30/01/2024
Këtë qen të bukur e kam adoptuar para pak ditësh. Ishte endacak, ndoshta i braktisur. Rrinte pranë shtëpisë… Por, nuk jam i vetmi që kam parë qen të enden rrugëve të Durrësit. Disa prej jush e kanë përshkruar me të drejtë shtimin e tyre si shqetësim shumë serioz. Sipas disa informacioneve, qytete fqinjë po sjellin në Durrës qen me furgonë, duke i lëshuar në zona të qytetit.
Së shpejti, vjen sezoni turistik veror. Ekonomia e Durrësit nuk duhet të rrezikohet nga një problem i tillë. Kjo është arsyeja e kësaj thirrjeje publike për institucionet përkatëse vendore, veçanërisht Bashkinë Durrës, për gjetjen së bashku të një zgjidhjeje në të mirë të qytetarëve dhe këtyre kafshëve të braktisura.
Në Këshillin Bashkiak, do të ngre edhe këtë shqetësim. Si anëtar i Këshillit, synimi im është dhe do të jetë deri në përfundim të punës sime aty dhënia zë e problemeve tuaja. Mos ngurro të më kontaktosh për çdo shqetësim, drejt një Durrësi më të mirë për të rritur fëmijët dhe për një jetë me dinjitet. 🙏
