqyer kompetencën digjitale dhe duke rritur interesin e nxënësve për temën.

Përgëzojmë nxënësit e klasës së 2-të për angazhimin, pjesëmarrjen aktive, përgjigjet e bukura dhe bashkëpunimin gjatë orës mësimore.👏

Falënderojmë dhe përgëzojmë mësuesen Klaudia Gjata për seriozitetin, përkushtimin dhe punën e palodhur në rrugëtimin e saj profesional.👏
I urojmë suksese të mëtejshme në procesin e kualifikimit dhe në misionin e saj fisnik si mësuese!

22/04/2026

🌍🎶 22 Prilli – Dita e Tokës 🌱
Një vlerë e veçantë e këtij aktiviteti ishte edhe kënga e krijuar nga mësuesja Liljana Meta, e cila përcolli me shumë ndjenjë mesazhe dashurie dhe kujdesi për Tokën tonë.
Falënderojmë dhe vlerësojmë mësuese Liljana Metën për përkushtimin, talentin dhe frymëzimin që solli në këtë ditë kaq të veçantë.
🌎 Toka është shtëpia jonë e përbashkët — le ta duam dhe ta mbrojmë çdo ditë!

🎵 Toka Jonë - Këngë Arsimore për Fëmijë | Mbrojmë Planetin Tonë! 🌍❤️Toka jonë është shtëpia jonë e bukur! Kjo këngë e gëzueshme mëson fëmijët të duan dhe m...

27/11/2025

Festa e 28–29 Nëntorit në shkollën tonë 🇦🇱
Sot në shkollën “Pal Zefi” festuam me krenari dhe emocion festat e 28 dhe 29 Nëntorit.

Ishte një festë madhështore, ku nxënësit tanë shkëlqyen me talentin e tyre, duke shfaqur aftësi, plot emocion dhe dashuri për atdheun. Prindërit, si gjithmonë, ishin pjesë e kësaj atmosfere të ngrohtë e motivuese.

Një falënderim dhe vlerësim i posaçëm shkon për mësuesen organizatore Alzeta Vlashi , e cila me përkushtim dhe kreativitet bëri të mundur realizimin e një feste kaq të bukur dhe mbresëlënëse. 🌟

Jemi krenarë për nxënësit, mësuesit, prindërit dhe gjithë komunitetin tonë shkollor.
🇦🇱 Gëzuar Festat e Nëntorit! ❤️🖤